2 TIMOTIUS 3:15 - WUKE SUSI WATTI'U AL᷊AL᷊USASSA

¹⁵ I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

2 TIMOTIUS 3:15 Referans Kwoze

LUKAS 24:45

Wua'udde Mawu Yesus nanualaga ṛingiṛṛanni mangitou ana see maasunna pandumannu Wuke Susi.

AMSAL 22:6

Aṛṛa'ete sangkatou ana'a sambau lal᷊annu pabbiaṛṛanna apan ṛinone si tou, ne maddatingngu i tou matimmade i tou sarun mabbiakka aroddi.

LUKAS 24:27

Wua'udde Mawu Yesus nanal᷊aate si mangitou apa apan uawoṛṛetta sulal᷊ummu Wuke Susi su ola'u wadang-Nge, manattakka wuassu wuke Musa wuṛṛu wuke manga nabi.

MATIUS 22:29

Mawu Yesus sinumimbakka, “I yamiu nial᷊iwune, ana waugu i yamiu tawe maasunna Wuke Susi, wuṛṛu taṛṛinon Ruata.

2 TIMOTIUS 1:5

I ya'u maanaungnga pangangimannu apan atonna-tonna si Kristus, ere lai pangangimanni iupungngu Lois wuṛṛu inangngu Eunike. Wuṛṛu i ya'u mangantimma i'o lai pia pangangimanna ereudde.

LUKAS 2:40

Ana'a udde aatambante ahewalle wuṛṛu atohanne. I Tou pande atonna wuṛṛu lembon arangnguannu Ruata.

DARALO 19:7

I Tou mammal᷊intaddu langitta wuassu pentakke saran pondole; taweddu naatal᷊angnga wuassu sal᷊ihamme.

ROMA 16:26

Arawe orassa indi, wuassu darolokku Ruata sassane, pandumanne udde buatte niapaal᷊iatta'a wuṛṛu niapasingkata su anambon walahanna ere suete niwoṛṛettu manga nabi, tadea'u i mangitou sarangkanambone mangngimanna wuṛṛu tumuṛṛutta Ruata.

ROMA 1:2

Watti'u Al᷊al᷊uassa udde buatte nipa'iren Duata su tempo rorone sulal᷊ummu manga nabi-Ne wuṛṛu nawoṛṛette sulal᷊ummu Wuke Susi.

WATTI'U MANGA RASUL 10:43

Anambo manga nabi mabatti'i Tou. I mangitou mabbisara manungku anambon taumata apan mangngimanna Mawu Yesus, sarun ampunganna rosane ringannu taṛṛino wuassu Ruata.”

LUKAS 24:32

Unni mangitou sangkatou ringannu waine, “Wal᷊inewe pendamanna naungngi ite ere ola'u sussarootta, su tempo i Tou uahahattong kite su tangngan dal᷊anna, wuṛṛu nanal᷊a'an lal᷊oṛṛon Buke Susi si ite?”

AMSAL 8:17

I ya'u u'akkanni mangitou apan mappulu'u; apan maddea'a si ya'u, sarun maasangkalla si ya'u.

DARALO 71:17

Oh Ruata, I'o mangangaṛa'a si ya'u ro'en i ya'u ta'e dario'a, naddatingngu orassa indi ta'u iwabbatti'a manara-Nu apan maatiangnga.

WATTI'U MANGA RASUL 17:2

Ne i Paulus inaite watukku wal᷊em pattataṛṛamawuanna udde – ere su anaramme amungkangngu pia wal᷊em pattataṛṛamawuannu taumatan Yahudi – see maṛṛingidda su sambau ringannu manga taumata isudde su ola'u tatialan Wuke Susi. I tou na'ola'a udde pa'atallu allon Sabatta ualal᷊intuṛṛutta.

1 SAMUEL 2:18

Tantal᷊anna udde, i Samuel apan ta'e al᷊aṛṛana'a udde sidutu mangngimbe Mawu. I tou ual᷊uṛṛen laubba al᷊aṛṛaene wuassu linen, naal᷊ihidda laubbu patataṛṛamawun manga imam.

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

WATTI'U MANGA RASUL 13:29

Wuṛṛu napawe i mangitou suete na'ola'a sarangkanambone apan uawoṛṛetta su Wuke Susi su ola'i Tou, i mangitou nallintukku winal᷊unan-Ne wuassu alu arussa, see niaddo su lal᷊abinganna.

