AMOS 5:2 - WUKE SUSI WATTI'U AL᷊AL᷊USASSA

² Nanawote Israel apan ta'e parawanna, i tou sarun tate maarisikka apia! Su wowon letangnge sassane i tou niwala taweddu massumbala si tou dumarisikka.

AMOS 5:2 Referans Kwoze

YEREMIA 14:17

I ya'u nirolokku Mawu mamasingkattu asasusa'u su uman-Ne. I ya'u ṛinone mabbisara arendi, “Wala'ewe i ya'u lumuai tawe illol᷊one, allo ṛabbi mangngelekka allom mata. Ana waugu walahangku nal᷊essa wahewalla wuṛṛu tumaniten uatataṛṛangnga.

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

AMOS 8:14

Manga tumata apan nassalu ringannu paal᷊uannu Samaria mabbisara, ‘Sulal᷊ummu mongannu walahannu Dan’, ara'e ‘Sulal᷊ummu Mongannu Bersyeba’ – sarun manawo wuṛṛu tate maawuatta apia.”

HOSEA 14:1

Samaria ṛinone iṛṛumanna ana waugu mandona nilumawangnga si Ya'u. Tumanangnge sarun mate sulal᷊ummu pangalo; al᷊aṛṛanangnge maradio'a sarun ilaranna, wuṛṛu manga wawine pia illoṛṛo waana tianne.”

HOSEA 6:2

Sulal᷊ummu darua ara'e tatallu su allone indi i tou sarun mapaapian kite, wuṛṛu i ite sarun mabbiakka sulal᷊ummu tilla'uppu Mawu.

LAL᷊ALLU 2:13

O Yerusalem, Soa Sion apan arangnguanna, winal᷊alanne ahewalle ere laudda. Apa apan wotongnge ta'u iwisara ipangonggollu bawinalatta? Ana waugu, taambe piaddu natataṛṛangnga asasusa ere i'o. Atonna taweddu wotongnge mamelengngu lal᷊umannangngu.

YEREMIA 51:64

lapiddu mabbisara, ‘Etearendi sarun mariaddi ringannu Babel. Wanua indi sarun lumakkubba wuṛṛu tate lumapputta apia ana waugu asasusa apan niṛṛia'u Mawu si tou.’ ” Manga wisaran Yeremia naddusse isindi.

YEREMIA 50:32

Walahannu apan mawunga udde sarun matara wuṛṛu mawal᷊atta. Tawe saran sangkatou apan mantul᷊ungngu dumarisikka. Manga soanu sarun Ta'u soṛṛowanna, wuṛṛu al᷊awo'a maranine sarun ṛimunsaanna.”

YEREMIA 31:4

Walahannu sarun ta'u olaanna tumelengnga ere dorone. Paassa lai i yamiu sarun manganu rebana, wuṛṛu massal᷊aingnga ringannu lulluassa.

YEREMIA 18:13

Mawu nabbisara, “Iwal᷊oi su anambon balahanna apa buatte nariaddi olangnge ereudde. Umattu Israel buatte na'ola'a sambau inolaanna apan ma'ata'utta!

YEREMIA 4:20

Asasilaka nirumanta ualal᷊intuṛṛutta nanggohakku ahewallu wanua. Niaṛṛombanganne rasangku nihohakka, manga pampelene ringanna nihesa'a.

YEREMIA 2:27

I yamiu sarun pansilianna, ana waugu alu sampaddi waggoanni i yamiu iamangnga wuṛṛu watu sambau waggoanni yamiu inangnga. I yamiu wal᷊inewe rumanta ringang-Ku, ewe'e nanantang-Ku. Arawe napawe nirumanta asasusa, ete i Ya'u apan waggoanni yamiu tadea'u rumanta manal᷊amatta si yamiu.

YESAYA 43:17

I tou nandolokku tantara wuṛṛu manga piaṛṛangnge mapapangalo, wuṛṛu i mangitou inaite ringannu keretan awal᷊o. Arawe i mangitou nanawo, tate maararisikka apia, i mangitou nate naal᷊ihidda nanal᷊in sol᷊o apan nappaddumma.

YESAYA 37:22

Mawu nabbisara, “Soan Yerusalem lullage wuṛṛu mallobbossa si'o, Sanherib!

YESAYA 24:20

Al᷊imatan dunia lullengge naal᷊ihidda taumata wu'anna, wuṛṛu niumio'a naal᷊ihidda sambengessa nitiuppu anginna al᷊isusu. Runia naṛṛa'a ana waugu mawakkatta rosane. I tou naṛṛimunsa'a wuṛṛu tate maapabbuatta apia.

YESAYA 14:21

Pallaṛṛata malihakke itattakka! Manga parinsinu sarun mate ana waugu rosan al᷊amonan mangitou. Tawe saran sangkatou wuassi mangitou apan mamarenta su runia ara'e mapararisikku manga soa.”

YESAYA 3:8

Atonna, Yerusalem nanawote! Yehuda nahohakke! Ana waugu al᷊awo'u wisara wuṛṛu inolaanni mangitou lullawangnga Mawu wuṛṛu mannal᷊are taṛṛino-Ne.

2 MARARATU 17:16

I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.

2 MARARATU 15:29

Sutempo i Pekah uaparenta, i Tiglat-Pileser ratun Asyur nangaṛo soan Iyon, Abel-Bet-Maakha, Yanoah, Kedes, Hazor, waageangu Gilead, Galilea wuṛṛu Naftali. Tumanange apan niasametta niaapidda lai watukku Asyur.

YEREMIA 8:4

Mawu nandolo'u niapawisara arendi su uman-Ne, “Amungkangngu taumata manawo, i tou sarun mabbanguna apia, wuṛṛu amungkangngu taumata nilamammiṛṛanne su lal᷊anna, i tou sarun mabbelengnga apia.

YEREMIA 9:9

Tawe mariaddi su walahanna ereindi i Ya'u tawe mapaarantan ṛuumanna apan ṛinone? Sarun Ta'u wal᷊isanna inolaanni mangitou; i Ya'u, Mawu, buatte nabbisara!”

YEREMIA 9:21

Papate sinumuttate wuassu jandela, nasal᷊ate sulal᷊ummu wal᷊en araratuanna; i tou mannametta al᷊aṛṛana'a su lal᷊anna see ana'a umbasanna maṛṛuala su lapanganna.