AMSAL 14:10 - WUKE SUSI WATTI'U AL᷊AL᷊USASSA

¹⁰ Al᷊al᷊uassa ara'e asasusa sasahipunanna sulal᷊ummu naungnga; taumata waine tawe mamendamma su sampunna.

AMSAL 14:10 Referans Kwoze

FILIPI 4:7

Ne paddarame wuassu Ruata apan tawe asunnannu taumata, sarun mallu'adda naungngu wuṛṛu ṛingiṛṛannu apan suete naaukka ringanni Kristus Yesus.

AMSAL 18:14

Ringannu apulu mabbiakka, taumata wotongnge mamasanna asasusa; nawul᷊ite apulu udde, nawul᷊ite al᷊awo'u antimma.

AMSAL 15:13

Naungnga apan mal᷊uassa ma'ola'a hati masemakka; naungnga apan massusa maaurangnga naungnga.

AYUB 10:1

I ya'u nawusate wuṛṛu nualle ringannu pabbiaṛṛangku, ne iwosote apapatten wia'u.

SONDAPPA 2:17

Isai-sai apan maaringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna manna apan uawuni, wuṛṛu sambau-sambau sarun manengkama wuassia'u sambau watu mawira. Su watu udde uawoṛṛetta sambau aranna wakku, apan awagananni sai-sai, tumba'u taumata apan nanengkamma.”

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

YOHANES 14:18

I yamiu tawe itantang-Ku sassane ere asisi tim pal᷊ussa. I Ya'u sarun mabelengnga ringanni yamiu.

AYUB 7:11

Ana waugu udde i ya'u tawe maatana'a mal᷊annabba! Apendamma massusa wuṛṛu apapetta'u mabbiakka tawe iawul᷊i. I ya'u ṛinone mamu'a moṛṛongku, wuṛṛu mapasabangngu lal᷊oṛṛon naungku.

YOHANES 12:27

“Naungku sussinggawangnga; apa Ta'u iwisara su orassa indi? Ṛinonewe i Ya'u mabbisara, ‘Iamangnga liua'awe i Ya'u wuassu orassa indi’? Arawe tadea'u i Ya'u maapendamma orassu asasusa indi i Ya'u nirumanta.

YEHEZKIEL 3:14

Taṛṛino Mawu nirumanta si ya'u ringannu masaddata, wuṛṛu sutempo i ya'u niwengketta wuṛṛu niapiddu Ghaṛṛaho-Ne, naungku pendamanna mapetta wuṛṛu masal᷊ihamma.

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

AYUB 9:18

Tawe niwala-Ne i ya'u sumangngo sarangkadio'a; ewe'e lai i ya'u niomboan-Ne ringannu asasusa apan mawakkatta.

2 MARARATU 4:27

Arawe sutempo na'omate ringanni Elisa, i tou niumal᷊intudda wuṛṛu nakka'uppa leddon Elisa. I Gehazi maapulu mapa'ingkati tou wua isudde, arawe i Elisa nabbisara, “Wala'e aroddi! Aellehanna i tou mangke massusa. Arawe Mawu tawe namasingkatu manga apa si ya'u!”

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

PANDARIADDI 42:21

Ana see i mangitou uahahattote sangkatou ringannu sangkatou, “Ne, orassa indi i ite niṛṛuumanna ana waugu pasasal᷊a su tuarin kite dorone; i tou ma'iontolla arawe i ite ma'ielembaga, salaiwe i ite maasilo manungku i tou uatataṛṛangnga asasusa. Ana waugu udde i ite orassa indi naapendampe asasusa indi.”

AYUB 21:25

Arawe piaddu lai mattate uatataṛṛangnga asasusa, tawe saran passa naapendamma al᷊al᷊uassa.

1 SAMUEL 1:15

Arawe i Hana sinumimbakka, “I ya'u wal᷊ine wu'anna, Papa, ya'u tawe na'inumma anggore! I ya'u niasueante ṛingidda, ne u'al᷊iomanna mabbatti'u anambon asasusa'u su Mawu.