AMSAL 1:2 - WUKE SUSI WATTI'U AL᷊AL᷊USASSA

² Tuddane eteudde mantul᷊ungngu taumata tadea'u maasingkatta ereapa maola'a pande, wuṛṛu masingkattu atorannu pabbiaṛṛanna see lai wotongnge maasunna manga wisara apan pia addapingnge mal᷊al᷊umma.

AMSAL 1:2 Referans Kwoze

AMSAL 7:4

Ola'e manungku hikmatta udde ere tuṛṛangngu wuṛṛu asingkatta maola'a ere hawenu ate.

AMSAL 17:16

Tawe gunane taumata woddo mangnginsue roitta ipaddea'a apande, ana waugu i tou tawe ṛingiranna mapia.

AMSAL 8:5

I yamiu apan taambe natimu asingkatta su pabbiaṛṛanna, pangurumpe tadea'u ṛingirannu maṛṛoro; i yamiu apan longonna, pangurumpe tadea'u maola'a maasunna.

AMSAL 16:16

Naasomba apande mappianne marau wuassu naasomba wul᷊awanna; naasomba asingkatta maareganne wuassu naasomba sal᷊a'a.

AMSAL 4:1

Ei manga al᷊aṛṛana'a, paddaringikke al᷊aṛṛa'u iamangngu! Paatutuṛṛe udde, ne i'o sarun mabbal᷊i masiṛṛungnga.

AMSAL 15:33

Matta'uttu Mawu eteudde rapappakku pangangehetta apan mapia; awawantuga liuṛṛoroannu asasaṛionto'u naungnga.

AMSAL 2:9

Amungkangu i'o matuṛṛutta si ya'u, ana'u, i'o sarun maasingkatta sarangkanambone apan matul᷊idda, tawe awusune wuṛṛu mapia. I'o lai sarun maasingkatta ereapa lal᷊anne i'o mabbiakka.

AMSAL 8:33

Sengkampe tatantiro wuṛṛu ariaddite pande imbaṛṛangnga i'o tawe mangaregane.

AMSAL 19:20

Amungkangngu i'o mappulu mangurumma wuṛṛu maddaringikka tatantiro, sal᷊immurine i'o mabbal᷊i taumata apan pia apande.