AMSAL 11:5 - WUKE SUSI WATTI'U AL᷊AL᷊USASSA

⁵ Lal᷊annu wiakku taumata mapia iratakku atatul᷊idda, arawe taumata lal᷊eo mangngapiddu watanganne su papate.

AMSAL 11:5 Referans Kwoze

AMSAL 5:22

Rosan taumata lal᷊eo udde ere sedda apan ipannongnga taumata udde sassane.

AMSAL 11:3

Taumata mapia aehetannu atatul᷊idde, taumata apan apulune mangngawusu sarun ṛimunsaannu awusune.

AMSAL 3:6

Pannaungke Mawu sulal᷊ummu al᷊awo'u manaranu, ne i Tou sarun mamiaṛṛangngu lal᷊annu pabbiaṛṛanna apan mapia.

2 SAMUEL 17:23

Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

MAL᷊AṚṚUUNGNGA 20:41

Wuṛṛu su orassa udde lai tantaran Israel apianne nabbal᷊i'a namangalo, na'oman sara tantaran Benyamin udde nabbal᷊i nassongkakka ana waugu i mangitou naatutukke manungku i mangitou sarun marugite.

AMSAL 12:3

Tawe saran sangkatou apan sidutu tumelengnga ana waugu al᷊al᷊eo; arawe taumata matul᷊idda sidutu matohassa, tawe maholle.

AMSAL 21:29

Taumata matul᷊idda mangngimanna watanganne; taumata lal᷊eo hatine maappalla.

AYUB 18:7

Lempangnge apan mapia nabbal᷊ite sussassendekka; ṛiinne sassane naatara si tou.

AMSAL 1:18

ewe'e manga taumata lal᷊eo udde ewe'e mantaingngu sedda su watanganne sassane – sedda apan manilaka si mangitou.

AMSAL 13:6

Atatul᷊idda uasirungnga taumata apan mabbiakka ṛinone; al᷊al᷊eo maaṛṛimunsa'a taumata marosa.

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

AMSAL 15:19

Arawe taumata malassa sidutu mammendamma asasusa; taumata matul᷊idda tawe maasomba hal᷊ahe.

AMSAL 28:18

Taumata apan mabbiakka ringannu tawe sangkulle sarun masal᷊amatta. Taumata apan u'al᷊iwu wiakke, sarun manawo.

YESAYA 26:7

Taumata mapia su lal᷊anna matul᷊idda, ana waugu I'o, Mawu, namu'a lal᷊anni mangitou.

HOSEA 5:5

Awawungan balahannu Israel aasiloanna ringannu massemakka, wuṛṛu maola'a tialan pasasal᷊an mangitou. Rosan mangitou naaola'a si mangitou natara wuṛṛu nawal᷊atta, wuṛṛu walahannu Yehuda nanawo suadio'a lai ringanni mangitou.