AMSAL 14:29 - WUKE SUSI WATTI'U AL᷊AL᷊USASSA

²⁹ Taumata pande tawe mal᷊ihakka masa'u; taumata woddo tawe ma'ul᷊inna watanganne.

AMSAL 14:29 Referans Kwoze

YAKOBUS 1:19

Panutukke indi paapia-pia, manga tuṛṛangnga apan arangnguanna! Suapan taumata ṛinone mal᷊ihakka maddaringikka, arawe mal᷊iwue mabbisara wuṛṛu mal᷊annu masa'u.

MANNANASE 7:9

Arie tumaniten mal᷊ihakka mandona; tumba'u taumata woddo apan mangngune.

AMSAL 14:17

Taumata apan taṛṛa rona ma'ola'a awawoddo; taumata pande masabbare.

AMSAL 15:18

Taumata apan mal᷊ihakka masa'u mandantan patatiakka, taumata apan masabbare mangngapiddu paddarame.

AMSAL 19:11

Taumata pande wotongnge maaṛṛaddannu asasa'une. I tou raddaloanna ana waugu tawe mandeengngu pasasal᷊an taumata si tou.

AMSAL 16:32

Mal᷊annu masa'u mappianne wuassu pia taṛṛino; maaul᷊inna watanganne mappianne wuassu uaparenta sambau soa.

AMSAL 25:28

Taumata apan tawe ma'ul᷊inna watanganne naal᷊ihidda soa apan naṛṛaate tatandangnge.

REENGANNA 12:3

I Musa eteudde sangkatou apan naungnge masaṛṛionto'a, nilumambalanna wuassu anambon taumata apan mabbiakka su runia indi.

MATIUS 11:29

Tuṛṛutte parenta-U wuṛṛu pattannote pallal᷊agu-U. Ana waugu i Ya'u indi masaṛṛionto'a wuṛṛu mawawo naungnge, ne i yamiu sarun maapendamma asasunge atatahul᷊andimma.

MANNANASE 10:6

Taumata woddo nionggol᷊annu aiananna apan mawantuga, arawe taumata mapapandene tawe naasomba apa-apa.

AMSAL 25:8

Arie tumaniten masasaṛṛawutta mangapiddu hatto su pallaṛṛuunganna; ana waugu, amungkangngu inauranna i'o nassal᷊a apate apan sarun olaannu?

AMSAL 4:8

Wattea'e asingkatta, ne i'o sarun itanggakki tou. Ṛa'uppa i tou, ne i Tou sarun mandantan awawantuga si'o.

MATIUS 2:16

Napawe i Herodes naasingkatta manungku manga mapapanden anumpitanna wuassu ra'i udde namahia si Tou, i tou nasa'u atonna. Wua'udde i tou nandolokke mapapaten al᷊awo'u ana'a esakka uukke rua tonna inawa su Betlehem wuṛṛu lai su wanua maranine. Udde nassul᷊ungngu tal᷊aane apan niaringiṛṛanna wuassu manga mapapanden anumpitanna udde su tempo anumpitanna udde niasiloanna.

AMSAL 14:28

Awawantugu ratu ua'ianna su anambon tumana'u soane; amungkangngu tawe tumana'u soa i tou tawe taṛṛino.

AMSAL 17:27

Taumata apan matakko'a ṛingiranne, tawe bisarane manambo. Taumata pande, sidutu matammudda.

MANNANASE 7:8

Mappianne panginsueannu sambau hatto wuassu panattaṛṛanne; mappianne masabare wuassu tumaniten mawunga.