AMOS 2:4 - WUKE SUSI WATTI'U AL᷊AL᷊USASSA

⁴ Mawu nabbisara, “Taumatan Yehuda masokkate ma'ola rosa, ana waugu udde i Ya'u sarun makkuumanni mangitou. I mangitou nilumawangnga manga parenta-U wuṛṛu tawe maddaringika manga al᷊aṛṛa-U. I mangitou nilamamiṛṛannu manga mawu waine apan sassubbannu al᷊amonan mangitou.

AMOS 2:4 Referans Kwoze

YEHEZKIEL 20:24

ana waugu i mangitou buatte nangapissa manga parenta-U, lullawangnga manga tita-U, wuṛṛu nanggal᷊usa'a allon Sabat, wuṛṛu massubba manga monganna apan raddaloannu iupungngi mangitou.

YEHEZKIEL 20:16

Wawansaga udde Ta'u niwisara ana waugu i mangitou tawe maddaringikka manga parenta-U, nilumawangnga manga tita-U wuṛṛu nanggal᷊usa'a allon Sabat. I mangitou mappianne massubba manga paal᷊uanni mangitou.

YEHEZKIEL 20:13

Arawe su wadda'u anne udde, i mangitou nilumawangnga manga parenta-U, wuṛṛu nanol᷊a'u manga tita-U apan maola'a wataṛṛu manungku taumata apan matuṛṛuta sidutu wiakka. I mangitou tumanite nanggal᷊usa'a allon Sabat. Ana waugu udde, su wadda'u anne udde i Ya'u nasaddiate mamallossu asasa'u-U su saruanni mangitou wuṛṛu mamate si mangitou.

HABAKUK 2:18

Niawontohante i'o! I'o mabbisara su alu sampaddi, “Darisikke!” ara'e su sambau watu wahewalla, “Pabbangunte!” wotongngewe sambau paal᷊uanna mamasingkattu sambau saranapa si'o? Wotongnge mariaddi paal᷊uanna udde aoosannu wul᷊awanna wuṛṛu sal᷊a'a, arawe i tou tawe niawa. Apa hunane paal᷊uanna sassubbanna? Udde tumba'u inolaannu taumata. Apan niasombangannu wuassi tou tumba'u awusu. Tawe gunane pangangimannu mallal᷊anginnu paal᷊uanna su lanna'u limane, apan tawe maawisara udde.

HOSEA 12:2

Al᷊awo'u saranapa apan niola'u taumatan Israel wuassu marua allo maddatingngu ṛabbi tawe gunane wuṛṛu olangnge maahohakka ere anginna ra'i. Pallal᷊inga wuṛṛu araṛṛagissa aatambanna suwallatti mangitou. I mangitou ma'ola'a manga paaire ringannu Asyur wuṛṛu nangapiddu lana watukku Mesir maola'a tatialan paggahahawe.”

YESAYA 28:15

I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.

ROMA 1:25

Ruata apan naṛṛino, nihantianni mangitou ringannu sarannapa awusu. Wal᷊ine mandariaddi ewe'e apan niriaddine udde sassubanna wuṛṛu a'imbeanni mangitou. Sumbal᷊i iapa nandiaddi udde apan ṛinone raloanna sarangkal᷊o'engnge! Amin.

AMOS 3:2

“Wuassu anambon walahanna su runia, ete i yamiu sassane walahanna apan asingkatang-Ku wuṛṛu lal᷊u'arang-Ku. ana waugu udde rosanu wahewalla, wuṛṛu i Ya'u sarun makkuumanni yamiu.”

YEHEZKIEL 20:18

Arawe nawal᷊i'a ingana'a dario'a suwallatti mangitou Ta'u nitantiroanna arendi, ‘Imbaṛṛangnga tumuṛṛutta manga atoranna apan niola'u iupungngu al᷊amonanu. Arie mattanno anarammi mangitou wuṛṛu arie pa'ola'a rosa su watangannu ringannu massubba manga paal᷊uanni mangitou.

YEREMIA 9:14

I mangitou puane maattikka wuṛṛu massubba manga paal᷊uanni Baal ere buatte niaṛṛa'u al᷊amona mangitou.

YEREMIA 8:9

Manga mapapande suwallatti yamiu sarun pansilianna. I mangitou sarun awul᷊iannu ṛingidda wuṛṛu asametanna. I mangitou maddiri manengkamma tatantiro-U; orassa indi, asingkatta apa apan ta'e pia si mangitou?

NEHEMIA 1:7

I yami buatte na'ola'a al᷊al᷊eo Si'o wuṛṛu nilumawangnga manga parenta-Nu. I yami tawe tumuṛṛutta manga tita apan buatte nionggollu Mawu si yami wuassi Musa, allang-Ngu udde.

