AMSAL 15:23 - WUKE SUSI WATTI'U AL᷊AL᷊USASSA

²³ Manga wisara apan niwisara naṛṛino sutempone, mandantan al᷊al᷊uassa.

AMSAL 15:23 Referans Kwoze

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

AMSAL 12:14

Suapan taumata maasomba lal᷊antakku manga wisara wuṛṛu inolaanne; sangkatou-sangkatou onggol᷊annu wawal᷊inne ere buatte niolangnge.

AMSAL 16:13

Tal᷊aane apan naṛṛino maal᷊uassa tembonanne, i tou mandangngu taumata apan mabbisara tawe mangawusu.

AMSAL 24:26

Sasimbakka apan naṛṛino eteudde tatialan paggahawe tutune.

MANNANASE 3:1

Al᷊awo'u saranapa su runia indi nariaddi sutempo apan nitantunnu Ruata.

AMSAL 15:22

Hol᷊aga tawe nariaddi, amungkangngu tawe tatantalongannu pallaṛṛingidda; hol᷊aga mahessi, amungkangngu manambo apan mangonggollu tatantiro.

AYUB 6:25

Manga wisara apan matul᷊idda maasunge naungnga, arawe wisaranu tawe loṛṛone, tawe mangal᷊ene!

AMSAL 12:25

Apendamma sussinggawangnga maapaddi apulun naungnga, arawe manga wisara masaṛṛionto'a maahewalla naungnga.

AMSAL 16:24

Wisara masaṛṛionto'a naal᷊ihidda pul᷊a; temangnge manenengnga wuṛṛu maapia waddangnga.

YOHANES 1:37

Ruang katou mallal᷊aṛṛenggenni Yohanes naaringikka manga watti'a udde, see inaite tinumantalongnga Mawu Yesus.

YOHANES 11:29

Naaringikka udde, i Maria mal᷊iha-l᷊ihakka nabuatta see inaite naisasomba Mawu Yesus.