AMOS 1:11 - WUKE SUSI WATTI'U AL᷊AL᷊USASSA

¹¹ Mawu nabbisara, “Tumana'u Edom masokkate ma'ola'a rosa, ana waugu udde i Ya'u sarun makkuumannai mangitou. Ringannu tawe umakkanna, i mangitou buatte namangalo taumatan Israel, manga tuṛṛangngi mangitou. I mangitou sidutu mandona wuṛṛu mangke mangngunne.

AMOS 1:11 Referans Kwoze

MALEAKHI 1:4

Unnuwisara papapuluunni Esau, maga taumatan Edom udde mabbisara, “Manga soan kami buatte niṛṛimunsa'a, arawe i yami sarun ma'ola'a apia,” ne Mawu sarun sumimbakka, “I mangitou wotongnge ma'ola'a apia, arawe i Ya'u sarun mapaaṛṛa'a apia. I mangitou sarun isaggo ‘Wanuan al᷊al᷊eo’ wuṛṛu ‘Walaganna apan niaṛṛiaannu asasa'un Mawu saran mal᷊annu-l᷊annu.’ ”

YOEL 3:19

Mesir sarun maola'a wadda'a apan mamara, wuṛṛu Edom mabbal᷊i lol᷊okka, tawe atanaannu taumata. Ana waugu i mangitou buatte namangalo taumatan Yehuda, wuṛṛu namate tumana'u wanua apan tawe pasasal᷊ane.

DARALO 137:7

Oh Mawu, naungewe inolaannu taumatan Edom sutempo Yerusalem nihohakka. I mangitou nabbisara, “Ṛaa'e, ṛaa'e maddatingngu manga rapappakke!”

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

MANNANASE 7:9

Arie tumaniten mal᷊ihakka mandona; tumba'u taumata woddo apan mangngune.

TAHIUL᷊E 23:7

Imbaṛṛangnga mangadio'a taumatan Edom ana waugu i mangitou udde tuṛṛangngu. Imbaṛṛangnga lai mangadio'a taumatan Mesir, ana waugu i yamiu buatte natana'a su wanuan mangitou.

EFESUS 5:1

Ete i yamiu udde al᷊aṛṛana'u Ruata apan arangnguan-Ne, ana waugu udde i yamiu ṛinone mattanno tul᷊ada Duata.

MALEAKHI 1:2

Mawu nabbisara su uman-Ne, “I Ya'u marangngu si yamiu.” Arawe i mangitou sinumimbakka, “Ereapa Mawu mandangngu si yami?” Mawu sinumimbakka, “Wal᷊inewe Esau iaangngi Yakub? Arawe i Yakub Ta'u arangnguanna,

YESAYA 57:16

Tawe sarangkal᷊o'enge i Ya'u mapasal᷊an uma-U; tawe saran mal᷊annu-l᷊annu i Ya'u massa'u, tadea'u i mangitou tawe mapaddi apulu naungnge, sumbal᷊i ete i Ya'u apan mabbiakka si mangitou.

DARALO 85:5

Pawelenga'awe i yami, oh Ruata mananal᷊amatti yami, ariete masa'u apia si yami.

ZAKARIA 1:15

Arawe i Ya'u tuminiten massa'u su manga walahanna apan uapendamma mal᷊annabba wuṛṛu matammudda. Ana waugu sutempo i Ya'u naṛṛaddannu asasa'u-U su uma-U, manga walahanna udde mannamba asasusan uma-U.

2 TAWARIKH 20:10

Orassa indi walahannu Amon, Moab wuṛṛu Edom mammangalo si yami. Sutempo al᷊amonan kami nirumanta wuassu Mesir, I'o tawe namalan mangitou mamanua su wanuan manga walahanna udde. Ne al᷊amonan kami nanganu lal᷊anna namal᷊iwutta wuṛṛu tawe namate walahannu Amon, Moab wuṛṛu Edom udde.

2 TAWARIKH 20:11

Orassa indi ete aroddi inolaannu manga walahanna udde si yami. I mangitou maapulu mallimbuakka si yami wuassu wanua apan nionggolu Mawu si yami.

HOSEA 8:3

arawe i mangitou maddiri manengkamma apa apan mapia. Ana waugu udde i mangitou sarun enggenannu seetti mangitou.