2 MARARATU 17:19

Manga taumatan Yehuda lai tawe tumuṛṛutta manga titan Mawu, Ruatan mangitou. I mangitou mattanno manga innanaramannu taumatan Israel,

1 PETRUS 1:18

I yamiu masingkata apa apan buatte nipamaekka tadea'u ipamallosi yamiu wuassu pabbiaṛṛanna apan tawe gunane apan tinantillu iupungngu al᷊amonanu. Bawaekke wal᷊inewe saranapa apan wotongnge mawulle ere inai sal᷊a'a ara'e wul᷊awanna,

1 TESALONIKA 4:8

Taumata apan tawe madaringikka al᷊aṛṛa'a indi wal᷊inewe tawe madaringikka taumata, arawe tawe madaringikka Ruata apan nangonggollu Ghaṛṛaho-Ne susi si yamiu.

HOSEA 6:11

Su ola'i yamiu, ei taumatan Yehuda, i Ya'u buatte nanantunnu tempone makkuumanni yamiu lai ana waugu inolaannu.”

YEHEZKIEL 22:28

Manga nabi mammuni manga rosa udde; i mangitou naal᷊ihidda taumata apan mammuṛṛa darandungnga apan kotoṛṛe. Manga aellegi mangitou awusu, aroddi lai manga pani'atti mangitou. I mangitou mangnga'u manungku tanata apan niapasingkatti mangitou uddewe apan nisengkammi mangitou wuassu Mawu Apan Atanggaṛṛanne, sumbal᷊i i Ya'u mangke tawe nabbisara si mangitou.

YEHEZKIEL 22:8

Manga tampa patataṛṛamawuanna si Ya'u nilal᷊eonu wuṛṛu allon Sabat tawe iareganu.

YEHEZKIEL 20:30

Nariaddi pasingkata'a su taumatan Israel apa apan i Ya'u, Mawu Apan Atanggaṛṛanne nabbal᷊o si mangitou. ‘Anio i yamiu na'ola'a manga rosa ere buatte niola'u iupungngu al᷊amonanu? Ere lai i mangitou, i yamiu lai mengngaṛṛussa manga paal᷊uanna apan maarantinna udde.

YEHEZKIEL 13:22

Manga taumata mapia apan maddiri Ta'u olaanna lal᷊eo, niadio'i yamiu naungnge ringannu wawahianu. Manga taumata lal᷊eo niola'i yamiu wahewalla naungnge tadea'u sidutu marosa wuṛṛu tawe iapaasal᷊amatta.

YEREMIA 16:12

Arawe i yamiu ma'ola'a lembon al᷊al᷊eone lai. Puang kamiu maattikka wuṛṛu tumba'u tuttuṛṛutta apulunu sassane apan dal᷊eo. I yamiu tawe tumuṛṛutta si Ya'u.

YEREMIA 8:2

wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

YEREMIA 6:19

Panutukke, ei runia! Uma-U maddiri manengkamma al᷊aṛṛa-U wuṛṛu maddiri tumuṛṛutta si Ya'u. Maola'a pangillul᷊eannu hol᷊agi mangitou i Ya'u nandantan asasilaka si mangitou.

YESAYA 44:20

Inolaanna udde nassul᷊ungngu niumanna awu. Taumata udde nial᷊iwun ṛingiranne apan boddo, na'oman sara i tou tate iatul᷊ungnga lai. I tou tawe maapanga'u manungku paal᷊uanna apan su limane udde tumba'u wawahia.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

2 TAWARIKH 30:7

Ariewe ere iupungngu al᷊amonanu wuṛṛu manga taumatan Israel waine apan tawe maddaringikka Mawu Ruatan mangitou. I yamiu naasilote sassane ereapa awakkanne i Tou nakkuumanni mangitou.

MAL᷊AṚṚUUNGNGA 10:6

Walahannu Israel na'ola'e rosa apia su Mawu. I mangitou tate mappandumma Mawu wuṛṛu tate lai massubba si Tou. I mangitou massubbate manga mongannu Baal wuṛṛu Asytoret, wuṛṛu mongannu manga walahannu Siria, Sidon, Moab, Amon wuṛṛu Filistin.

YEREMIA 16:11

Wal᷊oa'e si mangitou manungku i Ya'u nabbisara arendi, ‘Al᷊amonanu buatte nanantang-Ku inai massubba wuṛṛu mattaṛṛamawu manga mawu waine. I mangitou tuttal᷊iudda si Ya'u wuṛṛu maddiri tumuṛṛutta manga atorang-Ku.

AMOS 1:3

Mawu nabbisara, “Tumana'u Damsyik masokkate ma'ola'a rosa, na waugu udde i Ya'u sarun makkuumanni mangitou. I mangitou mammarenta taumatan Gilead ringannu maṛṛagissa,

MIKHA 6:12

Manga taumata ala su soanu mangngallangnga taumata asiangnga, wuṛṛu sarangkanambone taṛṛa awusu.

2 TAWARIKH 25:14

Napawe buatte namaddon tantaran Edom, Amazia napul᷊ete ringannu uaapiddu paal᷊uanna sassubbannu taumatan Edom wuṛṛu sinahipunna su Yehuda. Ana see i tou nanambunnu amania su manga paal᷊uanna udde udde lapiddu nassubba si tou.

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

HOSEA 12:3

Mawu uatahuanna hatto ringannu walahannu Yehuda; i Tou lai sarun makkuumannu Israel ana waugu pallal᷊aghun mangitou. I Tou sarun mabbal᷊issa inolaanni mangitou.