2 TESALONIKA 1:8 - WUKE SUSI WATTI'U AL᷊AL᷊USASSA

⁸ wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

2 TESALONIKA 1:8 Referans Kwoze

1 PETRUS 4:17

Nia'omante tempone Ruata mamarikissa runia. Wuṛṛu ete walahannu Ruata sassane apan sarun parikisanna paarorone. Ne, amungkangu Ruata manattakke mamarikissa si ite, ereapate manga taumata apan tawe mangngimanna Watti'u Al᷊al᷊uassa wuassu Ruata udde?

2 PETRUS 3:7

Arawe langitta wuṛṛu runia apan sara orassa indi, nipadul᷊ianannu ṛengetannu Ruata udde lai, ana see tutungannu putungnga su tempo addantane. Orassa indi langitta wuṛṛu runia ta'e papadul᷊iananna ma'oman sara allo manga taumata apan lal᷊eo udde iṛṛuumanna wuṛṛu pateanna.

IBRANI 10:27

Tumba'u sambau apan piate si ite eteudde sumaruanna pamamarikisannu Ruata ringannu putungngu asasa'une apan sarun manutungnga ma'oman sara masue manga taumata apan lullawangnga si Tou!

DARALO 79:6

Sabbanga'e asasa'u-Nu su manga walahanna apan tawe maaillal᷊a Si'o wuṛṛu su manga araratuanna apan tawe mattaṛṛamawu Si'o.

IBRANI 10:30

I ite masingkata isai Tou apan nabbisara, “I Ya'u sarun mabbal᷊issa! I Ya'u sarun makkuumanna!” wuṛṛu lai nabbisara, “Mawu sarun makkuungngu al᷊aṛṛanang-Nge.”

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

GALATIA 4:8

Dorone i yamiu tawe maaillal᷊a Ruata, ana waugu udde i yamiu naola'a allangngu manga taṛṛino apan iraṛṛangngo ere mawu, arawe ṛinone wal᷊ine Ruata.

ROMA 6:16

I yamiu masingkatte manungku amungkangngu yamiu manantillu watangannu su sangkatou ipa'ola'a apulune, ne ete yamiu udde allangngu taumata apan tattuṛṛutanni yamiu – tanne allangngu rosa apan nangapiddi yamiu su papate, ara'e allangnga apan tuttuṛṛutta Ruata, wuṛṛu ringannu aroddi sarun maaukka apia ringannu Ruata.

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

SONDAPPA 20:10

See Setanna apan nangawusu si mangitou udde, tinuntunga sulal᷊ummu tahal᷊oangngu putungnga wuṛṛu belerangnga. Ete isudde tampane winatangnga wuṛṛu nabi awusu udde niramme paarorone. I mangitou sarun sansaranna allo ṛabbi saran mal᷊annu-l᷊annu.

IBRANI 12:29

Ana waugu Ruatang kite ere putungnga apan maatutungnga.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 6:10

I mangitou u'ui ringannu tingikki mangitou apan ma'ikkatta, “Oh Mawu Lembon Taṛṛino, apan susi wuṛṛu naṛṛino! Pirang katempo lai al᷊annune I'o mamarikissa lal᷊oṛṛon runia wuṛṛu maṛṛuumanni mangitou ana waugu suete namate si yami?”

1 TESALONIKA 4:5

Arie mabbiakka tuttuṛṛuta apulun dal᷊ummu naungngu su saruannu awingngu, ere niola'u manga taumata apan tawe maaillal᷊a Ruata.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

WATTI'U MANGA RASUL 6:7

Aroddite watti'u Ruata mangke nassal᷊iawukka wuṛṛu manga mallal᷊aṛṛenggennu Mawu Yesus su Yerusalem lembon a'atambanna anambone. Wuṛṛu manambo lai manga imam apan nangngimanna Mawu Yesus.

YOHANES 3:19

I Tou niapaasal᷊a ana waugu inolaanna indi: Asasemakka udde nirumantate su runia, arawe taumata lembo maapulun ararandumma wuassu asasemakka, ana waugu pallal᷊agu mangitou lal᷊eo.

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

ZEFANYA 1:6

I Ya'u sarun mamate si mangitou apan tawe nirumanta ringang-Ku ara'e maddorongnga aehe-U wuṛṛu apan buatte nanantang-Ku wuṛṛu maddirite lai tumantalongnga si Ya'u.”

DANIEL 7:10

wuṛṛu putungnga manggelekka wuassu adderan araratuanna. Su riwune taumata mangngimbe si Tou, wuṛṛu su jutane taumata uarisikka su saruan-Ne. Wua'udde nitattakke ammul᷊annu pallaṛṛuungnga, wuṛṛu buke niwu'ate.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

DARALO 94:1

Oh Ruata, ete I'o Ruata apan mabbal᷊issa, pal᷊iatta'e wawal᷊in-Nu, oh Mawu.

DARALO 18:44

I'o nalliu'u wuassu ṛuanganna apan mal᷊awangnga, wuṛṛu na'ola'a si ya'u tembonannu manga walahanna; walahanna apan awaganangku maola'a allangku.

TAHIUL᷊E 32:35

Mawu sarun mabbal᷊issa wuṛṛu makkuumanni mangitou, tate mal᷊annu lai i mangitou mate; napawe tempo papaten mangitou udde rumantate.

