2 TIMOTIUS 1:14 - WUKE SUSI WATTI'U AL᷊AL᷊USASSA

¹⁴ Ringannu sumbala wuassu Ghaṛṛahon Duata apan wiakka sulal᷊ummu waddangi ite, ṛinone i'o uariaga ringannu mapia-pia manga inolaanna maaregga apan suete tinantilla si'o.

2 TIMOTIUS 1:14 Referans Kwoze

YOHANES 14:17

I Tou udde Ghaṛṛahon Ruata apan sarun mapaal᷊iatta'u atatul᷊iddu Ruata. Runia maddirin Tou, ana waugu tawe maasilo wuṛṛu tawe maaillal᷊a si Tou. Arawe i yamiu ma'aillal᷊a si Tou, ana waugu i Tou uatana'a su sambau ringanni yamiu wuṛṛu uaaukka ringanni yamiu.

ROMA 8:13

Amungkangngu i yamiu mabbiakka tuttuṛṛutta apulun taumata, i yamiu sarun mate; arawe amungkangngu ringannu taṛṛinon Ghaṛṛahon Duata, i yamiu lapiddu mamallossu manga pallal᷊agunu apan marosa, ne i yamiu sarun mabbiakka.

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

1 KORINTUS 3:16

Masingkatawe tuṛṛangnga manungku eteudde i yamiu Wal᷊en Duata? Wuṛṛu manungku Ghaṛṛahon Duata uatana'a sulal᷊ummi yamiu?

ROMA 8:9

Arawe i yamiu tawe mabbiakka tuttuṛṛutta apulun taumata. I yamiu mabbiakka tuttuṛṛutta Ghaṛṛahon Duata – amungkangngu atonna-tonna Ghaṛṛahon Duata uaparenta sulal᷊ummu watanganni yamiu. Taumata apan tawe uatahuanna Ghaṛṛahon Kristus, taumata udde wal᷊ine tatahuananni Kristus.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

1 TESALONIKA 5:19

Arie manaṛṛangnga Ghaṛṛahon Duata.

2 TIMOTIUS 2:2

Al᷊aṛṛa'a paarorone suete niaringiṛṛanu wuassia'u su saruannu awadaalla, ṛinone itantillu su manga taumata apan wotongnge apangimananna wuṛṛu pande mangaṛṛa'a taumata waine.

1 TIMOTIUS 1:11

Al᷊aṛṛa'a udde niasombanganna sulal᷊ummu Watti'u Al᷊al᷊uassa apan pananal᷊iawukke tinantilla si ya'u, eteudde Watti'u Al᷊al᷊uassa wuassu Ruata apan mawantuga wuṛṛu ṛinone raloanna.

EFESUS 5:18

Imbaṛṛangnga i yamiu iwu'annu anggore, ana waugu udde maal᷊al᷊eo si yamiu. Arawe ṛinone i yamiu intaṛṛoannu Ghaṛṛahon Duata.

EFESUS 2:22

Ana waugu mabbiakka uaaukka ringanni Kristus, i yamiu lai tantal᷊anna iapararisikka su sambau ringannu manga taumata waine maola'a sambau Wal᷊en Duata; isudde Ruata uatana'a ringannu Ghaṛṛaho-Ne.

1 KORINTUS 9:17

Unnu wisara i ya'u mappaamattu manara udde wuassu apulu'u sassane, ne i ya'u wotongnge mangantima lal᷊antake. Arawe i ya'u mamasingkattu Watti'u Al᷊al᷊uassa udde ana waugu udde manara'u. I ya'u nirolokku Ruata iapa'ola'a manara udde.

KOLOSE 4:11

Tabea lai wuassi Yesus apan aranne lai isassago Yustus. Wuassu manga taumatan Yahudi apan nangimante Mawu Yesus, tumba'u i mangitoun tallu apan orassa indi mammanara suadio'a ringangku mappaamattu manaran Duata. I mangitou atonna-tonna mantul᷊ungku.

GALATIA 2:7

Arawe manga taumata apan aellehanna piaṛṛange udde mangnga'u manungku Ruata buatte napamanara'u mamasingkatu Watti'u Al᷊al᷊uassa su taumata wal᷊ine Yahudi, ere lai i Tou buatte napamanaram Petrus namasingkatu Watti'u Al᷊al᷊uassa udde su taumatan Yahudi.

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

1 KORINTUS 6:19

I yamiu ṛinone masingkata manungku eteudde wadangngu atatanaannu Ghaṛṛahon Duata. Ghaṛṛaho udde uatana'a sulal᷊ummi yamiu. Wuṛṛu Ghaṛṛahon Duata sassane apan nangonggolu Ghaṛṛaho udde si yamiu. Wadangngu wal᷊inewe pussaanu. Udde pussa'an Duata.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

ROMA 3:2

Natantunna manambo auntunganne! Paarorone, ana waugu ete su taumatan Yahudi Ruata nanantillu manga wisaran Duata.

LUKAS 16:11

Nariaddi, amungkangngu su ola'u darotongngu runia indi yamiu tate apangimananna, isai maapulu mangngimanna si yamiu su darotongngu ṛimuudda?