AMSAL 13:25 - WUKE SUSI WATTI'U AL᷊AL᷊USASSA

²⁵ Taumata apan mapia sidutu su asasuungnga, arawe taumata lal᷊eo sidutu su awussa.

AMSAL 13:25 Referans Kwoze

DARALO 34:10

Pangaddate Mawu, ei i yamiu al᷊aṛṛanang-Nge, ana waugu taumata apan mangngimanna sarun tawe atalanne.

AMSAL 10:3

Mawu sarun mamalan taumata mapia amal᷊unusanna; arawe i Tou mannal᷊awa'a taumata lal᷊eo tadea'u taumata udde tawe maasomba apa apan ipaapulune.

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

AMSAL 6:11

Arawe tantal᷊anna i tou mattiilla, i tou niaṛṛiaannu araṛṛutumma wuṛṛu paasiangnga apan nirumanta ere mallaṛṛampassa pia ahidde.

TAHIUL᷊E 32:24

I mangitou sarun mate ana waugu sal᷊iubba wuṛṛu al᷊al᷊unussa, wuṛṛu ana waugu radda'a apan ma'ata'utta. Ta'u iwala i mangitou aṛṛatannu winatangnga mal᷊aṛṛaga, wuṛṛu pul᷊isannu atoanna mawisa.

2 TESALONIKA 3:10

Su tempo i yami ta'e uatana'a su pattanganni yamiu, i yami nangonggolu atoranna indi, “Taumata apan maddiri mammanara, tawe wotongnge umanna.”

AMSAL 24:34

awussa wuṛṛu paasiangnga nirumanta namangalo ere mallaṛṛampassa pia ahidde.

DARALO 37:16

Saranapa addio'a apan tatahuannu taumata mapia maareganna wuassu paa'alan taumata lal᷊eo.

DARALO 37:3

Pangimante Mawu, wuṛṛu pa'ola'e apapia, pamanuate su wanua udde wuṛṛu paatul᷊idda mabbiakka.

TAHIUL᷊E 28:48

Ana waugu udde i yamiu ṛinone mattaṛṛamawu manga seennu apan nirolokku Mawu iaparoappa si yamiu. I yamiu sarun amal᷊unusanna, marou wuṛṛu matantol᷊e wuṛṛu sidutu awussa sulal᷊ummu al᷊awo'u inolaanna. Mawu sarun makkuumanni yamiu ringannu maṛṛagissa ma'oman sara i yamiu mate.

LUKAS 15:14

Napawe roinne udde nasuete, nariaddite su wanua udde ṛutumma apan wahewa, na'oman sara i tou nasusate.

DARALO 103:5

I Tou apan namene pabbiaṛṛannu ringannu apapia, na'oman sara i'o ellehanna ta'e dario'a ere rajawali.

DARALO 132:15

Al᷊awo'u hausanne sarun Ta'u suunganna ringannu manambo, manga taumata asiangnga Ta'u iapaanna ma'oman sara mal᷊aidda.

AMSAL 13:18

Taumata apan maddiri aṛṛaanna maola'a asiangnga wuṛṛu masa'ina; taumata apan maddaringikka tatantiro sarun addatanna.