AMSAL 16:17 - WUKE SUSI WATTI'U AL᷊AL᷊USASSA

¹⁷ Taumata mapia mangindaun al᷊al᷊eo; taumata apan mangngapia ola'u pabbiaṛṛanne, mallu'adda watanganne.

AMSAL 16:17 Referans Kwoze

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

AMSAL 19:16

Taumata apan tuttuṛṛutta manga parentan Duata sarun masal᷊amatta, taumata apan tawe mangaregane sarun nate.

AMSAL 10:9

Taumata matul᷊idda, mabbiakka mal᷊angnganna; taumata apan mallinga sarun asingkatanna.

SONDAPPA 3:10

Ana waugu i yamiu suete tinumuṛṛuta parenta-U tadea'u mangngimanna, i Ya'u lai sarun manillumma si yamiu wuassu tempon asasusa apan sarun mariaddi su ahewallu runia. Olangnge udde sarun mariaddi ipamono'a anambon taumata su runia.

YUDAS 1:21

wuṛṛu pabbiakke siddutu sulal᷊ummu darangngun Ruata tantal᷊anna i yamiu ual᷊aṛṛaddo al᷊amatti Yesus Kristus Mawun kite, apan sarun mangongogolu wiakka tutune wuṛṛu saran mal᷊annu-l᷊annu si yamiu.

IBRANI 10:39

I ite indi wal᷊inewe walahanna apan sussoṛṛota wuṛṛu u'al᷊iwu. Arawe i ite uddewe walahanna apan mangngimanna Ruata wuṛṛu apan iapaasal᷊amatta.

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

WATTI'U MANGA RASUL 10:35

Taumata apan matta'uttu Ruata wuṛṛu ma'ola'a apapia, taumata udde sengkamannu Ruata, tawe mamile i tou wuassu walahannu apa.

MATIUS 24:13

Arawe taumata apan matataṛṛangnga saran pangudusanne, sarun masal᷊amatta.

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

AMSAL 4:23

Paariagai mapia-pia naungngu, ana waugu ete naungngu apan manantunnu lal᷊annu pabbiaṛṛannu.

AMSAL 21:23

Su ipallinda'u asasusa, ṛinone paatehamma malluan bisara.

AMSAL 22:5

Paṛṛabba wuṛṛu sedda nitaingnga su lal᷊annu taumata taṛṛa linga; pangindauten sarangkanambone udde amungkangngu i'o mappulu masal᷊amatta.