AMSAL 10:8 - WUKE SUSI WATTI'U AL᷊AL᷊USASSA

⁸ Taumata apan pande, apulune mannengkamma al᷊aṛṛa'a; taumata apan wisarane woddo sarun ilamammiṛṛanna.

AMSAL 10:8 Referans Kwoze

AMSAL 12:1

Taumata apan mappulun asingkatta i tou mal᷊uassa maasomba tatagu; arawe taumata apan maddiri taguanna uddewe taumata longonna.

YAKOBUS 3:13

Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.

AMSAL 9:9

Amungkangngu i'o managu taumata pande, i tou sarun maola'a nangillembo apandene. Wuṛṛu amungkangngu matuṛṛutta Ruata udde aṛṛaannu, asingkanne sarun aatambanna.

AMSAL 1:5

Ringannu manga tatantiro indi taumata pande lai sarun aatambanna asingkanne, wuṛṛu taumata apan pia si'ol᷊ane sarun maasomba aehetta.

MANNANASE 10:12

Wisaran taumata pande maaola'a si tou aaddatanna, arawe taumata woddo nate ana waugu manga wisarane sassane.

AMSAL 14:23

Sulal᷊ummu anambon manara wuṛṛu auntunganna; hatto awusu ma'ola'a taumata manawo su paasiangnga.

AMSAL 14:8

Taumata pande masingkatta ereapa ṛinone mammanara, taumata woddo niawusuannu awawoddone.

AMSAL 13:3

Taumata apan maaddunna sulal᷊ummu wisarane sarun mal᷊angnganna wiakke; taumata apan walate wisarane sarun aṛṛiaannu asasilaka.

AMSAL 12:13

Taumata lal᷊eo niasongngannu manga wisara lal᷊eo apan niwisarane; taumata mapia nal᷊iu wuassu asasusa.

AMSAL 10:10

Isai apan mammunin atatul᷊idda, mapasapputtu asasusa; isai apan mannagu ringannu uahahati, mattinsahadda atatahul᷊andimma.

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

AMSAL 9:8

Imbaṛṛangnga mapasal᷊an taumata apan maddiri aṛṛaanna, i tou sarun maisaseennu. Arawe amungkangngu taumata pande ipantingidda pasasal᷊ane, i tou sarun mangaddatta si'o.

AMSAL 10:14

Taumata masiṛṛungnga mangngammullu asingkatta; napawe taumata woddo mabbisara, i tou mammol᷊engnga asasilaka.