AMOS 6:6 - WUKE SUSI WATTI'U AL᷊AL᷊USASSA

⁶ I yamiu ma'inumma anggore wuassu halasi apan nilal᷊inanna napene, wuṛṛu i yamiu mappaattu lana mawangngi apan apianne, arawe i yamiu mappaattu lana mawangngi apan apianne, arawe i yamiu tawe masusa naungnge su ola'u ola'u araṛimunsa'u Israel.

AMOS 6:6 Referans Kwoze

PANDARIADDI 49:22

I Yusuf naal᷊ihidda keledai saṛṛen tumuwo keledai matengnga maranin al᷊imatang kua'e, tuttatal᷊angnga su sendekku wowone.

1 TIMOTIUS 5:23

Arie lai tumba'u ma'inumma ua'e; pa'inumma lai anggore addio'a ipallal᷊ima tinainu mammanara, ana waugu i'o masokka rumadda'a.

1 KORINTUS 12:26

Amungkangngu wageangnge sambau uapendama radda'a, anambon wageangnge waine maradda'a lai; amungkangngu wageangnge sambau raloanna, anambon wageangnge waine lulluassa suadio'a.

ROMA 12:15

Lalluasse su sambau ringannu manga taumata apan lulluassa, wuṛṛu luaite ringanni mangitou apan lulluai.

YOHANES 12:3

Wua'udde i Maria nirumanta uaapiddu iraṛṛangngo mal᷊oara su liteṛṛe lana mawangngi narwastu apan masagada atonna aregane. I Tou nanebokku lana udde su ledda Mawu Yesus, see niapun uta'i tou. Ahewallu wal᷊e udde nabal᷊i mawangngi ana waugu hal᷊urun lana udde.

AMOS 2:8

Suapan tampa patataṛṛamawuanna, manga taumata mattiilla ringannu laubba apan nianun mangitou maola'a wataṛṛun awalassu taumata asiangnga. Su Wal᷊en Ruatan mangitou, i mangitou ma'inumma anggore apan nianun mangitou wuassu taumata apan pia awallassa si mangitou.

HOSEA 3:1

Mawu nabbisara si ya'u, “Roote apia wuṛṛu pandangngute sangkatou wawine apan apulune sussandaga. Pandangngute si tou ere lai i Ya'u mandangngu sangkatou Israel salaiwe i mangitou nanantang-Ku wuṛṛu massubba manga paaluanna waine see lai apulune mangonggollu kukisse kismis su monganna.”

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

YEREMIA 30:7

Allo ma'ata'utta nia'omante allo apan tawe sul᷊ungnge. Su uma-U udde allo apan maasinggawanga; arawe i Ya'u manal᷊amatta si mangitou.”

ESTER 3:15

Manga daroloṛṛanna nasasaṛṛawutta nanguntuddu manga suratta udde su anambon propinsin araratuanna. Wuassu darolokku ratu, parenta udde nial᷊iata lai su Susan, inangngu soan Persia. Wua'udde ratu wuṛṛu Haman ua'iante lapiddu ma'inumma anggore, arawe soa Susan niṛṛumindu'a ana waugu watti'a udde.

2 MARARATU 15:29

Sutempo i Pekah uaparenta, i Tiglat-Pileser ratun Asyur nangaṛo soan Iyon, Abel-Bet-Maakha, Yanoah, Kedes, Hazor, waageangu Gilead, Galilea wuṛṛu Naftali. Tumanange apan niasametta niaapidda lai watukku Asyur.

YESAYA 5:12

Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

AMOS 4:1

Paddaringikke, ei manga wawinen Samaria apan aatambanna atawane ere manga sapi matawa su Basan! I yamiu mangngallangnga taumata lome, mammoddo taumata asiangnga, wuṛṛu maddorongnga tadea'u awingngu sidutu mannaddia ua'e maawu'anna si'o!

YESAYA 28:1

Nasilakate soa apan nabbal᷊i ipammunga manga taṛṛa wu'annu Israel! Araṛṛamage nawul᷊i ere saṛṛen bunga apan tinumolangnga su wowon pua mangitou. Nasilakate soa apan matanggakka su pattangngannu wawal᷊anne masuwukka, ilalluassu manga taumata apan wu'anna masaddatta.