TAHIUL᷊E 5:5

Arawe ana waugu i yamiu matta'uttu putungnga wuṛṛu matal᷊o suma'a su wowone, ne i ya'u tempo udde uarisikka su wallati yamiu wuṛṛu Mawu tadea'u mamasingkattu wisaran Mawu si yamiu. Mawu nabbisara,

TAHIUL᷊E 4:30

Amungkangngu i yamiu aṛṛiaannu al᷊al᷊eo udde, wuṛṛu i yamiu udde lai sulal᷊ummu asasusa, ne i yamiu sarun mabelengnga ringannu Mawu Ruatanu wuṛṛu tuttuṛṛutta si Tou.

TAHIUL᷊E 4:11

Wattia'e su manga anangngu ereapa i yamiu nirumanta wuṛṛu uarisikka su leddam bowone apan aoopannu timbulla marandumma naal᷊ihidda winabbawa maapala wuṛṛu putungnga lukkenggamma wuassu langitta.

SASABANGNGA 5:2

“Isai Mawu udde?” aiwal᷊on datu. “Anio i ya'u mangaddata si Tou wuṛṛu mamalan balahannu Israel mapul᷊e? I Ya'u wagga Mawu udde, wuṛṛu taumatan Israel tawe ta'u iwala mapul᷊e.”

PANDARIADDI 3:24

Wua'udde, su samba'an da'i wuassu wailla udde su saruannu ngara suttanna, Ruata nangaddon manga mala'ekattam, wuṛṛu sammata hal᷊ele pia putungnge apan tuttiri su al᷊awo'u tampa, ipandiaga lal᷊anna watukku punnu alu apan mangngonggolu wiakka udde. Ringannu aroddi tawe saran sangkatou apan hotongnge maasutta mangundanin punnu alu udde.

1 PETRUS 3:6

Sara lai aroddi, tou matuṛṛutta si Abraham wuṛṛu nanaggon tou mawune. Tuṛṛanga orassa indi naola'a al᷊aṛṛana'i Sara, amungkangu i yamiu ma'ola'a inolaanna apan mapia wuṛṛu tawe matta'uttu apa-apa.

IBRANI 11:8

Ana waugu mangngimanna, ne i Abraham tinumuṛṛuta Ruata su tempo Ruata namago si tou, wuṛṛu nandolokki tou inai watukku wanua apan suete pina'iren Ruata si tou. See i Abraham inaite ringannu awa'gananna suapa sarun patuddanni tou.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

GALATIA 3:1

Manga tuṛṛangnga taumatan Galatia! I yamiu woddo atonna. Tanne i yamiu niaṛṛinoanten wawono'i sai? Papaten Kristus su alu arussa suete ta'u tinal᷊a'a ringannu masema-semakka si yamiu!

2 KORINTUS 10:5

wuṛṛu manggohakku tanda'u atatanggakka apan niola'a ipanompolla asingkattu Ruata. I yami nanametta ṛingiṛṛannu manga taumata wuṛṛu na'ola'a si mangitou massuṛṛubawa si Kristus.

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

ROMA 16:26

Arawe orassa indi, wuassu darolokku Ruata sassane, pandumanne udde buatte niapaal᷊iatta'a wuṛṛu niapasingkata su anambon walahanna ere suete niwoṛṛettu manga nabi, tadea'u i mangitou sarangkanambone mangngimanna wuṛṛu tumuṛṛutta Ruata.

ROMA 15:18

I ya'u waṛṛani mabbisara aroddi tumba'u su ola'u apa apan buatte niola'i Kristus si Ya'u ipa'ola'a manga taumata wal᷊ine Yahudi tuttuṛṛutta Ruata. I ya'u mammanara udde ringannu manga wisara ara'e lai ringannu manga inolaanna see lai pallal᷊agu,

ROMA 10:16

Arawe tawe anambon taumata mannengkamma Watti'u Al᷊al᷊uassa udde. Ana waugu Yesaya nabbisara, “Mawu, isaite apan mangngimanna watti'i yami?”

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.

YOHANES 8:19

“Iamangngu udde suapa?” aiwal᷊o mangitou. Mawu Yesus sinumimbakka, “I yamiu tawe maaillal᷊a si Ya'u aroddi lai Iamang-Ku. Unnu wisara i yamiu maaillal᷊a si Ya'u, i yamiu lai sarun maaillal᷊a Iamang-Ku.”

YESAYA 61:2

I tou nandolo'u iappawatti'a manungku nia'omante tempone Mawu manal᷊amatta; hunan ipalluassa anambon taumata apan massusa, wuṛṛu mabbal᷊issa manga seetti mangitou;

YESAYA 1:19

Amungkangngu i yamiu maapulu tumuṛṛutta si Ya'u, i yamiu sarun mamendamma al᷊awo'a apan mapia sussabbangnga wuassu wanuanu.

DARALO 9:10

Mawu udde tampa pattillummannu taumata apan aumpisananna, tampa passirunganna sutempon asasusa.

1 SAMUEL 2:12

Al᷊aṛṛana'i Eli tumaniten dal᷊eo atonna. I mangitou tawe maddaringikka Mawu

YESAYA 1:28

Arawe manga taumata marosa apan lullawangnga Mawu sarun patean-Ne, wuṛṛu sarangkanambone apan nanantangngu Mawu sarun iapawinasa.

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.

2 SAMUEL 23:7

tawe saran sangkatou apan mappulu mangindingnga si tou amungkangu tawe a'oenne wuassu alu ara'e atta'a. Manga taumata udde nasue niepoddu putungnga.