AMSAL 12:22 - WUKE SUSI WATTI'U AL᷊AL᷊USASSA

²² Mawu maddantinnu taumata awusu; arawe i Tou mal᷊uassa su taumata apan matul᷊idda.

AMSAL 12:22 Referans Kwoze

DARALO 5:6

I'o tawe maaṛṛadanna ma'ellega taumata mawunga, I'o maddantinnu taumata apan ma'ola'a al᷊al᷊eo.

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

AMSAL 11:20

Mawu maddantinnu taumata apan ma'ola'a al᷊al᷊eo, arawe i Tou mandangngu taumata apan mabbiakka tawe sangkulle.

YEREMIA 9:24

Isai mappulu lumuassu sambau saranapa, ṛinone lumuassa manungku i tou ma'aillal᷊a wuṛṛu maasunna si Ya'u; manungku i tou masingkatta i Ya'u marangngu saran mal᷊annu-l᷊annu wuṛṛu i Ya'u mannohassa tita see atatul᷊idda su runia. Sarangkanambone udde maal᷊uassa naung-Ku. I Ya'u, Mawu, apan namasingkattu udde.”

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

AMSAL 11:1

Mawu maddantinnu taumata apan mappaattu timbanganna ipallinga arawe i Tou mal᷊uassa ringannu taumata apan mappaattu timbanganna naṛṛino.

YEHEZKIEL 13:22

Manga taumata mapia apan maddiri Ta'u olaanna lal᷊eo, niadio'i yamiu naungnge ringannu wawahianu. Manga taumata lal᷊eo niola'i yamiu wahewalla naungnge tadea'u sidutu marosa wuṛṛu tawe iapaasal᷊amatta.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

1 MARARATU 13:18

Ne nabi timmade wuassu Betel udde nagawusu si tou, ringannu nabbisara, “I ya'u lai nabi ere Tuṛṛangnga. Wuassu parentan Mawu sangkatou mala'ekatta buatte nandolo'u iapasol᷊oho wuṛṛu manaru Tuṛṛangnga su wal᷊en.”

DARALO 120:2

Oh Mawu, sal᷊amatewe i ya'u wuassu taṛṛa awusu wuṛṛu taṛṛa l᷊inga.

AMSAL 17:7

Taumata aaddatanna tawe wotongnge mangngawusu; taumata woddo tawe ṛinone maabbisara wisara maarega.