AMSAL 12:28 - WUKE SUSI WATTI'U AL᷊AL᷊USASSA

²⁸ Taumata apan u'amatta su lal᷊anna apan naṛṛino sarun mabbiakka su al᷊al᷊uassa; taumata apan u'amatta su lal᷊anna sal᷊a udde mattuddan papate.

AMSAL 12:28 Referans Kwoze

3 YOHANES 1:11

Tuṛṛanga apan arangnguanna, ariewe mattanno apa apan lal᷊eo udde. Pattannote apa apan mapia. Taumata apan inolaanne mapia uddewe pussa'an Duata. Wuṛṛu taumata inolaanne lal᷊eo taambe naaillal᷊a Ruata.

ROMA 5:21

Ne, i ite ṛinone mate ana waugu i ite ma'ola'a rosa. Arawe Ruata mandangngu si ite wuṛṛu nangonggolu lal᷊anne si ite mabelengnga apia ringanni Tou. Wuṛṛu ana waugu paa'aukki ite ringannu Ruata naola'e mapia, i Tou nangonggola apia wiakka tutune wuṛṛu saran mal᷊annu-l᷊annu si ite sulal᷊ummu Yesus Kristus Mawun kite.

AMSAL 11:19

Isai matammudda ma'ola'a mapia, sarun mabbiakka su lal᷊umanna'a; isai mattinsahadda ma'ola'a al᷊al᷊eo mattuddan papate.

1 YOHANES 3:7

Manga al᷊aṛṛana'u, arie mamalan taumata mamono'a si yamiu. Taumata apan tuttuṛṛutta apulun Duata, uddewe ana'u Ruata ere lai Kristus Ana'u Ruata.

1 YOHANES 2:29

I yamiu masingkatte manungku Kristus mabbiakka tuttuṛṛuta apulun Duata. Ana waugu udde i yamiu ṛinone masingkatta lai manungku suapan taumata apan mabbiakka tuttuṛṛuta apulun Ruata eteudde lai ana'u Ruata.

YEHEZKIEL 18:9

I tou matuṛṛutta su parenta-U wuṛṛu uaagassa manga tita-U. Ete taumata ereudde apan tawe mamahia wuṛṛu sidutu uata'a wiakka. I Ya'u, Mawu Apan Atanggaṛṛanne buatte nabbisara.

AMSAL 10:16

Amungkangngu inolanna apapia, lal᷊antakke eteudde mabbiakka su lal᷊umanna'a; amungkangngu ma'ola'a rosa, pangillul᷊eanne mannamboanna lai rosa.

AMSAL 8:35

Isai apan maasomba si ya'u, sarun ma'ompa'a wiakka, ete si tou Mawu mal᷊uassa.

TAHIUL᷊E 30:15

Allo indi yamiu wotongnge mamile suwallatu mapia wuṛṛu lal᷊eo, suwallatu wiakka wuṛṛu mate.

AMSAL 9:11

Asingkatta sarun mangonggolla si'o uukka mal᷊o'engnga.

TAHIUL᷊E 32:46

i Musa nabbisara, “Panutukke anambon parenta apan Ta'u nionggola si yamiu allo indi. Tantiroa'a su al᷊aṛṛanangngu, tadea'u i mangitou ringannu matammuda mappaamattu anambon titan Mawu.

YEREMIA 21:8

Wua'udde Mawu nandolo'u nabbisara arendi lai su uman-Ne, “Paddaringikke, i Ya'u, Mawu, nangonggolla si yamiu sambau iapapile: lal᷊anna apan mattuddan pabbiaṛṛanna, ara'e lal᷊anna apan mattudan papate.

TAHIUL᷊E 30:19

Orassa indi yamiu wotongnge mamile suwallatu wiakka wuṛṛu mate, suwallatu al᷊amattu Mawu wuṛṛu wontoga. Langitta wuṛṛu runia ta'u wagoanna maola'a tatialane su ipaapuluna Pamilete i yamiu wiakka.

AMSAL 10:2

Paa'ala apan niasombanganna ringannu mallinga tawe mandantan auntunganna; arawe mawal᷊i'a, atatul᷊idda sarun manal᷊amatta.