2 TIMOTIUS 2:24 - WUKE SUSI WATTI'U AL᷊AL᷊USASSA

²⁴ Taumata apan mammanara manaran Mawu tawe ṛinone mattatiakka; i tou ṛinone masaṛṛionto'a su anambon taumata, wuṛṛu wotongnge mangaṛṛa'a taumata ringannu mapia wuṛṛu masabare.

2 TIMOTIUS 2:24 Referans Kwoze

TITUS 3:2

Wal᷊oa'a si mangitou tadea'u tawe mangal᷊uandaga ara'e matatiakku manga taumata, ewe'e mabbiakka masaṛṛionto'a. Ṛinone i mangitou sidutu masambiolo su saruannu anambon taumata.

TITUS 1:7

Mallal᷊u'ada jamaatta udde taumata apan mangngatokku manaran Duata, tawe wotongnge i tou pia pasasal᷊ane. Tawe wotongnge mawunga ara'e taṛṛa wul᷊o, ara'e taṛṛa wu'anna, ara'e taṛṛa wawul᷊o ara'e wal᷊iun doitta.

1 TESALONIKA 2:7

Arawe i yami masaṛṛionto'a su tempo i yami uatana'a su wallatti yamiu, ere sangkatou inangnga uapaddul᷊i al᷊aṛṛanangnge.

1 TIMOTIUS 6:11

Arawe ete i'o taumata tatahuanannu Ruata, nariaddi i'o ṛinone mangindaun sarangkanambone udde. Padea'a maola'a taumata mapia su aellegu Ruata, apan mattaṛṛamawu Ruata, mangngimanna si Kristus, mandangngu sansul᷊unge, masabare sulal᷊ummu asasusa, wuṛṛu masaṛṛionto'a.

KOLOSE 3:13

I yamiu ṛinone masabare sangkatou ringannu waine, wuṛṛu maapulu mangampunga sangkatou ringannu waine. Mawu ringannu naungnga mal᷊uassa mangampunga si yamiu, nariaddi yamiu lai ṛinone mangampunga sangkatou ringannu waine.

FILIPI 2:14

Manarate al᷊awo'u manara ringannu tawe sumungkuta ara'e matatiakka.

FILIPI 2:3

Arie ma'ola'a sambau inolaanna hunane su watangannu sassane, ara'e ipamarabunga. Arawe ṛinone i yamiu sangkatou-sangkatou ringannu masaṛṛionto'a ma'ellega taumata waine mappianne wuassu watangannu sassane.

EFESUS 4:2

Ṛinone naungngi yamiu sidutu mawawo, masaṛṛionto'a, wuṛṛu masabare. Paasiloa'a darangngunu ringannu uatatul᷊ungnga sangkatou ringannu waine.

1 PETRUS 3:8

Panginsueanne eteudde: Ṛinone manga tuṛṛangnga uasampinunutanna wuṛṛu su apendama sambau. Ṛinone i yamiu uararangngu ere sangkatuṛṛanganna. Wuṛṛu ṛinone i yamiu uaa'akkana, wuṛṛu uasasaṛṛionto'a.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

TITUS 1:9

I tou ṛinone uaaggasa atonna al᷊aṛṛa'a apan wotongnge apangimananna, ere lai suete niaṛṛa'a si tou. Ringannu aroddi i tou wotongnge manantiro taumata ringannu al᷊aṛṛa'a su ṛinone, wuṛṛu mapaal᷊iatta'u pasasal᷊a manga taumata apan lullawangnga si Tou.

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

WATTI'U MANGA RASUL 7:26

Tiṛṛabbine i tou naasilo lai ruang katou taumatan Israel uawawul᷊o, see i tou nallaassa wuṛṛu nandame mangitou. I tou nabbisara, ‘I yamiu indi sangkatuṛṛangnga, anio i yamiu uawawul᷊o?’

MATIUS 12:19

I Tou sarun tawe matatiakka ara'e mangngintul᷊i, ara'e mabbisara su manga lal᷊anna.

YAKOBUS 4:2

I yamiu maapulu, arawe tawe maasomba, ne i yamiu maapulute mamate. I yamiu maṛṛimada arawe tawe maasomba apa raddeaanni yamiu, ne yamiu matatiakke wuṛṛu mabawul᷊ote. I yamiu tawe maasomba apa-apa ana waugu tawe maddorongnga su Ruata.

