AMOS 5:1 - WUKE SUSI WATTI'U AL᷊AL᷊USASSA

¹ Paddaringikke ei umattu Israel! I Ya'u mangantararite si yamiu sambau aantarin lullal᷊o:

AMOS 5:1 Referans Kwoze

YEHEZKIEL 19:1

Ruata nandolo'u niapaantarin sasangitta indi hunan duang katou parinsin Israel:

YEREMIA 9:17

Mawu Apan Lembontaṛṛino nabbisara su uman-Ne, “Pa'innunute apa apan tantal᷊anna nariaddi su wanua indi, wuṛṛu paal᷊ihakke waggoite manga lumal᷊uai. Doloṛṛa'e i mangitou rumanta wuṛṛu mangantarin aantarin lalal᷊o.”

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEREMIA 7:29

Mawu nabbisara, “Ei tumana'u Yerusalem, lallal᷊ote! Pol᷊ote utangngu wuṛṛu rammea'e! Pangantariten aantarin asasusa roso su manga puiddu panenteanna ana waugu i Ya'u Mawu, tantal᷊anna massa'u wuṛṛu nano'eten kami nambo.

MIKHA 2:4

Pal᷊addu pabbiaṛṛannu sarun ipaattu taumata maola'a papasendekka, wuṛṛu i mangitou sarun mangarangngu aantarin lal᷊al᷊o indi, ‘Mawu buatte mangaṛṛo wanuan kami indi wuṛṛu nionggolla su taumata apan nanawanna si yami. I yami mangke naṛṛimunsa'e atonna-tonna.’ ”

AMOS 5:16

Mawu Apan Lembontaṛṛino nabbisara, “Su manga lal᷊annu soa, taumata sarun sumangitta wuṛṛu sumal᷊iomanna ana waugu masusa. Ewe'e lai manga mabbawailla lai sarun waggoanna iapal᷊uai suadio'a ringannu manga taumata apan niwaeṛṛanna lumuain taumata nate.

AMOS 4:1

Paddaringikke, ei manga wawinen Samaria apan aatambanna atawane ere manga sapi matawa su Basan! I yamiu mangngallangnga taumata lome, mammoddo taumata asiangnga, wuṛṛu maddorongnga tadea'u awingngu sidutu mannaddia ua'e maawu'anna si'o!

AMOS 3:1

Paddaringikke tanatan Mawu indi, ei walahannu Israel apan buatte niapiddu Mawu sinumabbangnga wuassu Mesir! Mawu nabbisara,

YEHEZKIEL 32:16

Tatagu apan maṛṛagissa indi sarun maola'a aantarin lall᷊al᷊o. Manga wawine wuassu manga walahanna waine sarun mangantari maola'a tatiala lullal᷊o su Mesir wuṛṛu anambon tumanangnge. I Ya'u, Mawu Apan Atanggaṛṛanne buatte nabbisara.”

YEHEZKIEL 32:2

“Ei taumata apan mattate, onggol᷊e'on tatagu apan maṛṛagissa su ratu Mesir. Wal᷊oa'e tanata-U indi si tou, ‘I'o nattanno ere singa parangganga suwallattu manga walahanna, arawe i'o naal᷊ihidda wuala apan mannalangnga sulal᷊ummu ua'e. Leddanu mallabukka wuṛṛu mannapadda al᷊awo'u sal᷊ukka.

YEHEZKIEL 28:12

“Ei taumata apan mattate, lalluaite si ratun Tirus. Pasingkata'e apa apan i Ya'u, Mawu Apan Atanggaṛṛanne mabbisara si tou, ‘I'o buatte naola'a waneṛṛan asasuungnga; dorone i'o mangke pande wuṛṛu maṛṛamaga!

YEHEZKIEL 26:17

Wua'udde i mangitou mangantarin aantari pallal᷊abinga indi si'o: Naṛṛimunsa'e soa apan raddal᷊oanna! Al᷊awo'u apalla nisahangginna wuassu laudda. Tumanangnge dorone uataṛṛino su tahal᷊oangnga na'oman sara taumatan sahatta matta'utta.

YEHEZKIEL 19:14

Punnu anggore udde nilewan putungnga; ranna wuṛṛu wuane nasue nepodda. Rannane indi tate auatanne; tawe mariaddi olaanna ta'innu araratuanna. Eteudde sasangitta apan masokka-sokka ia'antarin umatta.

YEREMIA 9:20

I ya'u nabbisara, “Paddaringikke manga wisara Mawu, ei wawine sarangkanambone! Su manga sinangiannu aṛṛa'en antarin lalal᷊o, su manga hawenu antarin asasusa.

YEREMIA 9:9

Tawe mariaddi su walahanna ereindi i Ya'u tawe mapaarantan ṛuumanna apan ṛinone? Sarun Ta'u wal᷊isanna inolaanni mangitou; i Ya'u, Mawu, buatte nabbisara!”

YEREMIA 18:13

Mawu nabbisara, “Iwal᷊oi su anambon balahanna apa buatte nariaddi olangnge ereudde. Umattu Israel buatte na'ola'a sambau inolaanna apan ma'ata'utta!

AMOS 8:14

Manga tumata apan nassalu ringannu paal᷊uannu Samaria mabbisara, ‘Sulal᷊ummu mongannu walahannu Dan’, ara'e ‘Sulal᷊ummu Mongannu Bersyeba’ – sarun manawo wuṛṛu tate maawuatta apia.”