AMSAL 14:32 - WUKE SUSI WATTI'U AL᷊AL᷊USASSA

³² Taumata lal᷊eo nate ana waugu al᷊al᷊eo, taumata mapia nilu'arannu apapiane.

AMSAL 14:32 Referans Kwoze

2 TIMOTIUS 4:18

Wuṛṛu i ya'u napallose wuassu papate. Atonna Ruata sarun mamallosa wuassu al᷊awo'u pandumma apan lal᷊eo su riri'u. I Tou sarun mangapi'u ringannu sal᷊amatta sulal᷊ummu araratuan-Ne su surga. Ṛinone i Tou wantuhanna saran mal᷊annu-l᷊annu! Amin.

2 KORINTUS 5:8

ana waugu udde naungngi yami masabbare. I yami mappianne mapallosa wuassu wadangngi yami indi, tadea'u wotongnge matana'a suadio'a ringannu Mawu.

DARALO 23:4

Salaiwe i ya'u u'amatta su wawal᷊anne apan marandumma, i ya'u tawe mata'uttu asasilaka, ana waugu I'o uaringanna si ya'u. I'o uatillumma si ya'u naal᷊ihidda sangkatou mallal᷊u'adda uatillumma dombane ringannu ta'inna wuṛṛu pal᷊o-pal᷊o.

SONDAPPA 14:13

See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”

PANDARIADDI 49:18

Oh Mawu, asasal᷊amatta apan buatte nianggola, ete udde ta'u raṛṛaddoanna.

2 KORINTUS 1:9

papendamanna ere ola'u suete nitantuna iṛṛuumanna pateanna. Arawe olangnge udde mariaddi tadea'u i yamiu tawe mangngimanna atatohassu wadangngu sassane, ewe'e su Ruata apan mapaawiakku taumata nate.

AMSAL 24:16

Ana waugu, salaiwe taumata matul᷊idda masokka manawo, i tou sidutu sarun rumarisikka apia. Arawe mawal᷊i'a, taumata lal᷊eo sarun maṛṛimunsa'u asasilaka.

DARALO 37:37

Pa'ellege taumata apan mapia wuṛṛu naungnge waresi; taumata apan mapulun paddarame uatahuanna allo addantane.

AYUB 13:15

I ya'u nauutulle ana waugu niasueanten ṛingidda! Amungkangngu Ruata mappulute mamate si ya'u, i ya'u manantilla, arawe i ya'u sarun manahekku pallal᷊agu'u su saruan-Ne.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

FILIPI 1:23

I ya'u wabollenganna wuassu ruan ba'a. I ya'u maapulu atonna manantangngu runia indi see inai matana'a ringanni Kristus, ana waugu eteudde lembon apianne;

FILIPI 1:21

Ana waugu matataṛṛino si ya'u, tuddan wia'u tumba'u si Kristus Wuṛṛu mate udde auntunganna.

ROMA 9:22

Aroddi lai apa apan buatte niola'u Ruata. I Tou maapulu mapaasabangngu naung-Nge lal᷊eo wuṛṛu mapaal᷊iatta'u taṛṛino-Ne. Arawe i Tou masabbare su saruanni mangitou apan sarun iṛṛuumanna ana waugu napaasa'un Tou.

YOHANES 8:24

Ana waugu udde i Ya'u mabbisara si yamiu, manungku i yamiu sarun mate sulal᷊ummu manga rosanu. Wuṛṛu atonna i yamiu sarun mate sulal᷊ummu manga rosanu, amungkangngu i yamiu tawe mangngimanna manungku, ‘ete i Ya'u i Tou apan isassago I YA'U INDI’. ”

YOHANES 8:21

Mawu Yesus nabbisara apia si mangitou, “I Ya'u inaite, wuṛṛu i yamiu sarun maddea'a si Ya'u, arawe i yamiu sarun mate sulal᷊ummu rosanu. Su tampa Ta'u rantanna, i yamiu tawe maaranta.”

LUKAS 2:29

“Orassa indi, Mawu, I'o suete napasuungngu pa'aire-Nu. Wala'ewe allang-Ngu indi mate ringannu matammuda.

AMSAL 6:15

Sarangkanambone udde maola'a silaka maṛṛia'a su watanganne ringannu mal᷊ihakka, wuṛṛu i tou mangke maṛṛimunsa'a.

DARALO 58:9

Wala'e i mangitou naal᷊ihidda watto'a apan nonossa mabbal᷊i luṛṛo, naal᷊ihidda ana'a addio'a apan nate taambe naasilo semakka.

DARALO 17:15

Arawe i ya'u sarun ma'ellega Si'o, ana waugu i ya'u tawe sal᷊ane. Sutempo i ya'u napu'o, daranta-Nu naal᷊uassa naungku.

DARALO 16:11

I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

AYUB 18:18

Wuassu asasemakka i tou nilimbuaṛṛanna sulal᷊ummu ararandumma; wuassu runian taumata wiakka i tou niapasal᷊iu.

DARALO 73:24

I'o nangehetta si ya'u ringannu tatantiro, wuṛṛu I'o nanengkamma si ya'u ringannu addata.

AMSAL 14:33

Apande sidutu sulal᷊ummu naungngu taumata mapia; arawe niallangnga sulal᷊ummu ṛingirannu taumata woddo.

AMSAL 5:22

Rosan taumata lal᷊eo udde ere sedda apan ipannongnga taumata udde sassane.

AMSAL 11:5

Lal᷊annu wiakku taumata mapia iratakku atatul᷊idda, arawe taumata lal᷊eo mangngapiddu watanganne su papate.