AMOS 9:1 - WUKE SUSI WATTI'U AL᷊AL᷊USASSA

¹ I ya'u naasilo Mawu uarisikka maranin mezbah. I Tou nangonggollu parenta indi, “Puulle pa'ikka-ikkatta manga puan diṛṛi su Wal᷊e-U tadea'u ahewallu panumbal᷊ene umio'a. Paṛṛaa'e manga diṛṛi udde su puan manga taumata. I mangitou apan tawe mate sarun Ta'u pateanna sulal᷊ummu pangalo. Tawe saran sangkatou apan tawe maatal᷊angngu watanganne, tawe saran sangkatou apan maal᷊aassangnga.

AMOS 9:1 Referans Kwoze

DARALO 68:21

Ruatan kite uddewe Mawu apan nanal᷊amatta, i Tou namallosi ite wuassu papate.

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

YOHANES 1:18

Tawe saran sangkatou apan suete naasilo Ruata, tumba'u ana'u Iamangnga tinggassa, apan uasul᷊ungngu Iamangnga wuṛṛu uaaukka atonna ringanni Tou. Ete i Tou apan napaal᷊iatta'u Iamangnga si ite.

HABAKUK 3:13

I'o inaite niumamatta tadea'u mamallossu uman-Nu wuṛṛu tadea'u manal᷊amatta ratu apan nipile-Nu. I'o namuulla na'oman sara nanawo piaṛṛa'u taumata lal᷊eo I'o nanginsue anambon mallal᷊aṛṛenggene.

AMOS 3:14

Su allo i Ya'u makkuumannu taumatan Israel ana waugu rosane, i Ya'u sarun maṛṛimunsa'a manga mezbah su Betel. Suapan mezbah sarun paddianna manga diṛṛine ma'oman sara maṛṛa'a su leta'a.

YESAYA 6:1

Sulal᷊ummu tonna i Ratu Uzia nate, i ya'u naasilo Mawu. I Tou ua'ianna su adderan araratuan-Ne apan matanggakka wuṛṛu mawantuga. Juba-Ne uataappa ahewallu Wal᷊en Mawu.

YOHANES 1:32

I Yohanes nangagillu lai tatiala indi, “I ya'u naasilo Ghaṛṛahon Ruata niumonto'a ere manu'a merpati wuassu langitta see nangintaṛṛo si Tou.

ZEFANYA 2:14

Isudde ammul᷊annu winatangnga wuṛṛu al᷊awo'u hatin binatangnga papadul᷊iananna sarun massal᷊akka su manga tuidda udde wuṛṛu mangintul᷊i wuassu manga jandela. Manu'a gagak sarun umu'u wuassu saruannu manga ngara. Alu cemara su manga wal᷊en soa udde sarun masue sassawutanna.

YEHEZKIEL 10:4

Semakka ma'al᷊angitta apan mammasingkattu daranta Mawu natuakka wuassu manga mala'ekatta udde wuṛṛu na'ingkatta watukku ngara sasuttanna su Wal᷊en Mawu, na'oman sara rallakke nabbal᷊i masema-semakka.

YEHEZKIEL 9:2

Sangkaṛṛindo'a sinummabbanga siri annumma wuassu samba'an liuddu ngaran Sawannakku Wal᷊en Mawu, sangkatou-sangkatou uaapiddu lutangnga. Suadio'a ringanni mangitou pia taumata uapedettu linen apan uaapiddu wawoṛṛetta. I mangitou sinumutta wuṛṛu dirumarisikka maranin mezbah witu'a.

YEHEZKIEL 1:28

wuṛṛu manambo kalurene ere randipakka. Eteudde semakka lullansiangnga apan mapal᷊iatta'u daranta Mawu. Naasilo udde, i ya'u nanawo uarammangnga su leta'a. See i ya'u naaringikka tingikka apan

YEREMIA 48:44

Taumata apan tinumal᷊angngu watanganne wuassu pangalo sarun mawontolla sulal᷊ummu loṛṛangnga, wuṛṛu iapa naasabbangnga wuassu loṛṛangnga udde sarun umul᷊ussa su sedda. Sarangkanambone udde sarun mariaddi sutempo apan buatte Ta'u nitantunna ipanggohakku Moab.

