AMOS 5:5 - WUKE SUSI WATTI'U AL᷊AL᷊USASSA

⁵ Imbaṛṛangnga inai watukku Bersyeba mattaṛṛamawu. Arie maddea'a si Ya'u su Betel, ana waugu Betel sarun mawuli. Arie lai inai watukku Gilgal, ana waugu taumana'u soa udde sarun ṛuwoanna watukku pamamuanganna.”

AMOS 5:5 Referans Kwoze

HOSEA 4:15

Ei i yamiu taumatan Israel, i yamiu tawe satia si Ya'u! Arawe, i Ya'u mangantimma Yehuda tawe ma'ola'a pasasal᷊a apan uasul᷊ungnga! Imbaṛṛangnga mattaṛṛamawu su Gilgal ara'e su Betel. Imbaṛṛangnga massalu poiaroddi ringannu arannu Mawu apan biakka.

AMOS 8:14

Manga tumata apan nassalu ringannu paal᷊uannu Samaria mabbisara, ‘Sulal᷊ummu mongannu walahannu Dan’, ara'e ‘Sulal᷊ummu Mongannu Bersyeba’ – sarun manawo wuṛṛu tate maawuatta apia.”

AMOS 4:4

Mawu Apan Atanggaṛṛanne nabbisara, “Ei umattu Israel! Roote watukku tampa patataṛṛamawuanna su Betel, wuṛṛu pa'ola'e rosa isudde! Roote watuku Gilgal, wuṛṛu pa'ola'e rosa walate apulun naungngu! Pangonggollen sasamba suapan marua allo, wuṛṛu pangapiddu sepere mapul᷊o wuassu al᷊awo'u hessin inasaharannu suapan tallu allo!

PANDARIADDI 21:33

Ana see i Abraham nassuannu sangkalu alu tamariska su Bersyeba wuṛṛu nanattakka orassa udde tampa udde nipaatti tou maola'a pasasubanna Mawu, Ruata sarangkal᷊o'engnge.

SONDAPPA 18:17

Arawe tumba'u sulal᷊ummu sangka orassa, i tou niawul᷊iantem paa'alane udde!” Anambon apitenna, sumasa'ene, wuṛṛu masanaene, see anambon taumata apan manarane su tahal᷊oangnga, uarisikka wuasu marau.

1 KORINTUS 2:6

Salaiwe aroddi, su wallattu manga taumata apan wiakku pangangimanne nal᷊inte, atonna, i ya'u nabbisara su ola'u apapande. Arawe apapande indi wal᷊inewe apapanden runia, ara'e apapande manga tembonanne tempo indi, apan taṛṛinone sarun mawul᷊i.

1 KORINTUS 1:28

Ruata namile apa apan aellehanna mawawo, asiangnga, wuṛṛu lai sassunannu runia indi tawe gunane, tadea'u Ruata maṛṛimunsa'a apa apan aellehannu runia indi apianne.

AMOS 7:17

Mawu nabbisara manungku awingngu sarun mabbal᷊i wawine masandaga su manga lal᷊annu soa, wuṛṛu manga anangngu pateanna sulal᷊ummu pangalo. Letangngu sarun tahianna apan tawe maaillal᷊a Mawu. Tumana'u Israel sarun ṛuwoanna watukku pamamuanganna, marau wuassu wanuane sassane.”

HOSEA 12:11

I Ya'u buatte, nabbisara su manga nabi, wuṛṛu nangongollu manambo sondappa si mangitou. Wuassi mangitou i Ya'u namasingkattu manga ṛiing-Ku hunan kamiu, uma-U,

HOSEA 10:8

Manga kuil su manga wuidda su Betel tampan taumatan Israel massubba paal᷊uanna, sarun ṛimunsaanna. Larangnga wuṛṛu nannal᷊o sarun tumuwo su mezbah i mangitou. Ana see i mangitou sarun mangintul᷊i sarun manga wowone, “Taapete i yami!” wuṛṛu su manga wuidda, “Soopete i yami!”

HOSEA 9:15

Mawu nabbisara, “Anambon al᷊al᷊eon mangitou nanattakka su Gilgal. Ete isudde i Ya'u nanattakke maddantinni mangitou. Ana waugu inolaanni mangitou apan dal᷊eo, i Ya'u sarun mallimbuakka si mangitou wuassu wanua-U indi. I Ya'u tate umakkanni mangitou apia, anambon piaṛṛa'i mangitou buatte nilumawangnga si Ya'u.

YESAYA 29:20

Eteudde panguddusannu manga taumata apan mangngallangnga taumata waine wuṛṛu mallobbossa Ruata. Ruata sarun makkadda'a anambon taumata marosa,

YESAYA 8:10

Panngol᷊age, arawe sarangkanambone tawe maola'a. Pakkawesse, arawe tawe gunane, ana waugu Ruata uaṛundinganna si yami.

DARALO 33:10

Mawu nanal᷊are hol᷊agu manga walahanna, i Tou napaawul᷊i apulun mangitou.

