AMSAL 11:9 - WUKE SUSI WATTI'U AL᷊AL᷊USASSA

⁹ Paggahahatton taumata lal᷊eo maapate; apanden taumata mapia maasal᷊amatta.

AMSAL 11:9 Referans Kwoze

1 YOHANES 2:27

Arawe su ola'i yamiu sassane, Kristus suete namobboku Ghaṛṛaho-Ne si yamiu. Wuṛṛu sulal᷊ummu Ghaṛṛaho-Ne ta'e ringanni yamiu, arie pia taumata waine mangaṛṛa'a si yamiu. Ana waugu Ghaṛṛaho-Ne mangngaṛṛa'a si yamiu su ola'u al᷊awo'a; wuṛṛu apa apan ia'aṛṛa-Nge udde atonna, wal᷊ine wahia. Ana waugu udde, ṛinone i yamiu tumuṛṛutta apa apan niaṛṛa'u Ghaṛṛaho udde, wuṛṛu ṛinone i yamiu sidutu mabbiakka uaaukka ringanni Kristus.

1 YOHANES 2:21

Nariaddi ya'u namoṛṛetu suratta indi si yamiu wal᷊inewe ana waugu i yamiu waggan al᷊aṛṛa'a apan naṛṛino, arawe ana waugu i yamiu naaillal᷊ate wuṛṛu i yamiu lai masingkate manungku tawe awusune sulal᷊ummu al᷊aṛṛa'a apan naṛṛino udde.

WATTI'U MANGA RASUL 20:30

Ewe'e wuassu wallattu manga tuṛṛangnga sassane lai sarun lumapputa manga taumata apan sarun mabatti'u watti'a awusu. I mangitou ma'ola'a aroddi, tadea'u manga taumata apan nangngimante Mawu Yesus umal᷊iwu wuṛṛu tumantalongke si mangitou.

DARALO 55:12

Su al᷊awo'u tampa pia panggahohakka; pangangallanga wuṛṛu pallal᷊inga walate apulu su pasakka.

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

AYUB 34:30

Ne manga walahanna nallomete maningaddu pangangallangnga wuassu taṛṛinon al᷊al᷊eo.

AYUB 8:13

Etearoddi taumata apan tawe mawune. I tou naabul᷊iten Duata, ne pangangantimme nawul᷊ite.

1 MARARATU 22:6

Ne i Ahab nangammullu iraṛṛangngo 400 nabi ana see naiwal᷊ote si mangitou, “Wotongnge i ya'u inai mamangalo Ramot ara'e tawe?” “Wotongnge!” sasimbakki mangitou. “Mawu sarun manantillu soa udde si Tuangnga.”

MARKUS 13:14

“I yamiu sarun maasilo ‘Al᷊al᷊eo apan maahohakka’ uarisikka su tampa apan isassingadda si tou. (Iapasingkatta su mabawasa: Ṛingira'e apa atappasanne!) Su tempo udde taumata apan uatana'a su Yudea ṛinone tumal᷊angnga watukku wuidda.

AMSAL 11:6

Taumata matul᷊idda masal᷊amatta ana waugu asasaṛṛionto'u naungnge; taumata apan tawe apangimananna, mawontolla su awawal᷊iune.

AMSAL 11:8

Taumata na'ukassa marau wuassu asasusa; taumata lal᷊eo maasomba hal᷊ahe.

AMSAL 16:29

Taumata maṛṛagissa mallinga manga hawene, wuṛṛu mangapiddi mangitou sulal᷊ummu asasilaka.