YESAYA 30:16

Ewe'e i yamiu lai maṛṛingidda mallinda'u watanganni yamiu wuassu seetta ringannu uasa'e awal᷊o apan mal᷊ihakka. Mapia! Atonna i yamiu ṛinone tumal᷊angnga! I yamiu maṛṛingidda awal᷊onu udde mal᷊ihakka tatal᷊angnge, wutte'e manga mangangenggennu mallihaṛṛanna marau tatal᷊angnge.

2 TAWARIKH 18:18

Mikha nabbisara apia, “Orassa indi paddaringikke wisaran Mawu! I ya'u naasilo Mawu ua'ianna su adderan araratuan-Ne su surga, wuṛṛu anambon mala'ekatta uarisikka marani-Ne.

WATTI'U MANGA RASUL 26:13

Wuṛṛu su tempo i ya'u su tangngan dal᷊anna, su tempo allattune, Tuangnga apan mawantuga, i ya'u naasilo sambau semakka wuassu langitta, apan semakke massemaṛṛanna wuassu matannallo. Semakka udde natuakka namal᷊iwutta si ya'u wuṛṛu manga taumata apan u'amatta suadio'a ringangku.

SONDAPPA 8:3

Sangkatou mala'ekatta waine, apan uaapiddu sambau pananutunganna amania wul᷊awanna, nirumanta wuṛṛu dirumarisikka su saruannu meddan sasamba. Si tou nionggol᷊annu manambo amania ipanguntudu manga aal᷊iomannu anambon walahannu Ruata wuṛṛu iaddo su meddan sasamba wul᷊awanna apan uaraddo su saruannu adderan araratuanna.

DARALO 68:22

Ruata atonna-tonna sarun makkimunsa'a puan seen-Ne, manga taumata sidutu mabbiakka sulal᷊ummu rosa.

YEREMIA 11:11

Ana waugu udde, i Ya'u, Mawu, mapanaungnga manungku i Ya'u sarun mandantan asasilaka si mangitou wuṛṛu i mangitou tawe maal᷊inda'a. Amungkangngu i mangitou mailal᷊are maiontolla si Ya'u, i Ya'u maddiri maddaringikka.

YEREMIA 42:16

“Pangalo wuṛṛu al᷊aṛṛutumma apan iaata'utti yamiu sarun uatantalongnga si yamiu maddatingngu Mesir, wuṛṛu i yamiu sarun nate su wanua udde.

YEHEZKIEL 15:7

I Ya'u sarun makkuumanni mangitou. Salaiwe i mangitou buatte naal᷊assanga wuassu putungnga, arawe putungnga lai apan mamate si mangitou. Ne i yamiu masingkatte manungku ete i Ya'u Mawu.

AMOS 7:17

Mawu nabbisara manungku awingngu sarun mabbal᷊i wawine masandaga su manga lal᷊annu soa, wuṛṛu manga anangngu pateanna sulal᷊ummu pangalo. Letangngu sarun tahianna apan tawe maaillal᷊a Mawu. Tumana'u Israel sarun ṛuwoanna watukku pamamuanganna, marau wuassu wanuane sassane.”

ZEFANYA 1:12

Sutempo udde i Ya'u sarun manganu sasol᷊oanna, wuṛṛu mamarikissa Yerusalem. Sarun Ta'u iṛṛuumanna tumanangnge apan uapapadua udde see apan mammungan batanganne sassane, wuṛṛu apan maṛṛingidda manungku i Ya'u, Mawu tawe mammanara arendi ara'e aroddi.

YOSUA 10:18

“Tal᷊inggia'a manga watu wahewalla su mamoṛṛongannu loṛṛanga udde, wuṛṛu addoa'e mandariaga isudde, ” unni Yosua,

AMOS 7:9

Manga tampa apan nipaattu papapulunni Ishak pattaṛṛa mawuanna sarun hoaṛṛanna. Manga tampa susin taumatan Israel sarun iapaaṛṛa'a. I ya'u sarun makkimunsa'a papapulunni Ratu Yerobeam.”