AMSAL 10:25 - WUKE SUSI WATTI'U AL᷊AL᷊USASSA

²⁵ Napawe anginna wahewalla tumumbu'a mawul᷊ite taumata lal᷊eo; arawe taumata matul᷊idda matatana'a matohassa saran mal᷊annu-l᷊annu.

AMSAL 10:25 Referans Kwoze

DARALO 15:5

wuṛṛu napawallasu roitta ringannu tawe bungane; apan maddiri manengkamma roitta sasal᷊o'a tadea'u ipamaddon taumata apan tawe sal᷊ane. Taumata apan inolaanne aroddi, sidutu sarun mal᷊angnganna.

DARALO 58:9

Wala'e i mangitou naal᷊ihidda watto'a apan nonossa mabbal᷊i luṛṛo, naal᷊ihidda ana'a addio'a apan nate taambe naasilo semakka.

AMSAL 12:3

Tawe saran sangkatou apan sidutu tumelengnga ana waugu al᷊al᷊eo; arawe taumata matul᷊idda sidutu matohassa, tawe maholle.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

1 TIMOTIUS 6:19

Ringannu aroddi i mangitou mangngammulu paa'ala apan maola'a sambau roitta uaraddo apan mapia su tempo addantane. Wuṛṛu ringannu udde i mangitou sarun maasomba wiakka ma'oman sara mal᷊annu-l᷊annu, eteudde wiakka apan tutune.

EFESUS 2:20

I yamiu lai suete niapararisikka su rapappakke apan niaddo manga rasul wuṛṛu manga nabi, ringanni Kristus Yesus sambau watu apan apianne.

MATIUS 16:18

Ana waugu udde ṛinone i yamiu masingkatta, i'o udde i Petrus, watu apan matohassa. Wuṛṛu su wowon batu indi ya'u sarun mapararisikku Ghaṛṛeda-U apan tawe iahohakku taumata; salaiwe ete uasaruanna papate!

YESAYA 40:24

I mangitou udde naal᷊ihidda sinuananna wakku apan wakkute tuttuwo ṛamunne. Napawe Mawu maniuppu anginna, i mangitou maṛṛangu wuṛṛu nitallange ere laṛṛami.

AMSAL 12:7

Taumata lal᷊eo sarun manawo wuṛṛu mawinasa tawe lannangnge; arawe taumata mapia sarun matatana'a matohassa maṛṛawa mappulunna.

AMSAL 1:27

Ore, i ya'u sarun mangeetta si yamiu amungkangu i yamiu sussinggawanga wuṛṛu uatataṛṛangnga susa ana waugu niaṛṛiaannu asasilaka apan rumanta ere anginna al᷊isusu.

AYUB 21:18

Apa i mangitou ere laṛṛami wuṛṛu awu apan nisal᷊iawukku lakkuti wuṛṛu tiniuppu anginna?

AMSAL 10:30

Taumata masaṛṛionto'a sarun mabbiakka masunge matahul᷊andimma; taumata lal᷊eo sarun tawe maatana'a su leta'a pussa'a.

AYUB 17:9

Taumata mapia wuṛṛu tawe sal᷊ane, mangke mangngimanna ola'u wiakka apan ipaapulun Duata.

AYUB 20:8

I tou sarun mawul᷊i ere lintaun bal᷊iawa, mahangginna ere aellega sutempo ṛabbi.

DARALO 58:10

Tantal᷊anna taambe naatutukka, i mangitou natete, naal᷊ihidda ṛapusi'a apan ta'e nangelomma wuṛṛu ta'e mawawo nasue nitalla'u anginna, naal᷊ihidda sasuanna naṛṛangute.

DARALO 125:1

Aantarin patatembo. Taumata apan mangngimanna Mawu, uddewe naal᷊ihidda Wuiddu Sion apan matohassa tawe umio'a, wuṛṛu mattaṛṛangnga saran mal᷊annu-l᷊annu.