AMOS 5:10 - WUKE SUSI WATTI'U AL᷊AL᷊USASSA

¹⁰ I yamiu maddantinnu taumata apan mannal᷊are atatul᷊idda wuṛṛu apan mabbisara ringannu atonna su pallaṛṛuunganna.

AMOS 5:10 Referans Kwoze

YESAYA 29:21

taumata apan apulune mangngal᷊uandaga, taumata apan tawe mapaṛṛuumannu taumata lal᷊eo, wuṛṛu taumata apan mannal᷊iawukku manga watti'a awusu tadea'u taumata mapia tawe maasomba atatul᷊idda.

1 MARARATU 22:8

I Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu tawe saran paassa i tou maramallu apa apan mapia si ya'u; sidutu apan dal᷊eo.” “Eh, arie pabbisara aroddi!” sasimbakki Yosafat.

SONDAPPA 11:10

Tumana'u runia sarun lumuassa ana waugu inapateannu tiala darua udde. I mangitou sarun maddamea wuṛṛu sarun ma'a'agilu aonggola, ana waugu ruang katou nabi udde suete nandantan anambon asasusa su anambon taumata su runia.

YOHANES 15:19

Amungkangngu i yamiu tatahuanannu runia, i yamiu sarun rangnguannu runia maola'a pussaane. Arawe i Ya'u suete namile si yamiu wuassu runia indi, nariaddi yamiu tate lai tatahuanannu runia. Ana waugu udde runia maddantinni yamiu.

YOHANES 7:7

Runia indi tawe marantinni yamiu. Arawe i Ya'u atonna-tonna ia'arantinnu runia, ana waugu i Ya'u sidutu mabbisara runia manungku inolaanne lal᷊eo.

YOHANES 3:20

Suapan taumata apan ma'ola'a al᷊al᷊eo, maddirin asasemakka; tadea'u pallal᷊agune apan dal᷊eo tawe asiloanna.

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

2 TAWARIKH 25:16

“Paal᷊annabba,” unni Amazia, “Amungkangu tawe, yami sarun mamate si'o! Tawe saran paassa yami namile si'o maola'a mananantiron datu!” Ne nabi udde nallannabbe, arawe paarorone i tou naawisara, “Orassa indi ya'u masingkatta manungku Ruata buatte nakkawessa mamate si Tuangnga ana waugu inolaanni Tuangnga udde, wuṛṛu ana waugu i Tuangnga maddiri maddaringikka tatantiro'u.”

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

1 MARARATU 18:17

Sutempo i Ahab naasilo si Elia, i Ahab nangintul᷊i, “Indete i tou mangangal᷊iba'ukka su Israel!”

GALATIA 4:16

Apa i yamiu orassa indi massunna si ya'u ere seetta, ana waugu i ya'u mabatti'u apapia si yamiu?

AMSAL 15:12

Taumata apan apulune mangngal᷊uandaga maddiri tagguanna; i tou maddiri maddorongnga tatantiron taumata pande.

YESAYA 59:15

Tate lai taumata apan tawe mamahia, wuṛṛu isai apan mangngindaun al᷊al᷊eo, i tou sassane maola'a sol᷊eng kal᷊al᷊eo.” Mawu buatte naasilo udde, wuṛṛu i Tou tawe mal᷊uassa manungku tate lai atatul᷊idda.

YEREMIA 38:7

Sutempo udde pia sangkatou Sudan apan mammanara su wal᷊en araratuanna. Aranne i Ebed-Melekh. I tou naaringikka manungku i ya'u buatte nitaṛṛo sulal᷊ummu paṛṛihi udde. Sutempo ratu tantal᷊anna mammiaṛṛa'u ammul᷊anna su Ngara Pasallangannu Benyamin,

HOSEA 4:4

Mawu nabbisara, “Ei manga imam, arie piaddu mappaasal᷊a ara'e mamul᷊o uma-U, ana waugu ete i yamiu Ta'u iapasal᷊a!

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

IMAMATTA 13:10

Amungkangngu tumuṛṛuttu parikissu imam su pisin taumata udde pia haṛṛuatta mawira apan nabbal᷊i pinsulla wuṛṛu waṛṛabbissa su wageangnge udde nabbal᷊i mawira,