AMSAL 15:18 - WUKE SUSI WATTI'U AL᷊AL᷊USASSA

¹⁸ Taumata apan mal᷊ihakka masa'u mandantan patatiakka, taumata apan masabbare mangngapiddu paddarame.

AMSAL 15:18 Referans Kwoze

AMSAL 26:21

Naal᷊ihidda munsingnga wuṛṛu alu apan sidutu maarenggamma putungnga; aroddi lai taumata apan apulune uatatiakka malloso pabbawawul᷊o.

AMSAL 15:1

Ringannu sasimbakka apan masaṛṛionto'a, asasa'u mabbal᷊i umompo'a; sasimbakka apan maṛṛagge mapasabbangngu asasa'u.

MATIUS 5:9

Lal᷊umanna'a su taumata apan mangapiddu paddarame su wallattu taumata; Ruata sarun manga'u si mangitou maola'a manga al᷊aṛṛanang-Nge!

AMSAL 29:22

Taumata apan mal᷊ihakka masa'u maaola'a manambo taumata matatiakka wuṛṛu marosa.

AMSAL 14:29

Taumata pande tawe mal᷊ihakka masa'u; taumata woddo tawe ma'ul᷊inna watanganne.

MANNANASE 10:4

Amungkangngu i'o asa'uannu tembonanne, arie paddorongnga mangillol᷊o mammanara. Salaiwe pasasal᷊anu wahewalla, i'o ampunganna amungkangngu maannudda wuṛṛu masabbare.

AMSAL 16:28

Taumata apan mallinga mandantan pabbawawul᷊o; taṛṛa lobbossa mappatal᷊ein sanggaweanna.

AMSAL 10:12

Pabbawinsin mandantan patatiakka; darangngu mangngampungnga anambon pasasal᷊a.

AMSAL 28:25

Maṛṛingiddu watanganne sassane mandantan patatiakka; i'o ma'untunganna amungkangngu mangngimanna Mawu.

AMSAL 25:15

Asasabbare apan rarundinganannu manga wisara masaṛionto'a wotongnge apangimanannu taumata apan uataṛṛino, wuṛṛu makkimunsa'a anambon lumal᷊awangnga.

2 SAMUEL 19:43

Taumatan Israel sinumimbakka, “Taṛṛinon kami su ratu paapul᷊o maggewal᷊anne wuassu taṛṛinon kamiu, salaiwe ratu udde tuṛṛangngi yamiu. Anio i yamiu mangngaddio'a si yami? Arie pa'abul᷊iane manungku ete yami apan paarorone atonna naddorongnga tadea'u ratu iapidda mabbelengnga!” Arawe taumatan Yehuda maattiṛṛanna wuassu taumatan Israel wuṛṛu maddiri iawaddo.

AMSAL 15:19

Arawe taumata malassa sidutu mammendamma asasusa; taumata matul᷊idda tawe maasomba hal᷊ahe.

AMSAL 16:14

Asasa'un datu udde naal᷊ihidda watti'u ṛuumanna pateanna; taumata apan pande sarun mattinsahadda malladda!

AMSAL 22:24

Ariewe maggahawen taumata apan apulune massa'u wuṛṛu mal᷊ihakka umawitta daṛṛane.