2 TIMOTIUS 3:11 - WUKE SUSI WATTI'U AL᷊AL᷊USASSA

¹¹ I'o naasilote si ya'u sassansaranna wuṛṛu i ya'u uatataṛṛanga. I'o masingkatu anambon apan nariaddi si ya'u su Antiokhia, su Ikonium, wuṛṛu su Listra; wuṛṛu i'o masingkata lai anambon asasusa'u! Arawe Mawu nanal᷊amatta si ya'u wuassu sarangkanambone udde.

2 TIMOTIUS 3:11 Referans Kwoze

DARALO 34:19

Mawu maranin taumata naungnge mawawo; i Tou mannal᷊amatta taumata apan lome.

WATTI'U MANGA RASUL 13:45

Napawe manga taumatan Yahudi naasilo taumata manambo udde, i mangitou mannihikka ara'e maddengki atonna. I mangitou mangngal᷊uandaga si Paulus wuṛṛu mannompola anambon bisarane.

2 PETRUS 2:9

Nariaddi, Mawu masingkatta ereapa manal᷊amatta manga taumata tuttuṛṛuta apulu-Ne su tempo i mangitou uasaruanna manga wawono'a. Wuṛṛu Mawu masingkata ereapa manahipunna manga taumata lal᷊eo udde sansaranna su Allo Pamarikisanna,

2 TIMOTIUS 4:7

I ya'u suete nattalumma ringannu mapia-pia, wuṛṛu na'omate su akkitta panginsueanne. I ya'u sidutu tuttuṛṛuta Mawu Yesus saran pangudusanne.

WATTI'U MANGA RASUL 26:22

Arawe na'oman sara orassa indi ya'u mangke su lu'addu Ruata, na'oman sara lai ya'u wotongnge dirumarisikka isindi mangonggolu tiala'u su anambon taumata – timmade ara'e dario'a. Apa apan iwabatti'u indi tawe paddaṛṛalanne wuassu apa apan suete niapasingkattu manga nabi wuṛṛu i Musa;

WATTI'U MANGA RASUL 26:17

I Ya'u sarun mapaal᷊iunu wuassu walahannu Israel wuṛṛu wuassu walahanna waine apan wal᷊ine Yahudi. I Ya'u sarun mandolokku inai ringanni mangitou iapawu'a mata mangitou,

WATTI'U MANGA RASUL 23:10

Patatatiakka udde naola'a aroddi ahewalle na'oman sara piaṛṛangnge udde nata'utta, aṛṛengenne i Paulus ṛimpulananni mangitou. Nariaddi i tou nandolokku tantarane inai mangal᷊appa si Paulus wuassu pattangngannu manga taumata udde see niapidda su tampa mangitou.

WATTI'U MANGA RASUL 20:19

Ringannu awawawon dal᷊ummu naungnga wuṛṛu ringannu allo mata, i ya'u mammanara manara Mawu su pattangngannu asasusa apan niapendamangku ana waugu pandumma lal᷊eo wuassu taumatan Yahudi.

WATTI'U MANGA RASUL 13:14

Wuassu Perga i mangitou nanassukku amatanne watukku Antiokhia su Pisidia, wua'udde su allon Sabatta i mangitou inaite inuma'ianna sulal᷊ummu wal᷊em pattataṛṛamawuanna.

WATTI'U MANGA RASUL 9:16

Wuṛṛu i Ya'u sassane sarun mapaal᷊iatta'u anambon asasusa apan ṛinone apendamanni tou ana waugu i Ya'u.”

DANIEL 6:27

I ya'u mamarenta su anambon taumata apan uatana'a su wageangngu araratuangku tadea'u mata'utta wuṛṛu mangaddatta Ruata apan sassubbanni Daniel! I Tou uddewe Ruata apan wiakka saran mal᷊annu-l᷊annu, maddatingngu pangudusannu runia i Tou uaparenta. Araratuan-Ne tawe mariaddi mate. Taṛṛino-Ne mangke tawe masue.

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

DARALO 91:14

Unnu Mawu, “Taumata apan mandangngu si Ya'u sarun Ta'u iapasal᷊amatta, apan nanga'u si Ya'u sarun Ta'u lu'aranna.

DARALO 37:40

I Tou niumontola wuṛṛu nanal᷊amatta si mangitou, wuṛṛu namallossi mangitou wuassu taumata lal᷊eo, ana waugu i mangitou uasirungnga si Tou.

2 SAMUEL 22:49

I Tou nanal᷊amatta si ya'u wuassu manga see'u. Mawu, I'o nangonggollu si ya'u auntunganna su see'u, I'o nanirungnga si ya'u wuassu taumata apan maṛṛagissa.

2 SAMUEL 22:1

Napawe Mawu buatte nanal᷊amatta si Daud wuassu taṛṛinon Saul wuṛṛu wuassu al᷊awo'u seenne waine, i Daud nangantarin aantari indi su Mawu: [

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

WATTI'U MANGA RASUL 14:8

Su Listra pia sangkatou esakka leddane lome ro'en niariaddine, na'oman sara i tou tawe maamatta, ana waugu leddane tumaniten lome.

ROMA 15:31

Aal᷊iomante tadea'u Ruata mamallossu riri'u wuassu lima manga taumata apan tawe mangngimanna su Yudea, wuṛṛu tadea'u manara'u ipangapiddu sasumbala watukku Yerusalem itarimmatu al᷊aṛṛana'u Ruata ringannu naungnga mal᷊uassa poiaroddi.

2 KORINTUS 1:5

Manga asasusa apan niapendamanni Kristus manambote lai aapendamanni yami. Wuṛṛu lai sulal᷊ummi Kristus naungngi yami lembon natohassa.

2 KORINTUS 1:7

I yami sidutu mangngimanna wuṛṛu tawe humago'a su ola'i yamiu, ana waugu i yami masingkata manungku i yamiu lai suadio'a uatataṛṛanga ringanni yami. Wuṛṛu ana waugu udde i yamiu lai nitohassa suadio'a ringanni yami.

2 KORINTUS 12:10

Nariaddi ya'u lulluassa ringannu al᷊allome'u. I ya'u lai lulluassa amungkangngu ana waugu Kristus i ya'u nial᷊uandahanna, i ya'u naasomba asasusa, a'enggenanna, wuṛṛu i ya'u naapendama sahadda. Ana waugu amungkangngu i ya'u lome, su tempo udde i ya'u naola'a matohassa.