AYUB 8:22

Isai mandantinnu sarun masili wuṛṛu maaddio'a, wuṛṛu wal᷊en taumata lal᷊eo sarun ihohakka ma'oman sara maṛṛimunsa'a.”

1 SAMUEL 11:14

Ana see i Samuel nabbisarate si mangitou, “Wette i ite sarangkanambone inaite watukku Gilgal, wuṛṛu manenegi Saul maola'a ratun kite.”

1 SAMUEL 7:16

Santonna paassa i tou u'amatta mammal᷊iwutta watukku Betel, Gilgal wuṛṛu Mizpa. Wuṛṛu su manga tampa udde i tou mangnginsue hatton patatiakka.

TAHIUL᷊E 28:41

I yamiu sarun maasomba ana'a esakka wuṛṛu wawine, arawe i mangitou iasametta su pangalo, ma'oman sara i yamiu awul᷊ianni mangitou.

PANDARIADDI 21:31

Ete aroddi tampa udde nisagote Bersyeba, ana waugu ete su tampa udde itarua nassalu.

1 SAMUEL 8:2

Anangnge pahul᷊une aranne i Yoel wuṛṛu aruane i Abia. Itarua naola'a mallaṛṛuungnga su Bersyeba.

1 MARARATU 12:28

Napawe buatte naṛṛingiddu olangnge udde, i tou na'ola'a darua paal᷊uanna sapi wulawanna ana see nabbisara su tumanangnge, “Walahannu Israel! Mal᷊annute i yamiu inannai watukku Yerusalem mattaṛṛamawu. Orassa indi, eteindi manga mawunu apan buatte nangapiddi yamiu sinumabbangnga wuassu Mesir!”

1 MARARATU 12:29

Ana see i Yerobeam nangaddon sambau sapi wul᷊awanna udde su Betel wuṛṛu waine su Dan.

AMOS 3:14

Su allo i Ya'u makkuumannu taumatan Israel ana waugu rosane, i Ya'u sarun maṛṛimunsa'a manga mezbah su Betel. Suapan mezbah sarun paddianna manga diṛṛine ma'oman sara maṛṛa'a su leta'a.

AMOS 7:10

Amazia, imam su Betel, nangirimmu aalae si Yerobeam ratun Israel, “Amos tantal᷊anna ma'iren tumanangnge tadea'u lumawangnga si Tuangnga. Manga hattone apan mammono'a tumana'u soa pangillul᷊eanne wanua indi maṛṛimunsa'a.

AMOS 7:13

Imbaṛṛangnga mannase apia su Betel. Soa indi tumba'u hunan datu, wuṛṛu tampa patataṛṛamawuannu araratuanna.”

PANDARIADDI 26:23

Wua'udde i Ishak niumamatte wuṛṛu na'omate su Bersyeba.

PANDARIADDI 26:33

Ana see paṛṛihi udde nissagon Ishak “Sasalu”. Uddewe al᷊amonane soa udde na'oman sara nissago Bersyeba.

YOSUA 5:9

Mawu nabbisara si Yosua, “Allo indi asasusan kamiu ere allanga su Mesir buatte niapawul᷊i-U.” Ana waugu udde tampa udde nisago Gilgala na'oman sara orassa indi.

2 MARARATU 23:8

Anambon imam apan uatana'a su manga soan Yehuda nirolokki Yosia niaparanta su Yerusalem, ana se'e su al᷊awo'u tampa su ahewallu wanuan Yehuda i tou nanggal᷊usa'a manga mezbah monganna eteudde tampa manga imam pangngonggol᷊anin sasamba. Manga imam udde tawe niwala mattaṛamawu su Wal᷊en Mawu. Arawe, i mangitou wotonge umanna roti tawe ragine apan buatte nissadia manga hawene. Manga mezbah apan niṛṛae passubbanna monganna maranin Ngara Passalanganni Yosua, tembonannu wanua udde, niṛṛa'a. Pasallanganne udde tampane su samba'an aiṛṛin Pasallanganna Paarorone su lal᷊anna suttanna watukku soa.

YEREMIA 48:13

Moab sarun sumassilla si Kamos, monganni mangitou, ere lai taumatan Israel sinumassilla su Betel apan iaasakki mangitou udde.

AMOS 1:5

Manga ngara wahewalla su Damsyik sarun Ta'u hoaṛṛanna, wuṛṛu tumana'u Wawal᷊annu Awen sarun Ta'u sahangginanna wuassu tampa atatanaanni mangitou. Tembonannu Bet-Eden sarun Ta'u iapasossokka wuassu aiananne, wuṛṛu tumana'u Siria sarun iatawanna wua'udde ṛuwoanna watukku wanua Kir.”

AMOS 7:9

Manga tampa apan nipaattu papapulunni Ishak pattaṛṛa mawuanna sarun hoaṛṛanna. Manga tampa susin taumatan Israel sarun iapaaṛṛa'a. I ya'u sarun makkimunsa'a papapulunni Ratu Yerobeam.”