AMOS 6:10 - WUKE SUSI WATTI'U AL᷊AL᷊USASSA

¹⁰ Sangkatou reengannu amonanna apan mammanara pallal᷊abbinge, sarun dumanta wuṛṛu mangapidda su liuddu winal᷊uanannu tuṛṛangnge. I tou sarun mangintul᷊i su taumata apan poi su liuddu wal᷊en udde, “Apa ta'e piaddu wiakka wal᷊ine wuassi'o?” Ne sarun aringiṛṛanna sasimbakke, “Tate!” Reengannu amonanna mammanara mallabbingu winal᷊unanna udde sarun mabbisara, “Imbaṛṛangnga mabbisara apia! I ite tawe wotongnge managgon arannu Mawu.”

AMOS 6:10 Referans Kwoze

AMOS 8:3

Su allo udde manga aantari su wal᷊en araratuanna sarun mabbal᷊i lal᷊uai. Su al᷊awo'u tampa uaseṛṛoppa manga winal᷊unanna buatte niramme ringannu mal᷊anna-l᷊annabba.”

1 SAMUEL 31:12

ne manga taumata apan awaṛṛanianne inaite wua isudde wuṛṛu niumamatte su al᷊o'engngu ṛabbi watukku Bet-Sean. I mangitou nanossokku winal᷊unanni Saul wuṛṛu winal᷊unannu manga anangnge esakka wuassu darandungngu soa udde ana see niapidde watukku Yabesh, wua'udde nitutungnga.

AMOS 5:13

Ana waugu pallal᷊agunu udde, ne manga taumata apan pande mammendamma mappianne uatatana'a mal᷊annabba sutempo apan dal᷊eo ereudde.

YEHEZKIEL 24:21

iapapasingkattu tanata indi si yamiu: I yamiu mammungan atatohassu Wal᷊e Mawu. I yamiu apulune ma'ellega wuṛṛu inai isudde, arawe Mawu sarun mandal᷊eo Wal᷊en-Ne. Wuṛṛu lal᷊oṛṛon amonannu apan ta'e dario'a, apan uatana'a su Yerusalem, sarun pateanna sulal᷊ummu pangalo.

YEHEZKIEL 20:39

Mawu Apan Atanggaṛṛanne nabbisara, “Ei manga taumatan Israel, orassa indi walate i'o. Asal᷊a'e ma'ola'a rosa ringannu massubba manga paal᷊uannu! Arawe paanaungete manungku wua'udde i yamiu ṛinone tumuṛṛutta si Ya'u wuṛṛu tate lai mallobbossa arang-Ku apan na'ukkassa ringannu mangngapiddu sasamba su manga paal᷊uannu udde.

YEREMIA 44:26

Arawe orassa indi paddaringikke apa apan Ta'u iwisara si yamiu, ei taumatan Israel su Mesir: i Ya'u, Mawu, massalu ringannu arang-Ku apan mawantuga manungku i yamiu tate lai Ta'u iwala mappaattu arang-Ku ipakiinnu sambau paaire. I yamiu tawe wotongnge mabbisara, ‘I Ya'u massalu ringannu arannu Ruata apan biakka!’

YEREMIA 16:6

Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

REENGANNA 17:12

Ana see taumatan Israel nabbisara si Musa, “Amungkangngu aroddi, nasilakate yami! Yami sarun mate!

2 MARARATU 23:16

Wua'udde i Yosia nanaile, wuṛṛu naasilo manga pira labbinga su puiddu wowone. Ne i tou nandolokku taumata niapahohakku labbinga udde, wuṛṛu niapasabbanga manga duṛṛine ana see nitambunna su mezbah apan tantal᷊anna lukkenggama. Etearoddi olange i tou nanapadda mezbah udde. Ne natipusse sarangkanambone apan buatte niwal᷊on nabi Mawu sutempo i Ratu Yerobeam tantal᷊anna uarisikka maranin mezbah udde su sambau allon damea. Wua'udde i Yosia naasilo lai sambau labbinga waine.

2 MARARATU 6:33

I Elisa taambe nuddussa mabbisara, ratu na'omate isudde wuṛṛu nabbisara, “Asasusa indi niema'u Mawu si ite! Nariaddi, ipa'ura lai ya'u mangantimma i Tou mangontola?”

YEREMIA 9:21

Papate sinumuttate wuassu jandela, nasal᷊ate sulal᷊ummu wal᷊en araratuanna; i tou mannametta al᷊aṛṛana'a su lal᷊anna see ana'a umbasanna maṛṛuala su lapanganna.