2 TESALONIKA 3:1 - WUKE SUSI WATTI'U AL᷊AL᷊USASSA

¹ Panginsueanne, Manga tuṛṛangnga, aal᷊iomana'awe i yami. Aal᷊iomante tadea'u watti'a wuassu Mawu wotongnge siddutu massal᷊iawukka ringannu mal᷊ihakka wuṛṛu sengkamanna ringannu mapia, ere lai suete nariaddi si yamiu dorone.

2 TESALONIKA 3:1 Referans Kwoze

1 TESALONIKA 5:25

Al᷊iomana'a i yami, manga tuṛṛangnga!

KOLOSE 4:3

I yami lai aal᷊iomana'a tadea'u Ruata mangoggolu allo mapia si yami manal᷊iawukku watti'a su ola'a addapingingi Kristus. Ana waugu olangnge udde ne i ya'u orassa indi uatana'a sulal᷊ummu tuttupanna.

1 KORINTUS 16:9

Manambo allo'u isindi ipammanara manara apan pia gunane, salaiwe manambo lai taumata mannal᷊are.

1 TESALONIKA 1:8

Ana waugu nanattakka wuassi yamiu, watti'a su ola'u Mawu suete niapaasingkata na'oman sara watukku Makedonia wuṛṛu Akhaya. Wuṛṛu wal᷊ine tumba'u udde lai; arawe watti'a su ola'u ereapa i yamiu nangimanna Ruata na'omate su al᷊awo'u tampa, na'oman sara i yami lasa'e lai maggahaton al᷊awo'u hatto si yamiu.

WATTI'U MANGA RASUL 19:20

Ete aroddi, ringannu saṛṛene apan wahewalla udde wisara Mawu mangke inasingkatanna wuṛṛu a'atambanna taumata apan mangngimanna.

1 TESALONIKA 5:17

wuṛṛu sidutu u'al᷊iomanna.

WATTI'U MANGA RASUL 12:24

Ne wisaran Ruata mangke inaringiṛṛannu taumata nambo wuṛṛu lembo matohassa.

2 TIMOTIUS 2:9

Ana waugu mabatti'u Watti'u Al᷊al᷊uassa udde, i ya'u natataṛṛangnga; ewe'e lai na'oman sara niṛṛapussa ere sangkatou taumata lal᷊eo. Arawe wisaran Duata tawe iaṛṛapussa.

1 TESALONIKA 4:1

Panginsueanne manga tuṛṛangnga, i yami suete nanul᷊ada si yamiu su ola'u ereapa i yamiu ṛinone mabbiakka malluassa naungngu Ruata. Atonna i yamiu suete nabbiakka ereudde. Arawe orassa indi sulal᷊ummu taṛṛinon Mawu Yesus, i yami sumal᷊ande si yamiu wuṛṛu mamata'i yamiu tadea'u i yamiu lembon maddea'a lai olangnge udde!

1 TESALONIKA 2:13

Pia lai sambau hatto waine apan naaola'a si yami sidutu maadiangkamanna su Ruata. Hatto udde eteudde, manungku su tempo i yami mammasingkatu watti'u Ruata si yamiu, i yamiu naddaringikka wuṛṛu nanengkamma watti'a udde wal᷊ine ere watti'a wuassu taumata, arawe watti'a apan atonna-tonna wuassu Ruata. Ete i Tou apan mammanara sulal᷊ummu watangannu apan mangngimanna si Kristus.

1 TESALONIKA 2:1

Manga tuṛṛangnga! I yamiu sassane masingkata manungku patatembong kami si yamiu pia gunane.

1 TESALONIKA 1:5

Ana waugu i yami namasingkatu Watti'u Al᷊al᷊uassa si yamiu wal᷊ine tumba'u ringannu wisara, arawe lai ringannu taṛṛino wuṛṛu Ghaṛṛahon Duata. Wuṛṛu i yami mangngimanna atonna atatul᷊iddu Watti'u Al᷊al᷊uassa udde. I yamiu masingkata ereapa i yami mabbiakka ana waugu i yamiu su tempo i yami uatana'a su pattanganni yamiu.

2 KORINTUS 1:11

I yami mangngimanna manungku ringannu manga aal᷊iomannu hunan kami, Ruata sarun manal᷊amatta si yami lai wuassu papate. Ruata mangonggolu al᷊amatta si yami maola'a sambau sasimbakku anambon aal᷊iomanni yamiu si yami wuṛṛu ana waugu udde, manambo taumata maadiangkamanna su Ruata.

ROMA 15:30

Ringannu arannu Mawun kite Yesus Kristus, wuṛṛu ringannu darangngu apan nionggolu Ghaṛṛahon Duata, i ya'u sumal᷊ande si yamiu, doronganna i yamiu suadio'a u'al᷊iomanna su Ruata hunan manara'u.

WATTI'U MANGA RASUL 6:7

Aroddite watti'u Ruata mangke nassal᷊iawukka wuṛṛu manga mallal᷊aṛṛenggennu Mawu Yesus su Yerusalem lembon a'atambanna anambone. Wuṛṛu manambo lai manga imam apan nangngimanna Mawu Yesus.

MATIUS 9:38

Ana waugu udde paddorongke su tatahuannu wailla udde tadea'u mandolokku mangangitingnga iapa'itingnga.”

DARALO 138:2

I Ya'u umal᷊intudda uasaruanna Wal᷊en-Nu apan susi lapiddu maddalo aran-Nu, ana waugu I'o maakkanna wuṛṛu sidutu marangngu. I'o lembon manuungngu paaire-Nu wuassu addapattu taumata su ola'u watangan-Nu.

LUKAS 10:2

“Wuane apan itinganna manambo,” unnu Mawu Yesus si mangitou. “arawe mangangitingnge matul᷊ungnga. Ana waugu udde padorongke su tatahuannu wailla tadea'u i tou mandolokku taumata mangitingnga wuan sinuananne.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.