AMSAL 1:33 - WUKE SUSI WATTI'U AL᷊AL᷊USASSA

³³ Arawe taumata apan maddaringikka si ya'u sarun papadul᷊iananna. I tou mabbiakka ringannu mal᷊angnganna wuṛṛu tawe atata'utta.”

AMSAL 1:33 Referans Kwoze

YESAYA 26:3

Mawu, I'o nangonggollu paddarame wuṛṛu lal᷊umanna'a su taumata apan naungnge matammudda, ana waugu i tou mangngimanna Si'o.

LUKAS 21:9

Arie lai yamiu matta'utta napawe maaringikka watti'a su ola'u pangalo wuṛṛu pasaseetta. Sarangkanambone udde ṛinone mariaddi paarorone. Arawe udde tawe manungku nia'omante tempone kiamatta.”

AMSAL 14:26

Taumata apan mangngimanna Mawu mabbal᷊i mal᷊angnganna, wuṛṛu amonanne uatahuanna mandariagane.

AMSAL 9:11

Asingkatta sarun mangonggolla si'o uukka mal᷊o'engnga.

LUKAS 21:19

Amungkangngu i yamiu mataṛṛangnga wuṛṛu masabare i yamiu masal᷊amatta.”

DARALO 81:13

Ana waugu udde i mangitou niwala'u tawe maddaringikka; wala'e i mangitou mappaamattu apulun naungnge sassane.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

YESAYA 48:18

Unnuwisara i'o maddaringikka manga parenta-U, ne lal᷊umannangu naal᷊ihidda sal᷊ukka apan tawe mamara, wuṛṛu auntungannu ere lua'a su tahal᷊oangnga apan tawe illol᷊one.

AMSAL 12:21

Taumata mapia sarun tawe aṛṛiaannu asasilaka; taumata lal᷊eo mangke aaṛṛiaannu asasusa.

MANNANASE 8:12

Salaiwe maṛṛasutta al᷊al᷊eo a'olaannu sangkatou marosa, i tou sidutu mabbiakka ewe'e lai uukke mal᷊o'engnga. Naudde, isai apan matuṛṛutta Ruata, al᷊awo'u pabbiaṛṛanne mangke mal᷊uassa.

IMAMATTA 25:18

Paatuṛṛutte su anambon tita wuṛṛu parentan Mawu, tadea'u i yamiu mabbiakka ringannu malangnganna su wanua udde.

IMAMATTA 25:19

Leta'u wanua udde sarun mangonggolu hessine na'oman sara i yamiu maatahuanna anna apan manambo wuṛṛu uatana'a poiaroddi ringannu paddarame.

AYUB 36:11

Amungkangngu i mangitou tuttuṛṛutta Ruata wuṛṛu mattaṛṛamawu si Tou, i mangitou mabbiakka su paddarame wuṛṛu ala ma'oman sara panginsueannu pabbiaṛṛanne.

YESAYA 32:17

Suapan taumata sarun ma'ola'a ringannu naṛṛino, na'oman sara pia atatahul᷊andimma wuṛṛu langnganna saran mal᷊annu-l᷊annu.