2 TESALONIKA 1:10 - WUKE SUSI WATTI'U AL᷊AL᷊USASSA

¹⁰ sarangkanambone udde sarun mariaddi su allo i Tou rumanta apia ana wantuhannu al᷊aṛṛanang-Nge wuṛṛu addatannu anambon taumata apan mangngimanna. I yamiu lai isudde su sambau ringannu walahannu Ruata udde, ana waugu i yamiu suete nangimanna watti'a apan niapaasingkati ami si yamiu.

2 TESALONIKA 1:10 Referans Kwoze

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

1 KORINTUS 3:13

Manaran sangkatou-sangkatou sarun asiloanna su tempo Kristus rumanta apia. Ana waugu su allo udde putungnga sarun manemakka manaran sangkatou-sangkatou see asiloanna. Putungnga sarun manal᷊u'atta wuṛṛu manantunnu apapian manara udde.

YOHANES 17:10

Anambon pussaa-U lai pussa'an Iamangnga; wuṛṛu anambon pussa'an Iamangnga udde lai pussa'a-U. I Ya'u niwantuhanna su wallatti mangitou.

YESAYA 49:3

Wisara-Ne si ya'u, “Ete i'o allang-Ku; i Ya'u sarun wantuhanna ana waugu i'o.”

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

REENGANNA 23:23

Tawe daroa apan maaṛṛino si Yakub tawe papasi'atta apan maal᷊ore su Israel. Su ola'u walahanna udde taumata sarun mabbisara, ‘Pa'ellega al᷊aṛṛindu'a apan niola'u Ruata!’

2 TESALONIKA 2:13

Manga tuṛṛangnga apan arangnguannu Mawu! Ṛinone i yamiu sidutu maadiangkamanna su Ruata su ola'i yamiu, ana waugu ro'en paarorone Ruata suete namile si yamiu iapaasal᷊amatta. Olangnge udde mariaddi wuassu apa apan nimmanara Ghaṛṛahon Duata si yamiu tadea'u i yamiu maola'a al᷊aṛṛana'u Ruata apan susi wuṛṛu ana waugu i yamiu mangngimanna watti'u Ruata.

1 KORINTUS 1:6

Udde mapaal᷊iatta'a manungku watti'a su ola'i Kristus aroddite nal᷊inna sulal᷊ummu naungngu,

DARALO 89:7

Su langitta tawe sul᷊ungnge ere I'o, oh Mawu, tawe riaddiannu surga apan uasul᷊ung-Ngu.

2 TIMOTIUS 1:18

Wuṛṛu i'o masingkatta manungku su Efesus i tou masokka mantul᷊ungku. Doronganna Mawu mapaal᷊iatta'u darangngu-Ne si tou su allo Mawu mamarikissa anambon walahannu taumata.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

2 TESALONIKA 1:12

Ringannu aroddi Mawun kite Yesus Kristus wantuhanni yamiu, wuṛṛu i yamiu lai wantuhannu Mawu Yesus ana waugu apapia naungngu Ruatan kite wuṛṛu Mawu Yesus Kristus.

1 TESALONIKA 2:13

Pia lai sambau hatto waine apan naaola'a si yami sidutu maadiangkamanna su Ruata. Hatto udde eteudde, manungku su tempo i yami mammasingkatu watti'u Ruata si yamiu, i yamiu naddaringikka wuṛṛu nanengkamma watti'a udde wal᷊ine ere watti'a wuassu taumata, arawe watti'a apan atonna-tonna wuassu Ruata. Ete i Tou apan mammanara sulal᷊ummu watangannu apan mangngimanna si Kristus.

1 TESALONIKA 2:1

Manga tuṛṛangnga! I yamiu sassane masingkata manungku patatembong kami si yamiu pia gunane.

