2 TESALONIKA 1:5 - WUKE SUSI WATTI'U AL᷊AL᷊USASSA

⁵ Isindi nasemakke aroddi atul᷊idde pamamarikissu Ruata: I yamiu suete natataṛṛanga ana waugu Runia Wakkun Duata, ana waugu udde i yamiu wotongnge sumutta sulal᷊umme.

2 TESALONIKA 1:5 Referans Kwoze

FILIPI 1:28

Ṛinone i yamiu siddutu waṛṛani; arie matta'uttu manga seennu. Ringannu aroddi yamiu mapaal᷊iatta'a manungku i mangitou sarun maruggi, wuṛṛu i yamiu sarun maauntunga, ana waugu Ruata sassane apan mangonggolu auntunganna si yamiu.

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

SONDAPPA 19:2

Pallaṛṛuung-Nge matul᷊idda wuṛṛu masiṛṛonga! I Tou suete naṛṛuumannu sumasandaga apan wahewalla, apan nandal᷊eo runia ringannu sasandage. Ruata suete naṛṛuumannu sumasandaga udde, ana waugu ete i tou namate manga allangngu Ruata.”

LUKAS 20:35

arawe manga taumata apan wotongnge iapawangunna napawe suete nate, wuṛṛu mabbiakka su tempo addantane, i mangitou tawe ma'awingnga.

2 TIMOTIUS 2:12

Amungkangu i ite sidutu matammuda, i ite sarun mamarenta lai suadio'a ringanni Tou. Amungkangu i ite massinaadi Tou, I Tou lai sarun massinaadi ite.

2 TESALONIKA 1:11

Ana waugu udde i yami sidutu u'al᷊iomanni yamiu. I yami u'al᷊iomanna tadea'u Ruata ma'ola'a si yamiu wotongnge mabbiakka tumuṛṛutta apulu-Ne; ana waugu udde i Tou namaggo si yamiu. Doronganna Ruata, ringannu taṛṛino-Ne, manuungngu apulu-Ne ma'ola'a apapia, wuṛṛu manuungngu anambon manara apan a'olaanni yamiu ana waugu mangngimanna si Kristus.

ROMA 8:17

Ne, amungkangngu ete i ite al᷊aṛṛana'u Ruata, ne i ite lai mananahuanna wurru sarun manengkamma manga al᷊amatta apan buatte nissaddian Duata su manga al᷊aṛṛanang-Nge. I ite sarun manengkamma suadio'a ringanni Kristus apa apan buatte nissaddian Duata si Tou; ana waugu amungkangngu i ite uatataṛṛanga su sambau ringanni Kristus, i ite sarun wantuhanna lai su sambau ringanni Kristus.

DARALO 99:4

Taṛṛino ete Si'o, Ratu apan marangngu tita; I'o buatte napararisikku apapia; I'o buatte napaamattu tita wuṛṛu atatul᷊idda su Israel.

SONDAPPA 16:7

Ana see i ya'u naaringikka tingikka wuassu mezbah nabbisara, “Mawu, Ruata Lembon Taṛṛino, atonna wuṛṛu su atatul᷊idda manga ṛuumanna apan niema'a si yami!”

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

SONDAPPA 3:4

Arawe su pattangngani yamiu su Sardis ta'e pia taumata uariaga tadea'u laungnge sidutu waresi. I mangitou udde sarun umamatta suadio'a ringang-Ku ringaannu uapedettu mawira, ana waugu i mangitou su ṛinone mappaattu udde.

1 TESALONIKA 2:14

Manga tuṛṛangnga, asasusa apan niapendamanni yamiu, suete niapendamannu manga jamaattu Ruata su Yudea apan naola'a pussa'an Kristus Yesus. I yamiu naapendamma asasusa wuassu walahanni yamiu sassane, ere lai niapendamannu manga jamaattu Ruata su Yudea udde wuassu wageangngu manga taumatan Yahudi.

KOLOSE 1:12

wuṛṛu ringannu wisara adiangkamanna su Iamangnga. Ana waugu ete Iamangnga udde apan nandiaddi si yamiu wotongnge manengkamma apa apan nissaddian Duata su al᷊aṛṛanang-Nge sulal᷊ummu araratuan-Ne apan masemakka.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

WATTI'U MANGA RASUL 13:46

Arawe ringannu lembon waṛṛani lai i Paulus wuṛṛu i Barnabas nabbisara uahahati. I mangitou nabbisara, “Wisaran Ruata atonna ṛinone iwal᷊o si yamiu rorone. Arawe ana waugu i yamiu maddiri madaringikka, i yamiu suete namile sassane manungku i yamiu tawe ṛinone manengkamma wiakka tutune wuṛṛu saran mal᷊annu-l᷊annu. Wuṛṛu orassa indi yami manantangngi yamiu wuṛṛu inaite ringannu walahanna waine.

LUKAS 21:36

Paariagate, wuṛṛu sidutu a'al᷊iomanna tadea'u i yamiu matohassa mamipen al᷊awo'u hatto apan sarun mariaddi wuṛṛu i yamiu wotongnge sumaruanna Ana'u Taumata.”

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

YEREMIA 9:24

Isai mappulu lumuassu sambau saranapa, ṛinone lumuassa manungku i tou ma'aillal᷊a wuṛṛu maasunna si Ya'u; manungku i tou masingkatta i Ya'u marangngu saran mal᷊annu-l᷊annu wuṛṛu i Ya'u mannohassa tita see atatul᷊idda su runia. Sarangkanambone udde maal᷊uassa naung-Ku. I Ya'u, Mawu, apan namasingkattu udde.”

DARALO 111:7

Mawu matul᷊idda wuṛṛu mapia sulal᷊ummu al᷊awo'u manara-Ne, al᷊awo'u parenta-Ne wotongnge ipangasakka.

DARALO 72:2

Antimanna I'o makkuungngu al᷊aṛṛanang-Ngu tumuṛuttu tita, wuṛṛu ma'ola'a taumata niallangnga ringannu atatul᷊idda.

DARALO 50:6

Langitta mammasingkatta manungku Ruata nakkuungngu al᷊aṛṛanang-Nge, wuṛṛu manungku i Tou sassane mallaṛuungnge.

DARALO 33:5

I Tou marangngu apapia wuṛṛu atatul᷊idda; ahewallu runia nepenen darangngu-Ne.

AYUB 8:3

Ruata mangke tawe mamengkollu atatul᷊idda; mangke taweddu mariaddi manahekku ṛinone.