AMSAL 1:22 - WUKE SUSI WATTI'U AL᷊AL᷊USASSA

²² “Ei manga taumata longonna! Maddatingngu tingngera apulun kamiu sidutu aroddi? Tingngerate a'omanna tempone i yamiu umaddo mangngaddio'a wuṛṛu manol᷊a'u al᷊aṛṛa'a?

AMSAL 1:22 Referans Kwoze

AMSAL 5:12

Wua'udde i'o sarun mabbisara, “Ah, anio ia'i maddantinnu tatantiro? Anio i ya'u maddiri tagguanna?

AMSAL 1:29

I yamiu naal᷊ihidda taumata apan maddiri maasomba asingkatta, wuṛṛu maddiri tumuṛṛutta Mawu.

DARALO 1:1

Lal᷊umanna'a su taumata apan tawe maddringikka al᷊aṛa'u taumata lal᷊eo, tawe mattanno taumata marosa wuṛṛu tawe maggawe ringannu taumata apan mangal᷊uandaga Ruata,

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.

2 PETRUS 3:3

Paarorone, i yamiu ṛinone masingkatta manungku su allo-allo pangudusanne, sarun rumanta manga taumata apan pabbawiakke paparentannu apulu naungngi mangitou sassane. I mangitou sarun mangal᷊uandaga si yamiu,

YOHANES 3:20

Suapan taumata apan ma'ola'a al᷊al᷊eo, maddirin asasemakka; tadea'u pallal᷊agune apan dal᷊eo tawe asiloanna.

LUKAS 19:42

Wisara-Ne, “Ma'a'akkanna, apia eteapa amungkangngu allo indi i'o maasingkatta apa apan botongnge mandantam padarame! Arawe orassa indi i'o tawe maasilo.

MATIUS 9:13

Ṛingiṛṛa'o apa atappasannu wageangngu Wuke Susi indi: ‘I Ya'u mappandumma darangngu, wal᷊ine sasamba wuassu winatangnga’. Ana waugu i Ya'u nirumanta wal᷊ine mamaggo taumata apan massunna ririne mapiate, ewe'e taumata apan sassunanna maṛṛusal᷊a.”

AMSAL 21:11

Ṛuumanna su taṛṛa lobbossa maola'a al᷊aṛṛa'a su taumata apan tawe pangalamanne. Amungkangngu taumata mapia taguanna, i tou sarun aatambanna pande.

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

MATIUS 17:17

Mawu Yesus sinumimbakka, “Wal᷊ine hampa i yamiu indi! I yamiu atonna tonna taumata apan wengkolla wuṛṛu tawe mangngimanna. Ma'oman sara tingngera i Ya'u ṛinone uatana'a ringanni yamiu wuṛṛu manabare su al᷊al᷊eong kamiu? Apira'e ana'a udde inawarea!”

AMSAL 19:29

Taumata woddo apan naungnge matanggakka i tou sarun puul᷊anna.

AMSAL 15:12

Taumata apan apulune mangngal᷊uandaga maddiri tagguanna; i tou maddiri maddorongnga tatantiron taumata pande.

AMSAL 14:6

Taumata mawunga sarun tawe maola'a pande, arawe taumata pande mal᷊uassa massi'ol᷊a.

AMSAL 8:5

I yamiu apan taambe natimu asingkatta su pabbiaṛṛanna, pangurumpe tadea'u ṛingirannu maṛṛoro; i yamiu apan longonna, pangurumpe tadea'u maola'a maasunna.

AMSAL 7:7

Ana see i ya'u naasilo manambo umbasanna apan ta'e dario'a; arawe pia sangkatou apan tatutuṛṛangku woddo suwallatti mangitou.

AMSAL 6:9

Maddatingngu tingngera i wolo'a udde mattiilla? Tingngerate i tou mappulu mabbangunna?

AMSAL 3:34

Mawu maddantinnu taumata matanggakka naungnge, arawe mangngal᷊amatta taumata naungnge mawawo.

AMSAL 1:7

Tadea'u maasomba asingkatta tutune, paarorone ṛinone taumata uatahuanna aaddatta wuṛṛu matta'uttu Mawu. Taumata longonna tawe mangaregan apande wuṛṛu maddiri aṛṛaanna.

AMSAL 1:4

Taumata apan tawe addapanne su ola'u pabbiaṛṛanna niaṛṛaanne na'oman sara uatahuanna ṛingiranna apan maṛṛoro, wuṛṛu taumata saṛṛen tumuwo niaṛṛaanne mabbal᷊i taumata apan pande wuṛṛu wotongnge maṛṛingidda ere taumata matinggakke.

DARALO 94:8

Ei walahangku, ariewe mattingka woddo ereudde, paapiate mappaattu ṛingirannu!

AYUB 34:7

I yamiu buatte naasilo taumata ere i Ayub indi? I tou masokka-sokka mallobbossa Ruata.

REENGANNA 14:27

“Sara tingngera manga taumata lal᷊eo udde sussamboṛṛe si Ya'u? Anambon sasal᷊iomanni mangitou i Ya'u na'aringikke.

SASABANGNGA 16:28

Ana see Mawu nabbisara si Musa, “Ma'oman sara tingngera i yamiu tawe tumuṛutta manga parenta-U?

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

AMSAL 1:21

I tou mangngintul᷊i su manga ngaran soa wuṛṛu su manga tampa marame:

AMSAL 1:32

Taumata apan tawe asingkatta su ola'u pabbiaṛṛanna sarun mate ana waugu tawe mangarega'u, wuṛṛu taumata longonna sarun maṛṛimunsa'a ana waugu tawe maddaringikka si ya'u.

AMSAL 21:24

Taumata mawunga wuṛṛu naungnga matanggakka apulune mappasal᷊a wuṛṛu tawe atoranne.

AMSAL 22:3

Taumata pande mallinda'a napawe maasilo asasilaka; taumata woddo sidutu u'amatta ana see niaṛṛiaannu asasilaka.

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”