2 TIMOTIUS 2:9 - WUKE SUSI WATTI'U AL᷊AL᷊USASSA

⁹ Ana waugu mabatti'u Watti'u Al᷊al᷊uassa udde, i ya'u natataṛṛangnga; ewe'e lai na'oman sara niṛṛapussa ere sangkatou taumata lal᷊eo. Arawe wisaran Duata tawe iaṛṛapussa.

2 TIMOTIUS 2:9 Referans Kwoze

FILIPI 1:7

Atonna su tampane i ya'u pia apendamma ereudde su saruanni yamiu, ana waugu i yamiu sarangkanambone sidutu marani su naungku. Ana waugu i yamiu lai suadio'a ringangku, nanengkamma al᷊amatta apan nionggolu Ruata si ya'u: mapia orassa indi tantal᷊anna i ya'u sulal᷊ummu tuttupanna ara'e lai su tempo i ya'u su liudde ana waugu mangngesakku Watti'u Al᷊al᷊uassa udde.

WATTI'U MANGA RASUL 28:31

Wuṛṛu ringannu waṛṛani tou mabatti'a si mangitou su ola'u ereapa Ruata mamarenta ere sangkatou Ratu wuṛṛu su ola'u Mawu Yesus Kristus. I Paulus nabbatti'u udde ringannu tawe gal᷊ahene wuṛṛu tawe mangngangul᷊a'ukke.

2 TIMOTIUS 1:8

Ana waugu udde arie masili mangonggolu tatiala su ola'u Mawun kite, wuṛṛu arie lai masili su ola'u riri'u, apan niṛṛuumanna ana waugu i Tou. Arawe ṛinone i'o ringannu atatohassa wuassu Ruata, sidutu sulal᷊ummu asasusa lai ana waugu Watti'u Al᷊al᷊uassa udde.

KOLOSE 4:3

I yami lai aal᷊iomana'a tadea'u Ruata mangoggolu allo mapia si yami manal᷊iawukku watti'a su ola'a addapingingi Kristus. Ana waugu olangnge udde ne i ya'u orassa indi uatana'a sulal᷊ummu tuttupanna.

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

1 PETRUS 4:15

Arie pia sangkatou wuassu wallatti yamiu uatutaṛṛangnga ana waugu i tou taṛṛa pate, ara'e taṛṛa ta'o, ara'e taumata lal᷊eo, ara'e ana waugu i tou ual᷊alo'a hatton taumata waine.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

2 TESALONIKA 3:1

Panginsueanne, Manga tuṛṛangnga, aal᷊iomana'awe i yami. Aal᷊iomante tadea'u watti'a wuassu Mawu wotongnge siddutu massal᷊iawukka ringannu mal᷊ihakka wuṛṛu sengkamanna ringannu mapia, ere lai suete nariaddi si yamiu dorone.

KOLOSE 4:18

Tabea wuassia'u, Paulus. I ya'u sassane apan namoṛṛetu addoanne indi. Arie paabul᷊iane manungku i ya'u ta'e sulal᷊ummu tuttupanna! Doronganna Mawu mangal᷊amatta si yamiu. Tabea wuassi yami, Paulus

EFESUS 3:1

Ana waugu udde i ya'u Paulus, nitaṛṛo su tuttupanna ana waugu Kristus Yesus maola'a hunan kamiu taumata wal᷊ine Yahudi.

WATTI'U MANGA RASUL 9:16

Wuṛṛu i Ya'u sassane sarun mapaal᷊iatta'u anambon asasusa apan ṛinone apendamanni tou ana waugu i Ya'u.”

1 PETRUS 3:16

Arawe olaawe udde ringannu masaṛṛionto'a wuṛṛu aaddata. Wuṛṛu ṛinone lal᷊ummu naungngu waresi, tadea'u amungkangu i yamiu al᷊uandahanna ana waugu i yamiu mabbiakka ringannu mapia ere tumatantalongngi Kristus, ne taumata apan mangngal᷊uandaga udde sarun masili sassane.

1 PETRUS 2:14

aroddi lai su gubernure apan nitebo'u Kaisar iapaṛṛuumannu taumata apan ma'ola'a al᷊al᷊eo wuṛṛu mangngaddatta taumata apan ma'ola'a apapia.

2 TIMOTIUS 1:16

Arawe lal᷊oṛṛon bal᷊en Onesiforus masokkate malluassa naungku. Doronganna Mawu mapaal᷊iatta'u darangngu-Ne si mangitou. Salaiwe i ya'u sulal᷊ummu tuttupanna, Onesiforus tawe masilin inolaangku udde.

LUKAS 23:32

Pia lai ruang katou waine – itarua taumata lal᷊eo – apan niapiddi mangitou iṛṛuumanna lai sara mate su sampunna ringannu Mawu Yesus.

WATTI'U MANGA RASUL 21:33

Piaṛṛangnge udde inaite ringanni Paulus see nanametta si tou, wuṛṛu nandolokku taumata niapaṛṛapussa si tou. Wua'udde piaṛṛangnge naiwal᷊o su ola'u isai i Paulus wuṛṛu apa apan suete niolangnge.

FILIPI 1:17

Arawe taumata waine mabatti'i Kristus ringannu pandumma lal᷊eo; i mangitou mabatti'a hunane su wadangi mangitou sassane. Ringannu udde i mangitou mangngantima wotongnge mapaasusa'u sulal᷊ummu ṛuumanna.

1 TESALONIKA 1:8

Ana waugu nanattakka wuassi yamiu, watti'a su ola'u Mawu suete niapaasingkata na'oman sara watukku Makedonia wuṛṛu Akhaya. Wuṛṛu wal᷊ine tumba'u udde lai; arawe watti'a su ola'u ereapa i yamiu nangimanna Ruata na'omate su al᷊awo'u tampa, na'oman sara i yami lasa'e lai maggahaton al᷊awo'u hatto si yamiu.

2 TIMOTIUS 2:3

I'o ṛinone sarun matataṛṛangnga lai ere tantaran Kristus Yesus apan matuṛṛutta.