AMSAL 11:11 - WUKE SUSI WATTI'U AL᷊AL᷊USASSA

¹¹ Al᷊amattu taumata matul᷊idda maaṛṛansangnga soa; wisaran taumata lal᷊eo maahohakka.

AMSAL 11:11 Referans Kwoze

AMSAL 14:34

Atatul᷊idda wuṛṛu apapia mandantan arannu walahanna, arawe rosa maa'ola'a walahanna udde aal᷊uandahanna.

AMSAL 29:8

Taumata apan apulune mannangkulla maasongkakku soa, arawe taumata pande mapal᷊annabbu paggahahio.

YAKOBUS 3:6

Lila nassul᷊ungu putungnga. Su wadangi ite, i tou naola'a punnu al᷊al᷊eo apan mannal᷊iawukku al᷊al᷊eo su ahewallu wadangi ite. Ringannu putungnga apan darantane wuassu naraka, i tou nanutungnga ahewallu wiakki ite.

MANNANASE 9:15

Su soa udde pia sangkatou asiangnga apan pande. I tou wotongnge napanal᷊amatta soa udee. Arawe ana waugu i tou asingnga, sahadde lapiddu tinimbul᷊iananna wuṛṛu tawe saran sangkatou apan mannaungnga si tou.

AYUB 22:30

Ruata sarun mantul᷊ungngu amungkangngu i'o tawe sal᷊ane, wuṛṛu amungkangngu i'o tuttuṛṛutta apulu-Ne.”

2 SAMUEL 20:1

Su soan Gilgal pia sangkatou taṛṛa sal᷊asa'a aranne i Seba. I tou ana'i Bikri, wuassu ruanganni Benyamin. Sutempo taumatan Daud nangelekka nirumanta, i Seba nattiuppa trompetta wuṛṛu nangintul᷊i, “I ite tawe paa'aukka ringanni Daud. Ipa'ura i ite tumantalongnga si tou? Ei taumatan Israel, wette i ite mapul᷊ete!”

PANDARIADDI 45:8

Nariaddi, waline i yamiu naaola'a si ya'u isindi, ewe'e Ruata. Ete i Tou na'ola'a si ya'u mammamanaran datu Mesir atanggaṛṛanne. I ya'u tinantil᷊annu taṛṛino su ahewallu amonannu araratuanne wuṛṛu su ahewallu Mesir.

AMSAL 11:10

Soa maṛṛamaga amungkangngu taumata matul᷊idda maasomba wiakke; tumana'u soa lullala'a napawe taumata lal᷊eo nate.

AMSAL 11:12

Mangngal᷊uandaga taumata waine, uddewe inolaanna apan longonna; taumata apan pia budine, sarun tawe mapasabbangnga wisara sangkapaddi.

AMSAL 28:2

Amungkangngu walahanna marosa, piaṛṛangnge ual᷊al᷊ol᷊ossa; amungkangngu piaṛṛangnge pande, walahanna sarun matatana'a wuṛṛu sidutu su lal᷊umanna'a.