AMSAL 12:13 - WUKE SUSI WATTI'U AL᷊AL᷊USASSA

¹³ Taumata lal᷊eo niasongngannu manga wisara lal᷊eo apan niwisarane; taumata mapia nal᷊iu wuassu asasusa.

AMSAL 12:13 Referans Kwoze

AMSAL 21:23

Su ipallinda'u asasusa, ṛinone paatehamma malluan bisara.

AMSAL 11:8

Taumata na'ukassa marau wuassu asasusa; taumata lal᷊eo maasomba hal᷊ahe.

DARALO 64:8

Arawe Ruata namiti'u anaan-Ne si mangitou, wuṛṛu inaṛombanganne i mangitou nal᷊essa.

DANIEL 6:24

Tawe hampa al᷊al᷊uassu naungngu ratu wuṛṛu i tou namarenta tadea'u Daniel iapasabbangnga wuassu liangnga udde. Napawe parenta udde niapaamatta, inauanna manungku tawe niasombanganna lessa saran addio'a si Daniel, ana waugu i tou mangngimanna Ruatane.

AMSAL 6:2

Wuṛṛu wotongnge mariaddi i'o nul᷊usse su manga wisaranu wuṛṛu niasongngannu riandinu sassane.

2 PETRUS 2:9

Nariaddi, Mawu masingkatta ereapa manal᷊amatta manga taumata tuttuṛṛuta apulu-Ne su tempo i mangitou uasaruanna manga wawono'a. Wuṛṛu Mawu masingkata ereapa manahipunna manga taumata lal᷊eo udde sansaranna su Allo Pamarikisanna,

MANNANASE 7:18

Pangindauten olangnge darua tanginna. Amungkangngu i ite matta'uttu Ruata, i ite sarun maasomba apapia.

MATIUS 27:25

Awada'alla udde sinumimbakka, “Ore, wala'e si yami wuṛṛu manga al᷊aṛṛana'i yami mamasanna ṛuumanna wuassu papate-Ne!”

AMSAL 15:2

Manga wisaran taumata pande maaola'a asingkatta maawol᷊engnga naungnga; manga wisaran taumata woddo lal᷊oṛṛone tumba'u awawoddo.

DARALO 34:19

Mawu maranin taumata naungnge mawawo; i Tou mannal᷊amatta taumata apan lome.

DARALO 5:6

I'o tawe maaṛṛadanna ma'ellega taumata mawunga, I'o maddantinnu taumata apan ma'ola'a al᷊al᷊eo.

1 MARARATU 2:23

Napawe wua nabbisaran aroddi nassalute i Salomo ringannu arannu Mawu, “Wala'ewe i ya'u aṛṛioannu wawontogu Mawu, amungkangngu i ya'u tawe makkuumanni Adonia ma'oman sara pateanna ana waugu darorongnge udde!

2 SAMUEL 4:9

Arawe i Daud sinumimbakka, “Mawu apan biakka, apan buatte nanal᷊amatta si ya'u wuassu al᷊awo'u asasilaka, masingkatta manungku wisara'u indi naṛṛino.

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

DARALO 59:12

Ariewe mamate si mangitou, oh Mawu, tadea'u walahangku tawe maabul᷊i. Sal᷊iawuṛṛa'e wuṛṛu waddoa'e i mangitou ringannu taṛṛino-Nu, oh Mawu mallal᷊u'addi yami.

AMSAL 18:21

Lila pia taṛṛino manal᷊amatta pabbiaṛṛanna ara'e manggohakku pabbiaṛṛanna; taumata ṛinone mamasanna pangillul᷊eannu wisarane.

DARALO 34:20

Tumaniten manambo asasusan taumata mapia, arawe Mawu namallossi tou wuassu sarangkanambone udde.

DARALO 59:13

Ana waugu i mangitou u'al᷊iomanna ringannu manga wisaran mangitou; wala'e i mangitou iasongngan awawungane, ana waugu i mangitou apulune mammontoga wuṛṛu mammahia.

AMSAL 10:8

Taumata apan pande, apulune mannengkamma al᷊aṛṛa'a; taumata apan wisarane woddo sarun ilamammiṛṛanna.