2 TESALONIKA 2:2 - WUKE SUSI WATTI'U AL᷊AL᷊USASSA

² Arie mal᷊iha-l᷊ihakka umal᷊ingu ara'e umambul᷊isada ana waugu watti'a manungku nia'omante allone Mawu Yesus rumanta apia. Asinungka watti'a udde darantane wuassu sambau watti'u nabi, ara'e wuassu sambau al᷊aṛṛa'a; ara'e wotongnge mariaddi piaddu nabbisara manungku i yami suete namoṛṛeta aroddi sulal᷊ummu sambau suratti yami.

2 TESALONIKA 2:2 Referans Kwoze

MARKUS 13:7

Amungkangngu i yamiu maaringikka manga tingikku pangalo wuṛṛu manga watti'u pasaseetta, arie pa'ata'utta. Sarangkanambone udde sarun mariaddi, arawe sarangkanambone udde tawe papasingkatta manungku temponete kiamatta.

2 TESALONIKA 3:17

Tabea wuassi ya'u, Paulus. I ya'u sassane namoṛṛetu wageangnge indi. Ete indi tiala apan ta'u niwoṛṛeta sulal᷊ummu anambon suratta niwoṛṛe'u.

LUKAS 21:9

Arie lai yamiu matta'utta napawe maaringikka watti'a su ola'u pangalo wuṛṛu pasaseetta. Sarangkanambone udde ṛinone mariaddi paarorone. Arawe udde tawe manungku nia'omante tempone kiamatta.”

1 TESALONIKA 4:15

Tumuṛṛuttu olangnge udde, indete al᷊aṛṛa'u Mawu apan iapaassingkati ami si yamiu; Su tempo Mawu Yesus rumanta, i ite apan ta'e wiakka, tawe malliu ṛoro manga taumata apan natete dorone.

1 KORINTUS 1:8

Kristus sassane sarun mandiaga si yamiu ma'oman sara pangudusanne; tadea'u su tempo i Tou rumanta apia, i yamiu aratinganna tawe sangkule.

YOHANES 14:1

“Arie naungngu suminggawangnga,” wisara Mawu Yesus si mangitou. “Pangimante Ruata, wuṛṛu pangimante si Ya'u lai.

LUKAS 21:19

Amungkangngu i yamiu mataṛṛangnga wuṛṛu masabare i yamiu masal᷊amatta.”

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

MIKHA 2:11

I yamiu mappandumma nabi apan apulune mammahia wuṛṛu mallinga see mammasingkatta manungku i yamiu sarun maatahuanna anggore wuṛṛu ua'e apan maawu'anna nilumambalanna.”

YESAYA 7:2

Napawe ratun Yehuda naaringikka manungku tantaran Siria sinumuttate su wageangngu Israel narambauten Israel, i tou wuṛṛu pabbawalage mangke matta'utta, na'oman sara i mangitou mangngiladda naal᷊ihidda punnu alu apan ia'io'u anginna.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

1 TESALONIKA 3:3

Ringannu aroddi tawe saran sangkatou wuassi yamiu apan sumoṛṛota ana waugu asasusan kite indi. I yamiu sassane masingkata manungku manga asasusa udde nasutta sulal᷊ummu pandumannu Ruata si ite.

EFESUS 5:6

Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

YESAYA 26:3

Mawu, I'o nangonggollu paddarame wuṛṛu lal᷊umanna'a su taumata apan naungnge matammudda, ana waugu i tou mangngimanna Si'o.

2 TESALONIKA 2:15

Ana waugu udde, Manga tuṛṛangnga, darisikke paatohassa wuṛṛu pangagasse sidutu su manga al᷊aṛṛa'a apan suete nionggoli yami si yamiu, mawae udde uahahati ara'e lai su suratta.

1 TESALONIKA 5:2

Ana waugu i yamiu sassane masingkatta ringannu masemakka manungku allon darantan Mawu udde sarun rumanta ere taṛṛa ta'o su tempo ṛabbi.

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

1 KORINTUS 7:26

Mannaungnga al᷊awo'u asasusa apan mammaṛṛangnga orassa indi, ya'u mammendama mappianne amungkangngu taumata sidutu mabbiakka olangnge naal᷊ihida ere su orassa indi.

1 KORINTUS 14:32

Al᷊amatta wuassu Ghaṛṛaho ipammasingkatu watti'u Ruata wotongnge iapiaṛṛa'u taumata apan mammasingkatu watti'a udde.