AMSAL 11:24 - WUKE SUSI WATTI'U AL᷊AL᷊USASSA

²⁴ Pia taumata mappulu mangonggolla, arawe aatambanna paa'alane, piaddu apulune mapiikka, arawe aatambanna lai paasiangnge.

AMSAL 11:24 Referans Kwoze

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

LUKAS 6:38

Pangonggolla su taumata waine, tadea'u Ruata lai mangonggolla si yamiu; i yamiu sarun manengkamma aonggolla nangillembo apan suete niuukka masada-sadatta maola'a wageangngu. Ana waugu auuṛṛanna apan ipanguukki yamiu su taumata waine sarun ipanguukku Ruata lai si yamiu.”

TAHIUL᷊E 15:10

Onggol᷊a'e si tou ringannu naungnga mal᷊uassa wuṛṛu tawe iwata'a, ne Mawu Ruatanu sarun mangal᷊amatta al᷊awo'u inasaharannu.

DARALO 112:9

I Tou mattahia paa'alane, wuṛṛu nangonggolu darotonge su taumata asiangnga; i tou sidutu ma'ola'a apapia, ana waugu i tou uaparenta wuṛṛu aaddatanna.

MANNANASE 11:6

Pangasi'en bualanna sutempo marua allo wuṛṛu arie pangillol᷊o sutempo ṛabbi. Ana waugu i ite wagga wualanna suapa apan mapia tatuwone. Asinungka darua udde tinumuwo ringannu mapia.

HAGAI 1:6

I yamiu buatte nangasi'u manambo wualanna, arawe pangitingannu addio'a. I yamiu pia anna, arawe tawe mattiudda ipallaidda tiannu. I yamiu uatahuanna anggore, arawe tawe maawusaingnga naungngu. I yamiu uatahuanna laubba, arawe tawe mapanal᷊ihangnga waddangngu. Wuṛṛu lal᷊antakka apan nitarimmatu manga lal᷊ebbone tawe mattiudda ipanampa'a pabbiaṛṛanni mangitou.

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

AMSAL 28:8

Isai nabbal᷊ite ala ana waugu nanganu bungane wuṛṛu maddea'a auntunganne manambo-nambo, paa'alane sarun manawo su taumata apan maakannu taumata asiangnga.

AMSAL 11:23

Apulun taumata mapia sidutu hessine lai mapia, arawe apan wotongnge antimannu taumata lal᷊eo tumba'u asasa'u.

AMSAL 11:25

Taumata apan apulune mangngonggolla sarun mangillembo, taumata apan apulune mantul᷊ungnga sarun itul᷊ungnga lai.

AMSAL 13:7

Piaddu mattanno ere taumata ala, arawe tawe darotongnge; piaddu mattanno ere taumata asiangnga, wutte'e ala marasai.

AMSAL 28:27

Isai apan mangngonggolla taumata asiangnga sarun tawe asueanne. Isai manutubbu mata su awusu taumata asiangnga sarun awontohanna.

2 TAWARIKH 31:10

Imam Wahewalla i Azarya papapulunni Zadok nabbisara, “Ro'en tumana'u soa nanguntuddu manga sasamban mangitou su Wal᷊en Mawu, yami tawe niapausannu anna, ewe'e lai nilumambalanna, na'oman sara si yami ta'e manambo anna uaraddo. Sarangkanambone udde nisengkammi yami ana waugu Mawu nangal᷊amatta al᷊aṛanang-Nge.”

MALEAKHI 3:8

Orasa indi i Ya'u maiwal᷊o si yamiu: Wotongngewe taumata mamahia Ruata? Asingka udde tawe. Arawe i yamiu namahia si Ya'u lai. I yamiu ma'iwal᷊o, ‘Ereapa?’ Sasimba-U: Sulal᷊ummu olangnge mammaekka sepeṛṛe mapul᷊o wuṛṛu mangngonggollu sasamba.