AMOS 2:5 - WUKE SUSI WATTI'U AL᷊AL᷊USASSA

⁵ Ana waugu udde, i Ya'u sarun mangirimmu putungnga watukku Yehuda wuṛṛu manoṛṛobba ma'oman sara masue manga tanda'a watu su Yerusalem.”

AMOS 2:5 Referans Kwoze

HOSEA 8:14

Taumatan Israel mapararisikku manga wal᷊en araratuanna, arawe i mangitou naabul᷊in Mandariaddi si mangitou. Taumatan Yehuda nanamba manga soa pia tanda batune, arawe i Ya'u sarun manossokku putungnga ipanoṛṛobba manga wal᷊en araratuanna wuṛṛu manga soan mangitou sara masue.”

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 21:10

I Ya'u buatte nakkawessa makkimunsa'a soa indi, wuṛṛu tawe umakkanne. Soa indi sarun itantilla su ratun Babel; i tou sarun manoṛṛobba ma'oman sara mepodda. I Ya'u, Mawu, buatte nabbisara.”

YEREMIA 52:13

I Nebuzaradan nanoṛṛobba Wal᷊e Mawu, wal᷊en araratuannu ratu, wuṛṛu anambon bal᷊en taumata mapiane su soan Yerusalem.

YEREMIA 39:8

Tantal᷊anna udde manga taumatan Babel nanoṛṛobba wal᷊en araratuanna wuṛṛu manga wal᷊en tumana'u soa, see lai naṛṛa'a manga darandungngu Yerusalem.

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.

AMOS 3:11

Ana waugu wanuan mangitou sarun pangaloannu seetta, tanda'a watun mangitou rimunsaanna, wuṛṛu manga wal᷊en araratuanni mangitou aṛṛoanna.

AMOS 3:15

Manga wal᷊en hunan tempon masunge wuṛṛu manga wal᷊en pangillol᷊oanna sutempon paddissa sarun Ta'u hoaṛṛanna. Manga wal᷊en apan nilogaṛṛannu gadinga sarun maṛṛa'a; anambon wal᷊en apan wahahewalla sarun maṛṛimunsa'a.

AMOS 7:4

I ya'u naasomba sambau sondapa wuassu Mawu Apan Atanggaṛṛanne. I ya'u naasilo i Tou tantal᷊anna uasasaddia makkuumannu uman-Ne ringannu putungnga. Putungnga udde nangpodda na'oman sara nasue laudda su al᷊ungngu runia wuṛṛu mannattakke mangngepoddu wawail᷊anna.

AMOS 1:4

ana waugu udde i Ya'u sarun mangirimmu putungnga watukku wal᷊en araratuanni Ratu Hazael, wuṛṛu manoṛṛobba ma'oman sara masue manga tanda batun Ratu Benhadad.