3 YOHANES 1:6 - WUKE SUSI WATTI'U AL᷊AL᷊USASSA

⁶ I mangitou suete namasingkatta su jamaatta apan pammanaranni ami su ola'u darangngunu udde. Tul᷊unga'a i mangitou tadea'u wotongnge maasassu amatanni mangitou wuṛṛu ringannu aroddi maal᷊uassa naungngu Ruata,

3 YOHANES 1:6 Referans Kwoze

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

TITUS 3:13

Pattinsahadde ringannu atonna-tonna massumbala si Zenas, mapapanden tita udde, wuṛṛu Apolos, tadea'u i mangitou wotongnge inai umamatta wuṛṛu tawe asueannu manga apa.

WATTI'U MANGA RASUL 15:3

Jamaatta su Antiokhia nanguntudi mangitou na'oman sara su liuddu soa, wua'udde i mangitou inaite nabatukku Fenesia wuṛṛu Samaria. Poiaroddi i mangitou nabbati'u ereapa manga taumata apan wal᷊ine Yahudi suete nanantillu watanganne su Ruata. Watti'a udde naal᷊uassa manga taumata mangngimanna isudde.

1 PETRUS 2:20

Ana waugu amungkangngu i yamiu masabare matataṛṛangu ṛuumanna apan ṛinone maṛṛia'a si yamiu ana waugu pasasal᷊a? Arawe amungkangu i yamiu ringannu sabare matataṛṛangnga asasusa apan naṛṛia'a si yamiu ana waugu na'ola'a apapia, ne Ruata sarun mangal᷊amatta si yamiu.

KOLOSE 1:10

Ringannu aroddi yamiu wotongnge mabbiakka tuttuṛṛuta apulun Duata, wuṛṛu sidutu malluassa naugnge, na'oman sara sulal᷊ummu al᷊awo'u inolaanna i yamiu wotongnge mamasilo manga inolaanna apan mapia. Wuṛṛu asingkati yamiu su ola'u Ruata sarun aatambanna lai.

FILIPI 4:14

Arawe i yamiu suete nantul᷊ungku sulal᷊ummu asasusa'u; wuṛṛu apa apan niola'i yamiu udde atonna wuṛṛu mapia.

2 KORINTUS 1:16

I ya'u lai pia ira-ira mattembo si yamiu sulal᷊ummu amatangku watukku Makedonia wuṛṛu umotongnga lai apia sulal᷊ummu amatangku mabelengnga, tadea'u i yamiu wotongnge massumbala si ya'u manassu amatangku watukku Yudea.

ROMA 15:24

Paṛṛangatte amungkangngu i ya'u sumabbi soa atatanaannu sulal᷊ummu amatangku watukku Spanyol, i ya'u mangantimma wotongnge maissomban kamiu wuṛṛu lumuassa tal᷊an kadio'a ringanni yamiu. Wua'udde i ya'u mangantimma yamiu wotongnge mallal᷊ima si ya'u su amatangku watukku Spanyol udde.

WATTI'U MANGA RASUL 21:5

Arawe napawe nasuete tempone i yami uatana'a isudde, i yami nanantangngi mangitou, wuṛṛu i yami nanassukku amatanni yami. I mangitou sarangkanambone ringannu anangnge wuṛṛu awingnge nanguntudi yami sara liuddu soa. Poiaroddi su winggin apanne, i yami sarangkanambone inumal᷊intuda see inumal᷊iomanna.

3 YOHANES 1:12

Anambon taumata maddalo si Demetrius. Ewe'e Ruata lai maddalo si tou. I yamiu lai maddalo si tou wuṛṛu tuṛṛangnga masingkatta manungku apa apan iwabbatti'i yami udde apangimananna.

WATTI'U MANGA RASUL 15:29

imbaṛṛangnga umanna anna apan suete pinassubba paal᷊uanna; imbaṛṛangnga ma'inumma ṛaṛṛa, imbaṛṛangnga uminassa ṛemessu winatangnga nate niattongnga, wuṛṛu paaraun inolaanna apan lal᷊eo. Amungkangngu i yamiu mangindaun watanganni yamiu wuassu manga inolaanna udde, i yamiu suete na'ola'a apapia. Na'omate isindi, tabea!”

YUNUS 4:4

Sasimbakku Mawu, “I'o tawe pinangiananne mabbal᷊i masa'u aroddi.”

PANDARIADDI 4:7

Amungkangngu i'o ma'ola'a apapia, i'o umamminna; o arawe amungkangngu i'o ma'ola'a al᷊al᷊eo, ne rosa uaṛṛadote sumutta sulal᷊ummu naungngu. Rosa sarun uataṛṛino wadangngu arawe i'o ṛinone mangindaun tou.”