AMSAL 13:21 - WUKE SUSI WATTI'U AL᷊AL᷊USASSA

²¹ Taumata marosa sidutu a'enggenannu asasilaka taumata mapia sidutu manengkamma lal᷊umanna'a.

AMSAL 13:21 Referans Kwoze

DARALO 32:10

Taumata marosa aṛṛiaannu manambo asasusa; arawe taumata apan uaantima Mawu sidutu sasirungannu darangngu-Ne.

AMSAL 13:13

Taumata apan mangngaddio'a al᷊aṛṛa'u Mawu, mannilaka watanganne; taumata apan matuṛṛutta titan Duata sarun maasomba lal᷊antakke.

DARALO 140:11

Wala'e i mangitou aemaannu waṛṛan putungnga, wuṛṛu iramme sulal᷊ummu loṛṛangngu papate, na'oman sara tate maasabbanga apia.

REENGANNA 32:23

Arawe paanaunge, amungkangngu i yamiu tawe nanipussapa'airenu, i yamiu na'ola'a rosa su saruannu Mawu wuṛṛu sarun iṛṛuumanna ana waugu rosanu udde.

PANDARIADDI 4:7

Amungkangngu i'o ma'ola'a apapia, i'o umamminna; o arawe amungkangngu i'o ma'ola'a al᷊al᷊eo, ne rosa uaṛṛadote sumutta sulal᷊ummu naungngu. Rosa sarun uataṛṛino wadangngu arawe i'o ṛinone mangindaun tou.”

WATTI'U MANGA RASUL 28:4

Napawe tumana'u taṛṛanusa udde naasilo atoanna udde ua'ele su ta'iakki Paulus, i mangitou uahahatto sangkatou ringannu waine, “Taumata indi asinungka taṛṛa pate, ana waugu salaiwe i tou nal᷊iute wuassu papate su tahal᷊oangnga, Mongannu Atatul᷊idda tawe mamalan tou wiakka.”

DARALO 54:5

Ana waugu taumata raho naddisikka mamangalo si ya'u, taumata mawunga maapulu mamate si ya'u, i mangitou tawe mangantagu Ruata.

AMSAL 11:31

Amungkangngu su runia indi taumata mapia lai sarun manarimmattu wawal᷊inne, natantunte taumata lal᷊eo wuṛṛu marosa sarun maasomba ṛuumanna.

AMSAL 17:13

Isai mabbal᷊issa apapia ringannu al᷊al᷊eo, ne al᷊al᷊eo tawe masabbangnga wuassu wal᷊ene.

YESAYA 47:11

Arawe i'o sarun aṛṛiaannu silaka, pani'annu tawe maal᷊inda'u silaka udde. I'o sarun dantannu asasilaka, wuṛṛu tawe maaro'appa. Apapate sarun dumanta ringannu mamaṛṛoro, wuṛṛu tawe iaṛṛangngonu dorone.

AMSAL 24:16

Ana waugu, salaiwe taumata matul᷊idda masokka manawo, i tou sidutu sarun rumarisikka apia. Arawe mawal᷊i'a, taumata lal᷊eo sarun maṛṛimunsa'u asasilaka.

YEHEZKIEL 7:5

Ete indi apan niwal᷊on Mawu Apan Atanggaṛṛanne su walahannu Israel, “Asasisalaka sansunannu asasilaka sarun maṛṛia'a si yamiu.