2 TIMOTIUS 2:15 - WUKE SUSI WATTI'U AL᷊AL᷊USASSA

¹⁵ Ṛinone i'o mammanara atonna-tonna tadea'u i'o a'uannu Ruata mola'a sangkatou taumata apan wotongnge mangimbe si Tou. Pappandumpe tadea'u i'o tawe masili su ola'u manaranu, ewe'e mangngaṛṛa'u al᷊aṛṛa'a apan su ṛinone wuassu Ruata.

2 TIMOTIUS 2:15 Referans Kwoze

1 TESALONIKA 2:4

Tawe! I yami tawe nabbisara see ipalluassa naungngu taumata, ewe'e ipalluassa naungngu Ruata, apan mannal᷊u'atta naungngi yami. Ana waugu i yami aellehannu Ruata wotongnge manal᷊iawukku Watti'u Al᷊al᷊uassa udde.

2 PETRUS 1:10

Ana waugu udde, manga tuṛṛangnga, pattinsahade lembon maṛṛimadda tadea'u bawago Duata wuṛṛu pamamile-Ne su ririnu udde maola'a lembon matohassa. Amungkangu i yamiu ma'ola'a udde, i yamiu tawe sumoṛṛotta wuassu pangangimannu.

1 TIMOTIUS 4:6

Amungkangu i'o mangaṛṛa'u sarangkanambone udde su manga tuṛṛanga su pangangimanna sambau, i'o sarun maola'a mamamanaran Kristus Yesus apan mammanara ringannu mapia. Wuṛṛu i'o sidutu mappadul᷊i niawanu ringannu wisaran Duata apan pangngimananni ite, wuṛṛu ringannu manga al᷊aṛṛa'a apan atonna apan suete nipangimanannu al᷊annunete indi.

2 KORINTUS 10:18

Ana waugu taumata apan raddaloanna eteudde taumata apan raddaloannu Mawu, wal᷊ine taumata maddalo watanganne sassane.

2 KORINTUS 5:9

Ana waugu udde yami sidutu madea'a atonna-tonna ipalluassa naung-Nge, mawae tantal᷊anna i yami ta'e uatana'a su wal᷊en kami isindi, ara'e poiaroddi.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

GALATIA 1:10

Apa ringannu olangnge udde pendamanna ere i ya'u mangngantima a'uannu taumata? Atonna-tonna tawe! I ya'u tumba'u mangngantima panga'uanna wuassu Ruata. Apa i ya'u sidutu mattinsahadda mammol᷊engnga naungngu taumata tadea'u i ya'u maal᷊uassa taumata? Amungkangngu inolaangku sidutu aroddi, ya'u wal᷊inewe allangngi Kristus.

2 PETRUS 1:15

Ne i ya'u sarun mattinsahada tadea'u napawe i ya'u natete lai, yamiu siddutu mannaungnga apia manga inolaanna indi.

EFESUS 1:13

I yamiu lai buatte naola'a al᷊aṛṛana'u Ruata su tempo i yamiu naaringikka tanatan Duata, eteudde Watti'u Al᷊al᷊uassa apan nangonggolu asasal᷊amatta si yamiu. I yamiu mangngimanna Mawu Yesus Kristus, ana waugu udde Ruata nangonggolu tatiala pussa'a-Ne si yamiu, eteudde Ghaṛṛaho-Ne apan buatte pina'ire-Ne.

1 TESALONIKA 5:14

I yami maddoronga lai, manga tuṛṛangnga, taggue ringannu paddarame taumata apan maddiri mammanara; tohassa naungngu taumata apan matta'utta; tul᷊unga'a taumata apan wotongnge iatul᷊unga, wuṛṛu paasabare su saruannu awadaalla.

2 KORINTUS 3:6

Ete i Tou apan na'ola'a si yami mappammanara su sambau paaire apan wakku; paaire apan uaantimma Ghaṛṛahon Duata, wal᷊ine su tita apan uawoṛṛetta. Ana waugu apan uawoṛṛetta udde mangngapiddu papate, arawe Ghaṛṛahon Ruata udde mangngonggolu wiakka.

ROMA 14:18

Taumata apan mangngimbe Kristus olangnge aroddi, taumata udde maal᷊uassa naungngu Ruata, wuṛṛu aadatannu taumata waine.

IBRANI 4:11

Ana waugu udde, wette i ite maddea'a ringannu atonna-tonna ana see maasengkamma allom pangangillol᷊oanna apan suete nipa'iren Ruata udde. Arie pia sangkatou wuassi ite tawe maasomba ere i mangitou rorone, ana waugu tawe mangngimanna Ruata.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

1 KORINTUS 2:6

Salaiwe aroddi, su wallattu manga taumata apan wiakku pangangimanne nal᷊inte, atonna, i ya'u nabbisara su ola'u apapande. Arawe apapande indi wal᷊inewe apapanden runia, ara'e apapande manga tembonanne tempo indi, apan taṛṛinone sarun mawul᷊i.

WATTI'U MANGA RASUL 2:22

Manga tuṛṛangnga taumatan Israel! Padaringikka wisara'u indi: Mawu Yesus taumata Nazaret udde suete nionggol᷊annu Ruata manara hunang kamiu. Udde natualaga su manga al᷊aṛṛindu'a wuṛṛu inolaanna apan wahewalla apan niola'u Ruata su pattangngani yamiu sulal᷊ummu Mawu Yesus udde. Sarangkanambone udde tuṛṛangnga sassane masingkatta.

WATTI'U MANGA RASUL 20:27

Tawe saran paassa i ya'u tinumal᷊angnga wuassu manara'u mannal᷊a'a si yamiu anambon pandumannu Ruata.

MATIUS 13:52

See Mawu Yesus nabbisara, “Ana waugu udde manga hurun agama apan suete naola'a lal᷊oṛṛon araratuannu Ruata, udde ere sangkatou tatahuannu wal᷊e apan mappasabangngu darotongnge wakku wuṛṛu tabbe, wuassu pangadoanne.”

ROMA 16:10

Tabea'u si Apeles. Tatuṛṛunne si Kristus niatialante. Tabea lai su lal᷊oṛṛon bal᷊e Aristobulus,

LUKAS 12:42

Mawu Yesus sinumimbakka, “Isai mangangimbe apan matuṛṛutta wuṛṛu pande ma'oman sara pileannu mawune maola'a tembonannu mangangimbe waine tadea'u i tou mappaanni mangitou su tempone?

MARKUS 4:33

Aroddi Mawu Yesus mangngaṛṛa'a taumata ringannu mappaattu sasumandingnga ereudde, tadea'u i mangitou wotongnge maasunna.

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.