AMSAL 16:21 - WUKE SUSI WATTI'U AL᷊AL᷊USASSA

²¹ Taumata apande asingkatanna wuassu ṛingiranne apan matakko'a; pabbawisarane apan maawol᷊engnga, maaola'a manga wisarane lembon apangimananna.

AMSAL 16:21 Referans Kwoze

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

AMSAL 15:7

Manga wisaran taumata pande napenen asingkatta, arawe ṛingirannu taumata woddo tawe aroddi.

AMSAL 27:9

Su ereapa lana mawangngi wuṛṛu manga wawangngi maal᷊uassa naungnga, aroddi lai apapian hawe maal᷊uassa naungnga.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

YOHANES 7:46

Manga mandariaga udde sinumimbakka, “Ah, taambe saran paassa pia taumata mabbisara naal᷊ihida ere i Tou!”

LUKAS 4:22

Manga wisara apan niwisara-Ne mapia atonna, na'oman sara i mangitou naherangnga wuṛṛu lapiddu nanamba'a si Tou. I mangitou nabbisara, “Wal᷊inewe i Tou indi ana'i Yusuf?”

MANNANASE 12:10

I tou maddea'a maasangkalla manga wisara lal᷊imbatta, wuṛṛu manga wisara apan niwoṛṛenne udewe atonna.

AMSAL 23:15

Ana'u, i tou mal᷊uassa atonna amungkangngu i'o pande.

AMSAL 10:8

Taumata apan pande, apulune mannengkamma al᷊aṛṛa'a; taumata apan wisarane woddo sarun ilamammiṛṛanna.

DARALO 45:2

Manga wisara maṛṛamaga sinumabbanga wuassu naungku, antari'u nionggola sasamba su ratu. Naal᷊ihidda penan sangkatou panden bisara, lila'u nasaddiate maapasabbangu sasanato'a.

1 MARARATU 3:12

ne darorongngu udde sarun Ta'u suunganna. I Ya'u sarun ma'ola'a si'o lembon masingkatta wuṛṛu lembon pia apande wuassu anambon taumata, mawae sutempo nangkal᷊iu ara'e lai sutempo addantane.

ROMA 16:19

Anambon taumata naasingkate manungku i yamiu matuṛṛuta su al᷊aṛṛa'u Watti'u Al᷊al᷊uassa wuassu Ruata. Wuṛṛu i ya'u mal᷊uassa su inolaanni yamiu udde. I ya'u maapulu tadea'u i yamiu pande su inolaanna apan mapia, wuṛṛu longonna su inolaanna apan lal᷊eo.

MATIUS 11:25

Su tempo udde Mawu Yesus u'al᷊iomanna, “Iamangnga Mawu apan uataṛṛino langitta wuṛṛu runia! I Ya'u ma'adiangkamanna Si'o ana waugu sarangkanambone udde niadapping-Ngu wuassu manga taumata apan pande wuṛṛu pia asingkanne, arawe I'o mannualaga su manga taumata apan tawe si'ol᷊ane.

AMSAL 16:22

Apapande uddewe punnu lal᷊umanna'a wiakku taumata mapia; taumata woddo sassansarannu awawoddone sassane.

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

AMSAL 10:13

Taumata apan ṛingiranne matakko'a mabbisaran manga wisara masiṛṛungnga; taumata woddo ṛinone puul᷊anna.

AMSAL 10:23

Taumata woddo mal᷊uassa naungnge ma'ola'a pasasal᷊a; taumata pande apulune maddea'a asingkatta.