AMSAL 15:15 - WUKE SUSI WATTI'U AL᷊AL᷊USASSA

¹⁵ Taumata apan uatul᷊angnga ṛinone uata'a mattinsahadda su lal᷊annu pabbiaṛṛanne; arawe taumata apan lulluassa sidutu su lal᷊umanna'a.

AMSAL 15:15 Referans Kwoze

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

ROMA 12:12

Ṛinone i yamiu mangngantimma Mawu ringannu mal᷊uassa, paasabare sulal᷊ummu asasusa, wuṛṛu paaṛṛimadda umal᷊iomanna.

AMSAL 15:13

Naungnga apan mal᷊uassa ma'ola'a hati masemakka; naungnga apan massusa maaurangnga naungnga.

AMSAL 17:22

Naungnga apan lulluassa maapia waddangnga; naungnga apan massusa maal᷊eo ikkatta.

ROMA 5:11

Wuṛṛu nangillembo wua isudde, i ite lai lullala'a ana waugu apapian Duata sulal᷊ummu Mawun kite Yesus Kristus. Ana waugu sulal᷊ummu Mawu Yesus, i ite orassa indi naapendampe paa'aukki ite apan mapia udde ringannu Ruata.

2 KORINTUS 1:5

Manga asasusa apan niapendamanni Kristus manambote lai aapendamanni yami. Wuṛṛu lai sulal᷊ummi Kristus naungngi yami lembon natohassa.

WATTI'U MANGA RASUL 16:25

Iraṛṛangngo alloaranete, i Paulus wuṛṛu i Silas u'al᷊iomanna wuṛṛu mangngantarin daralo su Ruata. Manga taumata tataṛṛanganna waine lai tantal᷊anna uararingikka sitarua mangngantari.

1 PETRUS 4:13

Ewe'e ṛinone i yamiu mamendama al᷊al᷊uassa ana waugu uatataṛṛanga suaddio'a ringanni Kristus. Ne napawe awawantugi Kristus niapaal᷊iatta'a, i yamiu sarun lumuassa.

AMSAL 16:22

Apapande uddewe punnu lal᷊umanna'a wiakku taumata mapia; taumata woddo sassansarannu awawoddone sassane.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

PANDARIADDI 47:9

sasimbakki Yakub, “Allangngu nabiakka maṛṛasutta tallun pul᷊o su tonnane naola'a mamamal᷊intadda. Allangngu mabbiakka napenen asasusa wuṛṛu maautta amungkangngu isul᷊ungngu uukku al᷊amonan allangngu ere mamamal᷊intadda.”

PANDARIADDI 37:35

Anambon anangnge, mawae esakka aroddi lai wawine nirumanta mallimbatta, arawe i tou tawe al᷊imbatanna. Wisarane, “Maddatingngu papate'u i ya'u sidutu lulluain ana'u.” Aroddite i tou sidutu lullal᷊o ana waugu anangnge.

AMSAL 15:14

Taumata pande maddea'a asingkatta; taumata woddo maddea'a awawoddone.

AMSAL 15:16

Mapianne darotongnga matul᷊u arawe tatantalongannu atata'utta su Mawu, sul᷊ungnge'e manambo darotongnga arawe tatantalongannu asasinggawanga.