YAKOBUS 1:1

Manga tuṛṛangnga al᷊aṛṛana'u Ruata sarangkanambone apan uasal᷊iawukka su ahewallu runia! Tabea wuassi ya'u, Yakobus, allangngu Ruata wuṛṛu allangngi Yesus Kristus.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

YUDAS 1:3

Manga tuṛṛangnga apan arangnguanna! I ya'u atonna-tonna pia pandumanna mamoṛṛettu suratta si yamiu su ola'u asasal᷊amatta apan suete niapendamanni ite suaddio'a. Arawe orassa indi ya'u pia pandumma mangaṛṛa'a si yamiu ringannu suratta indi tadea'u i yamiu siddutu mammanara maddea'a pangangimanna apan paassate nionggolu Ruata ma'oman sara mal᷊annu-l᷊annu su al᷊aṛṛanang-Nge.

WATTI'U MANGA RASUL 23:9

Ne nariaddite hio wahewa. Manga pira taumatan Farisi apan naola'a hurun agama dirumarisikka wuṛṛu nanompolla. I mangitou nabbisara, “Tumuṛṛutta si yami, taumata indi tawe sal᷊ane saran adio'a! Asinungka pia ghaṛṛaho ara'e mala'ekatta apan mabbisara si tou!”

DANIEL 6:20

Sutempo wawallo ratu napu'ote wuṛṛu inaite ringannu nasasaṛṛawutta watukku liangngu singa.

TITUS 1:1

Ana'u Titus! I ya'u, Paulus, namoṛṛetu suratta indi ere ola'u sangkatou allangngu Ruata wuṛṛu rasulli Yesus Kristus. I ya'u nipile wuṛṛu nirolokka mantul᷊ungu manga taumata apan nipilen Duata tadea'u maola'a matohassa sulal᷊ummu pangangimanni mangitou. I ya'u lai ṛinone mangehetta si mangitou tadea'u maasingkattu al᷊aṛṛa'a apan naṛṛino niaṛṛa'u agaman kite.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

2 KORINTUS 10:4

Manga ahidda apan ipappaatti yami sulal᷊ummu manaran kami wal᷊inewe ahidda wuassu runia indi, arawe ahidda wuassu Ruata uataṛṛino. Ringannu manga ahidda udde i yami maṛṛimunsa'a manga tampa mangitou; i yami manniko'u manga patatatiakka

WATTI'U MANGA RASUL 15:2

I Paulus wuṛṛu i Barnabas mangke mannompola addapattu manga taumata udde. Panginsueanne tinantunna tadea'u i Paulus wuṛṛu i Barnabas wuṛṛu manga pira taumata waine wuassu Antiokhia inai watukku Yerusalem suadio'a ringannu manga rasul wuṛṛu manga piaṛṛangnge poiaroddi.

2 TAWARIKH 24:6

Ana waugu udde i tou namago si Imam Yoyada, piaṛṛa'i mangitou, ana see nabbisara, “Wal᷊inewe i Musa allangngu Mawu buatte nandolokku tumanangnge iapawaekka wose tadea'u ipangapia Rasannu Mawu? Orassa indi, anio manga taumatan Lewi udde tawe iwata'i papa iapaammulu wose wuassu tumana'u Yehuda wuṛṛu Yerusalem?” (

TAHIUL᷊E 34:5

Ana see i Musa natete allangngu Mawu udde su leta'u Moab, ere buatte niwisaran Mawu paarorone.

YOHANES 6:52

Naaringikka udde, manga taumatan Yahudi uatatiakke sangkatou ringannu waine. “Ereapa taumata indi wotongnge mangonggolu ṛemessi Tou si ite iapaanna?” unni mangitou.

YOSUA 1:1

Napawe i Musa natete, allangngu Mawu udde, Mawu nabbisara su tepelli Musa eteudde Yosua ana'i Nun.

2 KORINTUS 6:4

Arawe sulal᷊ummu al᷊awo'u inolaanna i yami mapaal᷊iatta'a manungku ete i yami allangngu Ruata. Ana waugu al᷊awo'u hatin asasusa buatte niapendamanni yami ringannu sabare;