2 TAWARIKH 34:3

Napawe 8 tonna i Yosia naola'a ratu, su uukka ta'e dario'a, i Yosia nanattakke mattaṛṛamawu Ruata apan sassubbanni Ratu Daud iupungnge. Appattu tonna wua'udde i tou nanattakke nanggohakku manga tampa passubbanna paal᷊uanna, manga paal᷊uannu Monganni Asyera, wuṛṛu manga paal᷊uanna waine.

2 PETRUS 3:16

Sulal᷊ummu anambon suranne, Paulus siddutu mammoṛṛetu ola'u hatto udde. Atonna pia manga pira hatto apan masahadda passunnanne sulal᷊ummu manga suratti tou udde. Wuṛṛu wageangnge udde iwabal᷊elongngu manga taumata apan waggan apa-apa wuṛṛu apan lome pangangimanne. Olangnge udde tawe maatiangnga, ana waugu manga wageangnge waine wuassu Wuke Susi a'olaanni mangitou aroddi lai. Apa apan a'olaanni mangitou udde tumba'u manongkaki mangitou sassane.

MANNANASE 12:1

Pannaungke Mandariaddinu tantal᷊anna i'o ta'e saṛṛentumuwo, tantal᷊anna taambe nia'omanna manga tonna napenen asasansara. Sutempo udde i'o sarun mabbiasara, “Pabbiaṛṛangku tawe al᷊al᷊uassa.”

LUKAS 1:15

I tou sarun maola'a taumata mapia su aellegu Mawu, wuṛṛu i tou tawe ma'inumma anggore ara'e inumanna ma'awu'anna. Ro'en inasungkangnge i tou aintaṛṛoanten Ghaṛṛahon Ruata.

TAHIUL᷊E 4:6

Ola'e ringannu atatuṛṛutta. Amungkangngu inolaanni yamiu aroddi, ne apapandenu lumiatta'a su manga walahanna waine. Napawe i mangitou maaringikka manga tita udde, i mangitou sarun mabbisara, “Asingkata wuṛṛu apandewe eteapa walahanna apan bahewalla udde!”

YOHANES 5:47

Arawe amungkangngu i yamiu tawe mangngimanna apa apan suete niwoṛṛetti Musa, ereapa i yamiu wotongnge mangngimanna apa apan iwabal᷊o-U si yamiu?”

WATTI'U MANGA RASUL 16:1

Paulus nanassute amatanne watukku Derbe, wua'udde watukku Listra. Isudde pia sangkatou mallal᷊aṛṛenggennu Mawu Yesus aranne i Timotius. Inangnge sangkatou Yahudi, apan mangngimante Mawu Yesus; arawe iamangnge taumatan Yunani.

WATTI'U MANGA RASUL 26:24

Tantal᷊anna i Paulus massinaukka, i Festus niumui, “I'o nabewate Paulus! Apapandenu apan manambo udde naawewate si'o!”

ROMA 2:27

Wuṛṛu manga taumata apan tawe nissunatta udde sarun mappaasal᷊an kamiu taumatan Yahudi, ana waugu i'o uatahuanna titan agama Yahudi wuṛṛu i'o nissunatta, arawe i'o lullawanna tita udde. I mangitou tawe nissunatta, arawe ete i mangitou apan tuttuṛṛutta titan agama Yahudi.

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

EFESUS 6:4

Manga tuṛṛangnga apan naola'a iamangnga! Imbaṛṛanga walate apulu ma'inolaanna al᷊aṛṛanangngu, ma'oman sara naungngi mangitou masa'u. Arawe paddul᷊ianete i mangitou ringannu mapia wuṛṛu ringannu al᷊aṛṛa'u Mawu.

1 TIMOTIUS 4:13

Tantal᷊anna udde, ma'oman sara i ya'u rumanta, i'o ṛinone paaṛṛimadda mabbasan Wuke Susi su saruannu manga taumata, wuṛṛu mannasa si mangitou wuṛṛu mangngaṛṛa'a si mangitou.

2 TIMOTIUS 1:1

Timotius, ana'u apan aranguanna! I ya'u Paulus, namoṛṛetu suratta indi si'o, wuṛṛu mangngantimma doronganna Ruata Iamangnga wuṛṛu Mawun kite Kristus Yesus mangonggolu al᷊amatta, darangngu wuṛṛu paddarame si'o. Wuassu apulun Duata, i ya'u nitenega naola'a rasulli Kristus Yesus wuṛṛu nirolokka mamasingkatu wiakka apan pina'iren Duata. Wiakka udde nisengkammi ite ana waugu i ite uaaukka ringanni Kristus Yesus.