AMSAL 10:22 - WUKE SUSI WATTI'U AL᷊AL᷊USASSA

²² Ana waugu tumba'u al᷊amattu Mawu taumata nabbal᷊i ala; mammanara maṛṛimadda tawe maatamba darotongnga.

AMSAL 10:22 Referans Kwoze

DARALO 107:38

Mawu nangonggolu ana'a manambo si mangitou, wuṛṛu winatangngi mangitou sidutu aatambanna.

PANDARIADDI 26:12

I Ishak nangasi'u wualanna wuṛṛu nabbaille su wanua udde, wuṛṛu tonna udde i tou naasomba hessine maṛṛasutta anambone wuassu wualanna apan niasingnge, ana waugu Mawu nangal᷊amata si tou.

PANDARIADDI 24:35

Mawu lembon nangal᷊amatta mawu'u udde wuṛṛu na'ola'a si tou ala manasai. Mawu buatte nangonggollu manambo domba, ambinga, sapi, unta, keledai, wuṛṛu lai sal᷊a'a, wul᷊awanna, see allangnga esakka wuṛṛu wawine.

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

DARALO 37:22

Taumata apan nial᷊amatannu Mawu sarun manahuanna leta'a udde, arawe taumata apan niwontohan-Ne sarun limbuaṛṛanna.

AMSAL 20:21

Darotongnga apan paarorone niasombanganna ringannu mal᷊ihakka, panginsueanne inauranna wal᷊ine al᷊amatta.

PANDARIADDI 13:2

I Abram alate atonna, i tou uatahuanna domba, ambingnga, sapi, see lai sal᷊a'a wuṛṛu wul᷊awanna.

AMSAL 28:22

Taumata apan wal᷊iu apulune mal᷊ihakka maala; i tou wagga manungku paasiangnga mal᷊ihakke maṛṛia'e si tou.

ZAKARIA 5:4

Mawu Apan Lembontaṛṛino nabbisara manungku wawontoga udde sarun iamang-Nge suwal᷊en taumata taṛṛa ta'o wuṛṛu wal᷊en taumata massalu awusu. Manga wal᷊e udde sidutu sarun aṛṛinoannu wawontoga udde maddatingngu mabbal᷊i manga winal᷊alanna.”

PANDARIADDI 14:23

manungku ya'u tate manganu saranapa wuassu pussaanu, ewe'e lai sambassutta wananna ara'e samponggo'a tal᷊in sandalengnga lai tawe. Ringannu aroddi i'o tawe mapabbisara, ‘Ete i ya'u napaalan i Abram!’

YOSUA 6:18

Imbaṛṛanga manganu saran sambau wuassu anambon saranapa apan ṛinone ṛimunsaanna. Amungkangu i yamiu manganu, paddasanannu Israel sarun aṛṛiaannu asasilaka wuṛṛu asasusa.

1 MARARATU 21:19

wuṛṛu wal᷊oa'a si tou manungku i Ya'u, Mawu, nabbisara arendi, ‘Buatte namate, mangaṛṛo lai! Ana waugu udde daṛṛanu sarun lewanu asu su tampan manga asu apan nallewa daṛṛan Nabot!’ ”

PANDARIADDI 26:13

Pa'aalane a'atambanna wuṛṛu i tou naola'e marasak.

TAHIUL᷊E 26:10

Ana waugu udde, oh Mawu, ta'u ionggola orassa indi hessine paarorone wuassu leta'a apan nionggolu Mawu si ya'u.’ Ana see addoa'e so'anna su saruannu Mawu Ruatanu, wuṛṛu passubbate si Tou.

TAHIUL᷊E 28:11

I yamiu sarun onggol᷊annu manambo ana'a. Winatangnga papadul᷊ianannu manambo wuṛṛu hessin letangngu nilumambalanna su wanua apan nipa'iren Mawu su iupungngu al᷊amonanu apan ionggola si yamiu.

2 TAWARIKH 25:9

“Arawe ereapa ringannu anambon sal᷊a'a apan buatte ta'u nionggola si mangitou?” aiwal᷊on Amazia. Nabi udde sinumimbakka, “Mawu wotongnge mamelengnga mannamboanna lai wua isudde!”

AMSAL 8:21

Taumata apan mandangngu si ya'u, ta'u olaanna ala; wal᷊ene ta'u paneannu darotongnga.

AMSAL 14:24

Taumata pande raddaloanna ana waugu apapandene, taumata woddo tinumelengnga ana waugu awawoddone.

DANIEL 1:15

Napawe tempone udde nasuete, i mangitou aellehanna lembon su lal᷊umanna'a wuṛṛu mattohasanna wuassu anambon umbasanna apan buatte naasomba anna wuassu meddan ratu.

1 TAWARIKH 4:10

Arawe i Yabes niumal᷊iomanna su Ruata apan sassubbannu taumatan Israel, wisarane, “Oh Ruata, al᷊amatewe i ya'u, wuṛṛu antimanna hewal᷊anna wageangngu leta'a paparentangku. Tannoiwe i ya'u wuṛṛu paaraua'a asasilaka tadea'u i ya'u tawe matataṛangnga.” Ne Ruata naddaringikka darorongnge.

2 TAWARIKH 32:27

Ratu Hizkia nabbal᷊i tumaniten ala, wuṛṛu aadatannu anambon taumata. I tou na'ola'a manga wabbo'a pangangadoannu paa'alane eteudde: Wul᷊awanna, sal᷊a'a, manga watun permata, rampa-rampa, allungnga wuṛṛu manga saranapa maarega waine.

2 TAWARIKH 32:29

Waine wua'udde lai i tou namangunna manambo soa. Paa'ala apan nionggolu Ruata si tou mangke aroddi anambone.

DARALO 127:2

Tawe gunane i ite mattinsahadda maddea'a wiakka, mapu'o marua allo wuṛṛu matiilla allorane; ana waugu Mawu mananaddiane si mangitou apan arangnguan-Ne, tantal᷊anna i mangitou ta'e mattiilla.