1 TESALONIKA 1:5

Ana waugu i yami namasingkatu Watti'u Al᷊al᷊uassa si yamiu wal᷊ine tumba'u ringannu wisara, arawe lai ringannu taṛṛino wuṛṛu Ghaṛṛahon Duata. Wuṛṛu i yami mangngimanna atonna atatul᷊iddu Watti'u Al᷊al᷊uassa udde. I yamiu masingkata ereapa i yami mabbiakka ana waugu i yamiu su tempo i yami uatana'a su pattanganni yamiu.

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

EFESUS 3:10

Pandumannu Ruata eteudde, tadea'u orassa indi, wuassu jamaatta sarangkanambone apan uaagassa taṛṛino su winalanganna masingkatu apanden Duata su al᷊awo'u inolaanne.

EFESUS 2:7

Ruata na'ola'a udde tadea'u su tempo apan addantane, taumata wotongnge maasilo aroddi ahewalle darangngun Ruata. Darangngu udde niapaasilon Duata sulal᷊ummu apapia naung-Nge si ite sulal᷊ummi Kristus Yesus.

EFESUS 1:14

Ghaṛṛaho udde naola'a wataṛṛu manungku i ite sarun manengkamma apa apan buatte pina'iren Duata su al᷊aṛṛanang-Nge. Indi mangngonggolu antimma si ite manungku Ruata sarun mamallosu al᷊aṛṛanang-Nge. Dalo su Ruata ana waugu awawantu-Ge!

EFESUS 1:12

Wala'e i ite, apan paarorone mangngantima si Kristus, maddalo Ruata ana waugu awawantu-Ge!

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

GALATIA 1:24

Ne i mangitou nadalote Ruata ana waugu i ya'u.

YOHANES 11:4

Napawe Mawu Yesus naaringikka watti'a udde, i Tou nabbisara, “Rada'a indi tawe maapate. Indi mariaddi tadea'u Ruata wantuhanna, wuṛṛu tadea'u ana waugu udde Ana'u Ruata lai iapaawantuga.”

LUKAS 10:12

Paananunge, su Allong Kiamatta, taumatan Sodom malluasanna ampungannu Ruata wuassu taumata su soa udde!”

MATIUS 25:31

“Napawe Ana'u Taumata rumanta ere sangkatou ratu tatantalongannu anambo mala'ekan-Ne, i Tou sarun uma'ianna su adderan araratuanna apan mawantuga.

MATIUS 24:36

“Tawedu masingkatta allone wuṛṛu oranne, manga mala'ekattu Mawu su surga lai wagga, Ana'u Ruata lai wagga, tumba'u Iamangnga sassane masingkatta.

MATIUS 7:22

Su Allong Kiamatta manambo taumata sarun mabbisara si Ya'u, ‘Mawu, Mawu, wal᷊inewe ringannu arannu i yami suete nabbal᷊on tanata Ruata? Wuṛṛu wal᷊inewe ringannu arannu Mawu lai yami suete nallimbuakka manga ghaṛṛaho lal᷊eo see na'ola'a anambon al᷊aṛṛindu'a?’

MALEAKHI 3:17

Mawu Apan Lembontaṛṛino nabbisara, “I mangitou sarun mabbal᷊i uma-U. Su allo udde i Ya'u mammanara, i mangitou sarun maola'a pussa'a arangnguang-Ku. I Ya'u sarun umakkanni mangitou, ere sangkatou iamangnga u'akkannu anangnge apan matuṛṛutta si tou.

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

YESAYA 43:21

Ete i mangitou walahanna apan Ta'u niola'a wuassu watangang-Ku, tadea'u wotongnge magion daralo si Ya'u.”

DARALO 68:35

Panga'ute taṛinon Duata apan uaparenta su Israel, taṛino-Ne naddatingngu langitta.

YESAYA 2:11

Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

MATIUS 16:28

Asingkatawe! Wuassu wallatti yamiu isindi piaddu tawe mate, tantal᷊anna taambe naasilo Ana'u Taumata rumanta mamarenta ere sangkatou Ratu.”

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.