AMSAL 14:8 - WUKE SUSI WATTI'U AL᷊AL᷊USASSA

⁸ Taumata pande masingkatta ereapa ṛinone mammanara, taumata woddo niawusuannu awawoddone.

AMSAL 14:8 Referans Kwoze

EFESUS 5:17

Arie awodoanna, ewe'e panaṛṛasidde apa apan ipaapulu Mawu.

2 TIMOTIUS 3:13

arawe manga taumata lal᷊eo wuṛṛu manga taumata taṛṛa l᷊inga sarun mabbal᷊i lembon al᷊eoanne. I mangitou mallinga taumata waine, wutte'e i mangitou sassane nial᷊inganna lai.

YAKOBUS 3:13

Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.

EFESUS 4:22

Ana waugu udde tantanga'e pallal᷊agun taumata tabbe ringannu ola'u pabbiaṛṛana tabbe apan tantal᷊anna ihagohakku manga apulun runia apan mangngal᷊iwu.

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

AMSAL 2:9

Amungkangu i'o matuṛṛutta si ya'u, ana'u, i'o sarun maasingkatta sarangkanambone apan matul᷊idda, tawe awusune wuṛṛu mapia. I'o lai sarun maasingkatta ereapa lal᷊anne i'o mabbiakka.

DARALO 119:73

Ete I'o apan na'ola'a wuṛṛu nandiaddi si ya'u, i ya'u onggol᷊eten pasasunna ipangurumma manga parenta-Nu.

DARALO 119:5

Antimanna i ya'u ringannu matohassa tuttuṛṛutta manga parenta-Nu.

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

YEREMIA 13:20

Mawu nabbisara su tumana'u Yerusalem, “Panutukke! Manga seennu tantal᷊anna ruddanta wuassu sawannakka! Suapate manga taumata apan ṛinone lindumanni yamiu wuṛṛu apan ipammungang kamiu udde.

DARALO 143:8

Suapan marua allo i ya'u paanaungaawe darangngu-Nu, ana waugu ete Si'o i ya'u uaantimma. Pantingiraawe si ya'u lal᷊anna apan ta'u amatanna, ana waugu ete Si'o i ya'u umal᷊iomanna.

1 KORINTUS 3:19

Ana waugu apan sassunnannu runia pande, udde awawoddo su aelleggu Ruata. Sulal᷊ummu Wuke Susi uawoṛṛetta, “Ruata mapaasal᷊a manga taumata pande sulal᷊ummu asingkati mangitou sassane.”

AMSAL 15:21

Awawoddo udde al᷊al᷊uassu taumata lal᷊eo, taumata pande mabbiakka matul᷊idda.

AMSAL 12:5

Taumata matul᷊idda maṛṛingiddu apa mapia; taumata lal᷊eo mangngumpangngu pangangawusu.

MANNANASE 2:13

Atonna, i ya'u masingkatta, “Asingkatta mappiannu wuassu awawoddo, ere lai semakka mappianne wuassu ararandumma.

MANNANASE 2:16

Taumata woddo sarun mal᷊ihakka timbul᷊ianna, arawe taumata apan pia asingkatta lai tawe sidutu nannaunganna. Mal᷊annu-l᷊annu sarangkanambone sarun mawul᷊i wuassu naungnga. I ite sarangkanambone sarun mate, mawae taumata pande ara'e lai taumata longonna.