AMSAL 16:9 - WUKE SUSI WATTI'U AL᷊AL᷊USASSA

⁹ Taumata wotongnge manggol᷊aga, arawe Ruata apan manantunnu lal᷊annu pabbiaṛṛanne.

AMSAL 16:9 Referans Kwoze

AMSAL 19:21

Taumata pia manambo ṛiinna, arawe tumba'u laṛṛawessu Mawu apan maola'a.

DARALO 37:23

Mawu mangngehetta taumata sulal᷊anna apan ṛinone amatanne, i Tou mannohassa taumata mabbiakka tuttuṛṛuta apulu-Ne.

AMSAL 16:1

Taumata wotongnge manggol᷊aga, arawe Ruata apan makkawessa.

AMSAL 20:24

Mawu buatte nanantunnu lal᷊annu pabbiaṛṛannu taumata su runia indi; waugu udde taumata tawe maasunna lal᷊annu pabbiaṛṛanne sassane.

YEREMIA 10:23

Mawu, i ya'u masingkatta tawe saran sangkatou apan maataṛṛino manantunnu nasimme ara'e mangul᷊inna lal᷊annu pabbiaṛṛanne.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

YESAYA 46:10

Wuassu panattaṛṛanne i Ya'u namasingkattu manga apa apan sarun mariaddi sal᷊immurine, ro'en dorone i Ya'u mabbatti'a apa apan sarun mariaddi. Manga wisara-U: Putusang-Ku sarun maola'a, apulu-U sarun Ta'u olaanna!

AMSAL 16:8

Mappianne asombangnga matul᷊ungnga sulal᷊ummu atatul᷊idda, wuassu asombangnga rial᷊u ringannu mallinga.

1 SAMUEL 9:16

“Tiṛṛabbi marua'allo iraṛṛangngo orassa arendi lai, Ya'u sarun mandolokku sangkatou wuassu ruanganni Benyamin maisasombanu. Teneha'e i tou ringannu darohan pallal᷊ana tadea i tou maola'a ratun walahannu Israel. I tou sarun manal᷊amatta al᷊aṛṛana-U wuassu taumatan Filistin. I Ya'u naasilote asasusa al᷊aṛṛana-U wuṛṛu naaringikke lal᷊uai mangitou ma'iontolla.”

2 TAWARIKH 22:7

Ruata buatte nanantunna manungku i Ahazia sarun aratingannu papatene sutempo i tou mattembo si Yoram. Su patatembo udde Ahazia wuṛṛu i Yoram naasomba lal᷊awangnga wuassu sangkatou esakka aranne i Yehu ana'i Nimsi, apan buatte nipilen Mawu iapapate amonanni Ratu Ahab.

AMSAL 21:1

Uasul᷊ungngu ere Mawu nangatokku ua'en sal᷊ukka tadea'u mangelekka tumuṛṛuttu apulu-Ne, aroddi lai i Tou mangngehetta ṛingirannu ratu.