AMSAL 10:3 - WUKE SUSI WATTI'U AL᷊AL᷊USASSA

³ Mawu sarun mamalan taumata mapia amal᷊unusanna; arawe i Tou mannal᷊awa'a taumata lal᷊eo tadea'u taumata udde tawe maasomba apa apan ipaapulune.

AMSAL 10:3 Referans Kwoze

DARALO 37:25

Ro'en i ya'u ta'e dario'a naddatingu timmadete, taambe saran paassa i ya'u taambe naasilo taumata mapia tinantangu Mawu, ara'e ana'a pulunnu nabbal᷊i maddarorongnga.

DARALO 37:3

Pangimante Mawu, wuṛṛu pa'ola'e apapia, pamanuate su wanua udde wuṛṛu paatul᷊idda mabbiakka.

ZEFANYA 1:18

Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

DARALO 37:19

Sutempon asasusa i mangitou tawe mataṛṛangnga, sutempon ṛutumma i mangitou sidutu nasuungnga.

DARALO 33:19

I Tou nanal᷊amatta si mangitou wuassu papate, wuṛṛu nappadul᷊i si mangitou su tempo ṛutumma.

AYUB 5:20

Napawe ṛutumma rumantate, i'o tawe mate amal᷊unusanna. Napawe pangalo mandasakka maata'utta, i'o mal᷊iu wuassu papate.

LUKAS 12:31

Arawe i yamiu ṛinone padea'a tadea'u Ruata mamarenta sulal᷊ummu wiakku, ne waine udde lai sarun ionggolu Ruata si yamiu.”

YESAYA 33:16

Ne i yamiu sarun lal᷊u'aranna wuṛṛu amanna, ereola'u sulal᷊ummu tanda batu apan matohassa. Anna wuṛṛu ua'e uddete nasaddiate si yamiu.

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

DARALO 112:10

Taumata lal᷊eo maasilo si tou wuṛṛu nabbal᷊i massa'u; i mangitou mangngasan isi ana waugu maddantinna. Ana see i mangitou nate; antimmi mangitou nawul᷊i saran mal᷊annu-l᷊annu.

AYUB 20:28

Al᷊awo'u paa'alane sarun masue, ana waugu nangillembote asasa'un Duata.

DARALO 10:14

Arawe I'o naasilo si tou; I'o ua'ellega asasusa wuṛṛu asasansara, wuṛṛu sidutu uasaddia mantul᷊ungnga. Taumata apan lome nanantillu watanganne su Mawu, I'o sidutu mantul᷊ungngu taumata asiangnga.

AMSAL 13:25

Taumata apan mapia sidutu su asasuungnga, arawe taumata lal᷊eo sidutu su awussa.

AMSAL 28:9

Amungkangngu i'o tawe tumuṛṛutta titan Duata, Ruata lai sarun masamballu aal᷊iomannu.

AMSAL 28:25

Maṛṛingiddu watanganne sassane mandantan patatiakka; i'o ma'untunganna amungkangngu mangngimanna Mawu.

AYUB 15:23

Manga asiaṛṛe uaṛṛaddo tempon papatene, i mangitou uaṛṛaddo uminassa winal᷊unanne. Ne i tou naatutukke manungku marandumpe allo sasaruananne.