2 TESALONIKA 1:12 - WUKE SUSI WATTI'U AL᷊AL᷊USASSA

¹² Ringannu aroddi Mawun kite Yesus Kristus wantuhanni yamiu, wuṛṛu i yamiu lai wantuhannu Mawu Yesus ana waugu apapia naungngu Ruatan kite wuṛṛu Mawu Yesus Kristus.

2 TESALONIKA 1:12 Referans Kwoze

2 TESALONIKA 1:10

sarangkanambone udde sarun mariaddi su allo i Tou rumanta apia ana wantuhannu al᷊aṛṛanang-Nge wuṛṛu addatannu anambon taumata apan mangngimanna. I yamiu lai isudde su sambau ringannu walahannu Ruata udde, ana waugu i yamiu suete nangimanna watti'a apan niapaasingkati ami si yamiu.

1 PETRUS 4:14

I yamiu naauntungnga amungkangu i yamiu aal᷊uandahanna ana waugu i yamiu mallal᷊aṛṛenggenni Kristus. Udde atappasanne Ghaṛṛaho apan mawantuga, eteudde Ghaṛṛahon Duata udde sulal᷊ummu naungngu.

YOHANES 17:10

Anambon pussaa-U lai pussa'an Iamangnga; wuṛṛu anambon pussa'an Iamangnga udde lai pussa'a-U. I Ya'u niwantuhanna su wallatti mangitou.

2 KORINTUS 13:4

Atonna su tempo i Tou niarussa, i Tou lome, arawe orassa indi i Tou mabbiakka ringannu taṛṛino Ruata. I yami lai lome sulal᷊ummu wiakki yami apan uaaukka ringanni Kristus, arawe napawe sumaruanna si yamiu, i yami lai matohassa su sambau ringanni Kristus ana waugu taṛṛinon Duata.

SONDAPPA 1:4

Manga tuṛṛanga apan uatana'a su pitu jamaatta su leta'u Asia! I ya'u Yohanes, mangngantimma i yamiu onggol᷊annu al᷊amatta wuṛṛu al᷊al᷊uassa wuassu Ruata – eteudde i Tou apan nirumanta, apan nirumantate wuṛṛu apan nirumanta sarangkal᷊o'engnge – wuṛṛu lai wuassu pitu ghaṛṛaho apan uatana'a su saruannu adderan araratuannu Ruata,

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

1 KORINTUS 1:4

I ya'u sidutu maadiangkamanna su Ruata su ola'i yamiu, ana waugu yamiu buatte nanengkamma al᷊amattu Ruata sulal᷊ummi Kristus Yesus.

FILIPI 3:9

wuṛṛu atonna-tonna uaaukka ringanni Tou. Pasasambau apan mapia ringannu Ruata tate ta'u manaranna sassane, ringannu tuttuṛṛuta titan agama. Orassa indi ya'u pia paa'aukka apan mapia ringannu Ruata, ana waugu i ya'u mangngimanna si Kristus. Nariaddi, paa'aukka apan mapia udde darantane wuassu Ruata, wuṛṛu pinangiannne ana waugu mangngimanna si Yesus Kristus.

ROMA 1:7

Ana waugu udde i ya'u namoṛṛettu suratta indi si yamiu. Antimanna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu al᷊al᷊uassa si yamiu.

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

PANDARIADDI 18:18

Wal᷊inewe papapulunne apan sarun maola'a balahama apan wahewalla wuṛṛu uataṛṛino? Walinetoe ete ana waugu i tou anambon balahama su runia sarun Ta'u al᷊amatanna?

TITUS 2:11

Ana waugu Ruata suete napaal᷊iatta'u darangngu-Ne ipanal᷊amatta anambon taumata.

YESAYA 45:25

Arawe papapulunni Yakub sarun iapaasal᷊amatta, wuṛṛu i mangitou sarun maddalo si Ya'u, Mawu.

YESAYA 24:15

wuṛṛu taumata su samba'a ra'i maddalo si Tou. Tumana'u winggin sahatta sarun maddalo Mawu, Ruatan Israel.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!