AMSAL 1:28 - WUKE SUSI WATTI'U AL᷊AL᷊USASSA

²⁸ Sutempo udde i yamiu sarun mamaggo si ya'u, arawe i ya'u tawe sumimbakka. I yamiu sarun maddea'a si ya'u suapan tampa arawe tawe massomba'u.

AMSAL 1:28 Referans Kwoze

MIKHA 3:4

Sarun a'omanna tempone i yamiu mangintul᷊i maiontolla su Mawu, arawe i Tou maddiri sumimbaka. i Tou tawe maddaringikka manga aal᷊iomannu, ana waugu i yamiu buatte na'ola'a al᷊al᷊eo.

YAKOBUS 4:3

Wuṛṛu amungkangu lai yamiu suete naddorongnga, i yamiu tawe maasomba lai, ana waugu tuddan darorongngu nassal᷊a; apa apan radoronganni yamiu udde tumba'u al᷊al᷊uassu watangannu sassane.

ZAKARIA 7:13

I Ya'u tawe sumimbakka aal᷊iomanni mangitou, ana waugu i mangitou lai tawe maddaringikka sutempo i Ya'u mabbisara.

YEREMIA 11:11

Ana waugu udde, i Ya'u, Mawu, mapanaungnga manungku i Ya'u sarun mandantan asasilaka si mangitou wuṛṛu i mangitou tawe maal᷊inda'a. Amungkangngu i mangitou mailal᷊are maiontolla si Ya'u, i Ya'u maddiri maddaringikka.

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

AYUB 27:9

Apa Ruata sarun maddaringikka lal᷊uaine napawe asasusa maṛṛia'a si tou?

YEREMIA 14:12

Salaiwe i mangitou mappuasa, i Ya'u maddirite maddaringikka sasal᷊ande mangitou ma'intolla; wuṛṛu salaiwe i mangitou mangonggolla si Ya'u sasamba itattambunna ara'e sasamba gandumma, i Ya'u tawe mal᷊uassa si mangitou. Arawe mawal᷊i'a, i Ya'u sarun mamate si mangitou ringannu pangalo, al᷊aṛṛutumma wuṛṛu al᷊aṛṛusa'itta.”

DARALO 18:41

I'o na'ola'a see'u tinumal᷊anga wuassu si ya'u; manga taumata apan maddantina ta'u nipate.

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

AYUB 35:12

Manga taumata niallangnga i tou ma'ial᷊are, arawe Ruata mal᷊annabba ana waugu i mangitou lal᷊eo wuṛṛu napenen awawunga.

1 SAMUEL 8:18

Napawe tempo udde nia'omante, i yamiu sarun sumasilla, ana waugu ratu apan nipilen kamiu udde, arawe Mawu maddiri maddaringikka sasal᷊iomannu udde.”

AMSAL 8:17

I ya'u u'akkanni mangitou apan mappulu'u; apan maddea'a si ya'u, sarun maasangkalla si ya'u.

PANDARIADDI 6:3

Ne Mawu nabbisarate, “I ya'u tawe mamalan taumata mabbiakka saran mal᷊annu-l᷊annu; i mangitou arariadianna apan mattate. Manattakka orassa indi uukki mangitou tawe manampal᷊iu wuassu 120 su tonnane.”

HOSEA 5:15

Uma-U sarun Ta'u itantangnga ma'oman sara i mangitou natimute uatataṛṛangnga ana waugu manga rosane, wua'udde rumanta maddea'a si Ya'u. Asinungka sulal᷊ummu asasusane, i mangitou sarun mattinsahadda maddea'a si Ya'u.”

DARALO 66:18

Unnuwisara i ya'u mal᷊uassa maṛingiddu al᷊al᷊eo, Mawu sarun tawe maddaringikka.

AMSAL 15:29

Mawu maddaringikka napawe taumata mapia umal᷊iomanna, arawe i Tou tawe mappandumma taumata marosa.

ANTARI MAWANTUGA 5:6

I ya'u namu'a ngara sutannu arangnguangku, arawe i tou nabbal᷊i'a wuṛṛu napul᷊ete. I ya'u tumaniten luṛṛintulun tingikke; ta'u nireaanna i tou arawe tawe gunane. Ta'u niwagoanna aranne, arawe i tou tawe nitu'a.

HOSEA 5:6

I mangitou inaite maddea'a Mawu ringannu uaapiddu domba wuṛṛu sapi olaanna sasamba, arawe sarangkanambone udde tawe gunane. Ana waugu Mawu nanantangken mangitou, wuṛṛu i mangitou tate maasomba si Tou.

TAHIUL᷊E 1:45

Wua'udde i yamiu nabelengnga wuṛṛu sinumal᷊ande su Mawu maiontolla, arawe i Tou maddiri maddaringikka ara'e ma'ellega si yamiu.”

DARALO 18:42

I mangitou mangngintul᷊i, arawe taweddu mangontola, i mangitou sussal᷊ande su Mawu, arawe i Tou tawe sinumimbakka.

AMOS 8:12

Taumata sarun lumallele wuassu sawannakka watukku timukka wuṛṛu wuassu ra'i watukku warṛṛatta tadea'u maasomba tanata-U, arawe i mangitou tawe maasomba.